Best Phones Under 35000 : యువతలో ఉన్న క్రేజ్ను క్యాష్ చేసుకునేందుకు ప్రముఖ ఎలక్ట్రానిక్ కంపెనీలు అన్నీ మీడియం బడ్జెట్లో మంచి ఫ్లాగ్షిప్ ఫోన్లను మార్కెట్లోకి తెస్తున్నాయి. వీటిలో లేటెస్ట్ ఫీచర్లు, స్పెషిఫికేషన్లను పొందుపరుస్తున్నాయి. ప్రొఫెషనల్ డీఎస్ఎల్ఆర్ కెమెరాలకు దీటుగా కటింగ్ ఎడ్జ్ కెమెరా ఫీచర్లను అందిస్తున్నాయి. పవర్ఫుల్ ప్రాసెసర్లు, బ్యాటరీలను వాటిలో ఇన్స్టాల్ చేసి ఇస్తున్నాయి. అందుకే వీటికి మార్కెట్లో విపరీతమైన డిమాండ్ ఉంటోంది. మరి మీరు కూడా ఇలాంటి మంచి ఫ్లాగ్షిప్ ఫోన్ కొనాలని అనుకుంటున్నారా? అయితే మరెందుకు ఆలస్యం రూ.35వేల బడ్జెట్లో దొరుకుతున్న టాప్-10 మొబైల్స్పై ఓ లుక్కేద్దాం రండి.
1. Samsung Galaxy S21 FE 5G : ప్రస్తుతం మార్కెట్లో ఉన్న బెస్ట్ ప్లాగ్షిప్ ఫోన్లలో శాంసంగ్ గెలాక్సీ ఎస్21 ఎఫ్ఈ 5జీ ఒకటి. దీని ధర సుమారుగా రూ.27,729 ఉంటుంది. ఇది క్వాల్కమ్ స్నాప్డ్రాగన్ 888 ప్రాసెసర్తో పనిచేస్తుంది. దీనిలో 8జీబీ ర్యామ్ ఉంటుంది. ఆండ్రాయిడ్ 13.0తో రన్ అవుతుంది. ఈ మొబైల్ 6.4 అంగుళాల ఫుల్ హెచ్డీ + డైనమిక్ అమోలెడ్ 2x డిస్ప్లే, కార్నింగ్ గొరిల్లా క్లాస్ విక్టస్ ప్రొటక్షన్తో వస్తుంది. కెమెరా సెటప్ విషయానికి వస్తే, వెనుక వైపు 12 ఎంపీ ప్రైమరీ కెమెరా, 12 ఎంపీ ఆల్ట్రా-వైడ్ కెమెరా, 8 ఎంపీ టెలిఫొటో కెమెరాలు ఉంటాయి. ముందు భాగంలో 32 ఎంపీ సెల్ఫీ కెమెరా ఉంటుంది.
2. Oppo F27 Pro 5G : ఒప్పో ఎఫ్27 ప్రో+ 5జీ ధర సుమారుగా రూ.29,999 ఉంటుంది. ఈ స్మార్ట్ఫోన్ ఆక్టా-కోర్ మీడియాటెక్ డైమెన్సిటీ 7050 ప్రాసెసర్తో పనిచేస్తుంది. ఆండ్రాయిడ్ 14 బేస్డ్ కలర్ఓఎస్ 14.0తో ఇది రన్ అవుతుంది. ఈ కెమెరాలో డ్యూయెల్ కెమెరా సెటప్ ఉంటుంది. 64 మెగాపిక్సెల్ ప్రైమరీ కెమెరా, 2 మెగాపిక్సెల్ సెకెండరీ సెన్సార్, 8 మెగా పిక్సెల్ ఫ్రంట్ కెమెరా ఉంటాయి.
3. Realme GT 6T 5G : రియల్మీ జీటీ 6టీ 5జీ ఫోన్లో పవర్ఫుల్ స్నాప్డ్రాగన్ 7+ జెన్ 3 చిప్సెట్ ఉంది. ఈ ఫోన్ ఆండ్రాయిడ్ బేస్డ్ రియల్మీ యూఐ 5తో రన్ అవుతుంది. ఈ మొబైల్ 6.78 అంగుళాల ఫుల్ హెచ్డీ ఎల్టీపీఓ అమోలెడ్ స్క్రీన్తో వస్తుంది. కెమెరాలు, వీడియోలు తీయడానికి ఇందులో 50 మెగాపిక్సెల్ ప్రైమరీ కెమెరా, 8 మెగాపిక్సెల్ వైడ్ యాంగిల్ కెమెరా ఉన్నాయి. ఇక సెల్ఫీల కోసం 32 మెగాపిక్సెల్ సోనీ IMX615 సెన్సార్ ఉంది. ఈ కెమెరాలో 5500ఎంఏహెచ్ బ్యాటరీ ఉంది. ఇది 120వాట్ సూపర్వూక్ ఛార్జింగ్కు సపోర్ట్ చేస్తుంది. మార్కెట్లో ఈ రియల్మీ ఫోన్ ధర సుమారుగా రూ.30,999 ఉంటుంది.
