మీ ఐఫోన్ స్లోగా ఛార్జింగ్ అవుతుందా? ఈ సింపుల్ టిప్స్ పాటిస్తే నిమిషాల్లో ఫాస్ట్​ ఛార్జ్!

మీ ఐఫోన్​లో ఛార్జింగ్ స్లోగా అవుతుందా? నిమిషాల్లో ఫుల్ ఛార్జ్ కోసం సింపుల్ టిప్స్!

iPhone Fast Charging Tips : ప్రస్తుతం స్మార్ట్‌ఫోన్ వినియోగదారులందరికీ అతిపెద్ద సమస్య బ్యాటరీ ఛార్జింగ్ స్పీడ్. అందులో ఐఫోన్​ వినియోగదారులకు ఈ సమస్య కొంచెం ఎక్కువగానే ఉంటుంది. ఐఫోన్​ ఛార్జ్​ చేయడానికి ఎక్కువ టైమ్ పడుతుంది. అర్జెంట్​గా బయటకు వెళ్లాల్సి వచ్చినా, ఏదైనా ఫంక్షన్స్​ లేదా టూర్స్​కు ఇలా వెళ్లినప్పుడు ఫోన్​లో ఛార్జింగ్ లేకపోతే ఇబ్బందులు ఎదురవుతాయి. కానీ కొన్ని సింపుల్ టిప్స్​ పాటిస్తే చాలు ఐఫోన్​ను చాలా వేగంగా ఛార్జ్​ చేయవచ్చు. అవేంటో ఈ స్టోరీలో తెలుసుకుందాం.

పాత ఛార్జర్​ను అప్​గ్రేడ్ చేయాలి
పాత ఛార్జర్​తో ఐఫోన్​ను ఫుల్​గా ఛార్జింగ్ చేయడానికి చాలా సమయం పడుతుంది. అందుకోసం 20 వాట్​ ఛార్జింగ్​ సామర్థ్యం గల అడాప్టర్​కు యూఎస్​బీ-సీ టు లైటెనింగ్​ లేదా యూఎస్​బీ-సీ టు యూఎస్​బీ-సీ కేబుల్​తో ఉపయోగించాలి. ఇలా చేస్తే ఐఫోన్​ 8, ఆ తర్వాత వచ్చిన మోడల్స్ 50శాతం ఛార్జింగ్​ను కేవలం 30 నిమిషాల్లో ఛార్జ్​ చేయొచ్చు. టైమ్ ఉంటే గంటలో ఫుల్​ ఛార్జ్​ కూడా చేసుకోవచ్చు. తక్కువ సమయం ఉన్నప్పుడు ఫాస్ట్​ ఛార్జింగ్​ ఆప్షన్​ను ఎంచుకోవాలి. అయితే, ప్రస్తుతం యాపిల్ కంపెనీ ఐఫోన్​తో పాటు కేవలం కేబుల్ మాత్రమే ఇస్తోంది. పవర్ అడాప్టర్​ను వేరుగా కొనాల్సిందే. 20 వాట్ సామర్థ్యం ఉన్న ఫాస్ట్ ఛార్జర్​ను తీసుకోవడం మంచిది.

వైర్​లెస్​ ఛార్జింగ్​
'యాపిల్​ మాగ్​సేఫ్​ ఛార్జర్​'తో 20 వాట్ అడాప్టర్​ ఉపయోగిస్తే ఐఫోన్ 12, ఆ తర్వాత వచ్చిన మోడల్స్​ చాలా వేగంగా ఛార్జ్​ అవుతాయి. దీంతో 15-వాట్​ వైర్​లెస్​ ఛార్జింగ్ పొందొచ్చు. వాటితో ఐఫోన్​ను కేవలం 30 నిమిషాల్లోనే 30 శాతం వరకు ఛార్జ్ అవుతుంది.

కంప్యూటర్ ద్వారా ఛార్జింగ్ చేయవద్దు
చాలా మంది యాపిల్ ల్యాప్​టాప్​ ద్వారా ఐఫోన్​లను ఛార్జ్ చేస్తుంటారు. అలా చేయడం వల్ల ఫోన్ చాలా నెమ్మదిగా ఛార్జ్ అవుతుంది. మీ కంప్యూటర్​లోని యూఎస్​బీ పోర్ట్​ ఎంత పెద్దగా ఉన్నా, యూఎస్​బీ-ఏ, యూఎస్​బీ-సీ అయినా లేదా కొత్త కంప్యూటర్​, పాతదైనా సరే అది 5-వాట్​ పవర్​ను అడాప్టర్ ఇచ్చే ఛార్జింగ్​ కూడా ఇవ్వదు. మీ ఐఫోన్​ త్వరగా ఛార్జ్​ కావడానికి ఉపయోగపడదు.

