Apple Announced Iphone Event Date: ప్రపంచ వ్యాప్తంగా ఎన్ని మొబైల్ కంపెనీలు ఉన్నా యాపిల్ ఫోన్లకు ఉన్న కేజ్ వేరే లెవల్. ఐ ఫోన్ లవర్స్ కోసం కంపెనీ ప్రతి ఏడాదీ సరికొత్త ఫీచర్స్తో ఐ ఫోన్ అప్డేటెడ్ మోడల్ను రిలీజ్ చేస్తుంటుంది. ఈ నేపథ్యంలో ప్రపంచ వ్యాప్తంగా ఉన్న ఐఫోన్ లవర్స్కు యాపిల్ సంస్థ గుడ్ న్యూస్ చెప్పింది. ఎంతగానో ఎదురుచూస్తున్న యాపిల్ ఈవెంట్ను సెప్టెంబర్ 9న నిర్వహించనున్నట్లు ప్రకటించింది. ఈ కార్యక్రమంలో ఐఫోన్ 16 సిరీస్ ఫోన్లతో పాటు యాపిల్ వాచ్‌, ఎయిర్పాడ్స్ ప్రొడక్ట్స్, కొత్తగా హార్డ్వేర్ను లాంఛ్ చేసే అవకాశం ఉంది. ఈ నేపథ్యంలో ఈ ఈవెంట్ విశేషాలు, ట్యాగ్, రిలీజ్ కానున్న న్యూ ప్రొడక్ట్స్పై ఓ లుక్కేద్దాం.
ఇట్స్ గ్లోటైమ్:
- వరల్డ్ వైడ్గా ఈ యాపిల్ ఈవెంట్కు చాలా క్రేజ్ ఉంది.
- ఏటా సెంప్టెంబర్ రెండో వారంలో యాపిల్ సంస్థ ఈ కార్యక్రమాన్ని నిర్వహిస్తుంది.
- గతేడాది సెంప్టెంబర్ 12న కాలిఫోర్నియాలో, అంతకుముందు ఏడాది సెప్టెంబర్ 7న ఈ ఈవెంట్ను నిర్వహించారు.
- ఈసారి సెప్టెంబర్ 10న నిర్వహించనున్నట్లు వార్తలు వెలువడగా.. ఆశ్చర్యంగా ఒకరోజు ముందుగానే 'ఇట్స్ గ్లోటైమ్' ట్యాగ్తో ఈవెంట్ డేట్ను యాపిల్ ప్రకటించింది.
- కాలిఫోర్నియాలోని స్టీవ్ జాబ్స్ థియేటర్లో ఈ కార్యక్రమాన్ని నిర్వహించనున్నారు.
- ఇండియన్ టైమింగ్స్ ప్రకారం రాత్రి 10.30 గంటలకు ప్రారంభం కానున్న ఈ ప్రోగ్రాం ప్రపంచ వ్యాప్తంగా యూట్యూబ్లో స్ట్రీమింగ్ కానుంది.
న్యూ ప్రొడక్ట్స్ అప్డేట్స్:
- ఈ ఈవెంట్లో ఐఫోన్ 16 సిరీస్‌లతో పాటు భారీగా న్యూ ప్రొడక్ట్స్కు సంబంధించి ప్రకటన చేయనున్నట్లు సమాచారం.
- దీంతోపాటు ఇతర సాఫ్ట్‌వేర్‌ అప్‌డేట్‌లను కూడా వెల్లడించే అవకాశం ఉంది.
ఐఫోన్ 16 సిరీస్ మోడల్స్: ఐఫోన్ 16 సిరీస్‌లో ఈసారి కూడా 4 మోడల్స్లో ఫోన్లు రిలీజ్ కానున్నట్లు సమాచారం.
- ఐఫోన్ 16
- ఐఫోన్ 16 ప్లస్
- ఐఫోన్ 16 ప్రో
- ఐఫోన్ 16 ప్రో మాక్స్‌
ఐఫోన్ 16 సిరీస్ ధరలు: వీటి ధరల విషయానికొస్తే కింది విధంగా ఉండనున్నట్లు తెలుస్తోంది.
- ఐఫోన్ 16 ధర: 799 డాలర్లు (రూ.67,100)
- ఐఫోన్ 16 ప్లస్ ధర: 899 డాలర్లు (రూ.75,500)
- ఐఫోన్ 16 ప్రో ధర: 1,099 డాలర్లు (రూ.92,300)
- ఐఫోన్ 16 ప్రో మ్యాక్స్ ధర: 1,199 డాలర్లు (రూ.1,00,700)
లేటెస్ట్‌ జెన్‌ హార్డ్‌వేర్‌, ఏఐతో:
- ఈ ఈవెంట్లో యాపిల్ ఐఫోన్ 16 సిరీస్, యాపిల్ వాచ్‌, ఎయిర్పాడ్స్ ప్రొడక్ట్స్, కొత్తగా హార్డ్వేర్ను ప్రకటించే అవకాశం ఉంది.
- గతసారి ప్రో మోడల్స్లో మాత్రమే యాక్షన్ బటన్ ఇవ్వగా ఈసారి అన్ని మోడల్స్లో యాక్షన్ బటన్ ఇవ్వనున్నట్లు సమాచారం.
- ఈ సారి అన్ని మోడళ్లు లేటెస్ట్‌ జెన్‌ హార్డ్‌వేర్‌, ఆర్టిఫిషియల్ ఇంటెలిజెన్స్తో రానున్నట్లు తెలుస్తోంది.