4. OnePlus Nord 4 5G : భారత్లో మోస్ట్ పాపులర్ ఫోన్లలో వన్ప్లస్ నార్డ్ 4 5జీ ఒకటి. దీనిలో ఆక్టా-కోర్ స్నాప్డ్రాగన్ 7+ జెన్ 3 ప్రాసెసర్ ఉంటుంది. ఇది 8జీబీ ర్యామ్, అడ్రెనో 732 జీపీయూతో వస్తుంది. ఈ ఫోన్ ఆండ్రాయిడ్ 14 విత్ ఆక్సిజన్ఓఎస్ 14.1తో పనిచేస్తుంది. ఈ మొబైల్ 6.74 అంగుళాల అమోలెడ్ డిస్ప్లే కలిగి ఉంటుంది. ఈ ఫోన్ 5జీ, 4జీ ఎల్టీఈ, వైఫై6, బ్లూటూత్ 5.4, జీపీఎస్, గ్లోనస్, బీడీఎస్, గెలీలియో, ఎన్ఎఫ్సీ, క్యూజెడ్ఎస్ఎస్, యూఎస్బీ టైప్-సీ పోర్టు కనెక్టివిటీ ఆప్షన్లతో వస్తుంది. దీని ధర సుమారుగా రూ.32,999 ఉంటుంది.
5. Motorola razr 40 : మార్కెట్లో మోటరోలా రేజర్ 40 ధర సుమారుగా రూ.34,999 ఉంది. ఈ ఫోన్ 6.9 అంగుళాల పీఓఎల్ఈడీ డిస్ప్లే, ఫుల్ హెచ్డీ రిజల్యూషన్తో వస్తుంది. దీనిలో స్నాప్డ్రాగన్ 7 జెన్ ప్రాసెసర్ ఉంటుంది. ఈ ఫ్లాగ్షిప్ ఫోన్ 8 జీబీ ర్యామ్, 256 జీబీ స్టోరేజ్ కెపాసిటీతో వస్తుంది. ఈ ఫోన్లో డ్యూయెల్ రియర్ కెమెరా సెటప్ ఉంది. 64 మెగాపిక్సెల్ ప్రైమరీ సెన్సార్, 12 మెగాపిక్సెల్ ఆల్ట్రా-వైడ్ కెమెరా, 32 మెగా పిక్సెల్ ఫ్రంట్ కెమెరా దీనిలో ఉంటాయి. మీడియం బడ్జెట్లో మంచి ఫ్లాగ్షిప్ ఫోన్ కొనాలని అనుకునేవారికి ఇది బెస్ట్ ఆప్షన్ అవుతుంది.
6. IQOO Neo9 Pro 5G : మార్కెట్లో ఉన్న క్రేజీ ఫోన్లలో ఐకూ నియో9 ప్రో 5జీ ఒకటి. ఈ ఫోన్లో స్నాప్డ్రాగన్ 8 జెన్ 2 చిప్సెట్ అమర్చారు. దీనిలో 12 జీబీ ర్యామ్ ఉంటుంది. ఈ మొబైల్ ఫన్టచ్ ఓఎస్ 14 బేస్డ్ ఆండ్రాయిడ్ 14తో రన్ అవుతుంది. ఈ ఫోన్లో 6.78 అంగుళాల ఎల్టీపీఓ అమోలెడ్ డిస్ప్లే ఉంది. దీని ధర సుమారుగా రూ.34,999గా ఉంది.
7. Redmi Note 13 Pro Plus : రెడ్మీ నోట్ 13 ప్రో+లో 6.67 అంగుళాల అమోలెడ్ స్క్రీన్ ఉంది. ఇది కార్నింగ్ గొరిల్లా గ్లాస్ విక్టస్ ప్రొటెక్షన్తో వస్తుంది. ఈ మొబైల్లో మీడియాటెక్ డైమెన్సిటీ 7200 ఆల్ట్రా ప్రాసెసర్ ఉంది. ఇది ట్రిపుల్ కెమెరా సెటప్తో వస్తుంది. దీనిలో ప్రధానంగా 200 మెగాపిక్సెల్ ప్రైమరీ కెమెరా, 8 మెగాపిక్సెల్ ఆల్ట్రావైడ్, 2 మెగా పిక్సెల్ మ్యాక్రో రియర్ కెమెరాలు, 16ఎంపీ సెల్ఫీ కెమెరా ఉన్నాయి. ఫొటో లవర్స్కు ఈ మొబైల్ చాలా బాగుంటుంది. మార్కెట్లో ఈ ఫ్లాగ్షిప్ ఫోన్ ధర సుమారుగా రూ.35,500 ఉంటుంది.
నోట్ : మొబైల్ ఫోన్ల ధరలు చాలా వేగంగా మారిపోతుంటాయి. కనుక ఫోన్స్ కొనేముందు కచ్చితంగా వివిధ వెబ్సైట్లలోని ధరలను సరిపోల్చుకోవడం చాలా మంచిది.
