నెట్​ఫ్లిక్స్​లో లేటెస్ట్ మూవీస్​ చూడాలా? ఈ 'సీక్రెట్ కోడ్స్​' గురించి తెలుసుకోండి! - Netflix Secret Menu

Netflix Secret Menu : మీరు నెట్​ఫ్లిక్స్​ యూజర్లా? అయితే ఇది మీ కోసమే. నెట్​ఫ్లిక్స్​లో లేటెస్ట్ మూవీస్​ కొన్ని మాత్రమే కనిపిస్తాయి. బెస్ట్ కంటెంట్ మాత్రం అంత ఈజీగా కనిపించదు. అందుకే ఈ ఆర్టికల్​లో నెట్​ఫ్లిక్స్​లోని బెస్ట్ కంటెంట్​ను చూపించే సీక్రెట్ మెనూ గురించి తెలుసుకుందాం.

Netflix Secret Menu : నెట్​ఫ్లిక్స్​లో బోలెడు సినిమాలు, వెబ్​సిరీస్​లు, టీవీ షోలు ఉంటాయి. కానీ యాప్​ తెరవగానే, కొన్ని లేటెస్ట్ మూవీస్​ మాత్రమే కనిపిస్తుంటాయి. వీటిలో మన అభిరుచికి తగినవి ఉండకపోవచ్చు. అందువల్ల చాలా మంది సబ్​స్క్రైబర్లు డీలా పడిపోతుంటారు. వాస్తవానికి మీరు గతంలో చూసిన వీడియోలు ఆధారంగా, నెట్​ఫిక్స్ ఆల్గారిథమ్ పనిచేస్తుంది. ఇది మీ అభిరుచికి అనుగుణమైన వీడియోలను చూపిస్తుంటుంది. అయితే ఇది ఎల్లవేళలా సరిగ్గా పనిచేస్తుందని చెప్పలేము. కనుక మీరు కోరుకున్న కంటెంట్​ మీకు కనిపించకపోవచ్చు. అయితే మీరేమీ చింతించాల్సిన పనిలేదు. నెట్​ఫ్లిక్స్​లో ఓ 'సీక్రెట్ మెనూ' ఉంది. దీనిని ఉపయోగించి, మీకు నచ్చిన బెస్ట్ వీడియోలను వీక్షించవచ్చు. అది ఎలాగో ఇప్పుడు తెలుసుకుందాం.

నెట్​ఫ్లిక్స్​ మెనూ అనేది కోడ్​-బేస్డ్​ సిస్టమ్​ ఆధారంగా పనిచేస్తుంది. దీనిని ఉపయోగించి, మీరు కోరుకున్న జోనర్​లోని వీడియోలు చూడవచ్చు. అంతేకాదు నెట్​ఫ్లిక్స్​లో ఉంటే వేలాది వీడియోల్లో, మీరు కోరుకున్న కేటగిరీ, సబ్​కేటగిరీలోని చిత్రాలను, వెబ్​-సిరీస్​లను బ్రౌజ్​ చేయవచ్చు. దీని వల్ల మీకు నచ్చిన వీడియో కోసం గంటల తరబడి వెతుక్కోవాల్సిన పని ఉండదు.

నెట్​ఫ్లిక్స్ కోడ్స్​
What Are Netflix Codes : ఈ నెట్​ఫ్లిక్స్ కోడ్స్ ఆండ్రాయిడ్​ యాప్​లో పనిచేయవు. వీటిని కేవలం నెట్​ఫ్లిక్స్ వెబ్​సైట్​లో మాత్రమే వాడగలం. ఒక ప్రత్యేకమైన సంఖ్య రూపంలో ఈ కోడ్ ఉంటుంది. దీనిని ఉపయోగించి మీకు నచ్చిన జోనర్​, సబ్​-జోనర్​లోని వీడియోలు చూడవచ్చు. అది ఎలా అంటే?

నెట్​ఫ్లిక్స్ యూఆర్ఎల్ (URL) చివరన ఈ కోడ్​లను జోడించాలి. అంతే సింపుల్​. మీరు ఎంచుకున్న కేటగిరీ, సబ్​-కేటగిరీలోని చిత్రాలు, టీవీ షోలు మీకు నేరుగా కనిపిస్తాయి.

ఉదాహరణకు మీరు కేవలం 90 నిమిషాల నిడివి గల సినిమా చూడాలని అనుకంటే, 81466194 కోడ్ ఉపయోగించాలి. లేదా మీరు కుటుంబ కథా చిత్రాలు చూడాలనుకుంటే 2013975 కోడ్ ఉపయోగించాలి. ఈ విధంగా నెట్​ఫ్లిక్స్​లో మీకు నచ్చిన మూవీ చూడడానికి దాదాపుగా 36,000 కోడ్​లు అందుబాటులో ఉన్నాయి. కంగారు పడకండి. వీటిని మీరు కంఠస్థం చేయాల్సిన పనిలేదు. https://www.netflix-codes.com/ అనే వెబ్​సైట్​లో ఇవన్నీ కనిపిస్తాయి.