ఛార్జింగ్ చేసేటప్పుడు ఐఫోన్​ వాడొద్దు
ఐఫోన్​ ఛార్జింగ్ కోసం పెట్టినప్పుడు దానిని ఉపయోగించకూడదు. ఎందుకంటే వీడియోలు చూడటం, గేమ్స్ ఆడడం వంటి చేయడం వల్ల ఛార్జ్​ స్లోగా అవుతుంది.

టర్న్​ ఆఫ్​ చేసి​ ఛార్జింగ్
ఛార్జింగ్​ పెట్టేటప్పుడు ఐఫోన్​ను టర్న్​ ఆఫ్​ చేయాలి. ఎందుకంటే ఫోన్​ను ఉపయోగించకపోయినా. బ్యాక్​ గ్రౌండ్​లో పని చేస్తూనే ఉంటుంది. దీంతో ఛార్జ్ స్లోగా అవుతుంది.

ప్లైట్​ మోడ్​లో ఛార్జింగ్
ఒక వేళ మీకు ఫోన్​ను టర్న్ ఆఫ్ చేయడం ఇష్టం లేకపోతే ఎయిర్​ప్లేన్​ మోడ్​లో పెట్టి ఛార్జ్​ చేయవచ్చు. వైఫై, బ్లూటూత్ లాంటివి పనిచేయడం ఆగిపోతుంది. దీని వల్ల త్వరగా ఐఫోన్ ఛార్జ్ అవుతుంది.

ఐఫోన్​ సెట్టింగ్స్ మార్చాలి

• లో పవర్​ మోడ్​ : ఐఫోన్​లోని సెట్టింగ్స్​లోకి వెళ్లి 'లో పవర్ మోడ్​'ను టర్న్ ఆన్ చేయాలి. దీని వల్ల 5జీ, డిస్​ప్లే బ్రైట్​నెస్​, ఆటో-లాక్​, బ్యాక్​గ్రౌండ్ యాప్​ రీఫ్రెష్​, ఆటోమేటిక్ డౌన్​లోడ్స్​ వంటివి బ్యాటరీని కన్జూమ్ చేయకుండా నియంత్రించవచ్చు.
• డార్క్​మోడ్ : ఫోన్​ను డార్క్​మోడ్​లో ఉంచడం వల్ల బ్యాటరీ లైఫ్ సేవ్ అవుతుంది.
• స్క్రీన్ బ్రైట్​నెస్​ : ​ స్క్రీన్ బ్రైట్​నెస్ ఎక్కువగా ఉంటే ఐఫోన్​ ఛార్జింగ్ త్వరగా అయిపోతుంది. అందుకే వీలైనంత వరకు స్క్రీన్ బ్రైట్​నెస్​ను తగ్గించుకోవాలి.

ఆప్టిమైజ్డ్​ బ్యాటరీ ఛార్జింగ్​
యాపిల్ డివైజ్​లో బిల్ట్​-ఇన్​ టూల్​గా 'ఆప్టిమైజ్డ్​ బ్యాటరీ ఛార్జింగ్' ఉంటుంది. ఇది ఐఫోన్ బ్యాటరీ త్వరగా డీగ్రేడ్ కాకుండా చూస్తుంది. కానీ, దీని వల్ల మన ఐఫోన్ ఛార్జింగ్ చాలా స్లో అవుతుంది. అందుకే ఛార్జింగ్ పెట్టేటప్పుడు ఆప్టిమైజ్డ్ బ్యాటరీ ఛార్జింగ్ ఆప్షన్​ను డిజేబుల్ చేయడం మంచిది. ఐఫోన్​ సెట్టింగ్స్​లో బ్యాటరీ హెల్త్​ అనే ఆప్షన్​లోకి వెళ్తే ఆప్టిమైజ్డ్​ బ్యాటరీ ఛార్జింగ్​ కనిపిస్తోంది. దానిని డిజేబుల్ చేయాలి.

కొత్త బ్యాటరీని కొనాల్సిందే
కచ్చితంగా ఐఫోన్ బ్యాటరీ హెల్త్​ను చెక్ చేసుకుంటూ ఉండాలి. ఒకవేళ మీ ఫోన్ బ్యాటరీ పూర్తిగా డీగ్రేడ్ అయిపోతే, కొత్తది తీసుకోవడం మంచిది.