ఇక్కడ మీరు గుర్తుంచుకోవాల్సిన విషయం ఏమిటంటే, నెట్​ఫ్లిక్స్ సీక్రెట్​ మెనూ అంటూ ప్రత్యేకంగా ఏమీ ఉండదు. ఈ సీక్రెట్​ కోడ్సే మీకు మెనూలా పనిచేస్తాయి. వీటిపై క్లిక్ చేయగానే, మీకు నచ్చిన జోనర్​లోని వీడియోలు మొత్తం కనిపిస్తాయి.

Netflix-Codes.comలో 20 టాప్​-లెవల్​ కేటగిరీలు ఉంటాయి. వీటిలో యానిమేషన్, యాక్షన్-అడ్వంచర్​, చిల్డ్రన్​ & ఫ్యామిలీ మూవీస్​, కామెడీ, రొమాంటిక్​, హారర్​, థ్రిల్లర్​, సైంటిఫిక్​ & ఫ్యాంటసీ, స్పోర్ట్స్ మూవీస్ ఉంటాయి. అలాగే టీవీ షోలు, డ్రామాలు, డాక్యుమెంటరీలు, మ్యూజిక్​ సహా భిన్నమైన జోనర్స్ ఉంటాయి. వీటిలో మీకు నచ్చిన దానిని హాయిగా చూసుకోవచ్చు.

నెట్​ఫ్లిక్స్ కోడ్స్​ను ఎలా వాడాలి?
How do I use Netflix codes?

మెథడ్ -1

• ముందుగా మీరు https://www.netflix-codes.com/ వెబ్​సైట్ ఓపెన్ చేయాలి.
• అక్కడ వివిధ కేటగిరీలకు, జోనర్​లకు సంబంధించిన కోడ్స్ కనిపిస్తాయి.
• ఆ కోడ్స్​పై క్లిక్ చేస్తే చాలు, మీకు కావాల్సిన వీడియోలు కనిపిస్తాయి. అంతే సింపుల్​!

మెథడ్ -2

• మీరు క్రోమ్ వెబ్​స్టోర్​లోకి వెళ్లి Better Browse for Netflix అని సెర్చ్ చేయాలి. (ఈ ఎక్స్​టెన్షన్​ - ఫైర్​ఫాక్స్​ బ్రౌజర్​కు సపోర్ట్ చేయదు.)
• దానిపై క్లిక్ చేసి క్రోమ్ బ్రౌజర్​​కు యాడ్ చేసుకోవాలి.
• తరువాత యాడ్​ ఎక్స్​టెన్షన్​పై క్లిక్ చేయాలి.
• తరువాత న్యూ ట్యాబ్​ ఓపెన్ చేసి, నెట్​ఫ్లిక్స్​ వెబ్​సైట్​లోకి లాగిన్ కావాలి.
• వెంటనే నెట్​ఫ్లిక్స్ హోమ్ పేజ్​లో మీకు Browse all అనే ఆప్షన్ కనిపిస్తుంది.
• బ్రౌజ్​ ఆల్​పై క్లిక్​ చేస్తే, అన్ని రకాల జోనర్​లు, కేటగిరీలు మీకు కనిపిస్తాయి. వాటిలో మీకు నచ్చిన దానిని ఎంచుకోవచ్చు.

మెథడ్​ -3

• FindFlix అనే ఎక్స్​టెన్షన్​ - క్రోమ్ బ్రౌజర్​కు, ఫైర్​ఫాక్స్​కు కూడా సపోర్ట్ చేస్తుంది. దీనిని మీ బ్రౌజర్​కు యాడ్ చేసుకోవాలి.
• తరువాత నెట్​ఫ్లిక్స్ వెబ్​సైట్​లో లాగిన్ కావాలి.
• నెట్​ఫ్లిక్స్​ హోమ్ పేజ్​లో మీకు FF ఐకాన్​ కనిపిస్తుంది.
• ఈ డ్రాప్​డౌన్​ ఐకాన్​పై క్లిక్ చేస్తే, అన్ని రకాల కేటగిరీలు కనిపిస్తాయి. వాటిలో మీకు నచ్చిన దానిని ఎంచుకోవచ్చు.

మెథడ్​ -4

• నెట్​ఫ్లిక్స్​ యూఆర్​ఎల్​కు కోడ్​ను జత చేసి కూడా మీకు నచ్చిన వీడియోను కనిపెట్టవచ్చు. అది ఎలా అంటే?
• ఉదాహరణకు మీరు 90 నిమిషాల నిడివి గల సినిమా చూడాలని అనుకన్నారు.
• అప్పుడు మీరు http://www.netflix.com/browse/genre/81466194 అని టైప్ చేయాలి.
• వెంటనే 90 నిమిషాల నిడివి గల సినిమాలు అన్నీ మీకు కనిపిస్తాయి. వాటిలో మీకు నచ్చిన దానిని ఎంచుకోవచ్చు.
• ఇది కాస్త కష్టమైన పద్ధతే. కాకపోతే ఒకసారి ఈ విధానం తెలుసుకుంటే, తరువాత ఇదే చాలా ఈజీ అయిపోతుంది.