Vehicle Number Plate Rules : మీరు నంబరు ప్లేటు లేకుండా వాహనాన్ని నడుపుతున్నారా? అలాగే నంబరు ప్లేటు ఉన్న దానిపై ఏవైనా రాతలు ఉన్నాయా? మీకు ఇచ్చిన నంబరు ప్లేటు కేంద్ర ప్రభుత్వం మోటారు వెహికిల్స్ చట్టానికి లోబడి లేదా అయితే మీరు జరిమానా కట్టాల్సిందే. నంబరు ప్లేటుపై పోలీసు, రవాణా శాఖల అధికారులు ప్రత్యేక శ్రద్ధ పెట్టారు. వాహనం నడిపేవారికి ముఖ్య సూచనలు చేస్తున్నారు. నంబరు ప్లేటు విషయంలో చాలా జాగ్రత్తగా ఉండాలని లేకుండే జరిమానా తప్పదని హెచ్చరిస్తున్నారు.
దీనంటికీ కారణం పలువురు చోదకులు వాహనం నంబరు ప్లేటుపై ఇష్టానుసార రాతలు, నంబరు ప్లేటు లేకుండా వాహనం నడపడం చేస్తున్నారు. 2016 నుంచి షోరూంలలో వాహనాలను కొన్నవారు తప్పనిసరిగా ప్రభుత్వం అందజేస్తున్న హై సెక్యూరిటీ నంబరు ఫ్లేట్ను మాత్రమే బిగించుకోవాలని నిబంధనలు చెబుతున్నాయి. కానీ చాలా మంది ఆ నిబంధనలను పెడచెవిన పెట్టి వాహనాలను రోడ్లపై పోనిస్తున్నారు.
జరిమానా తప్పదు : మోటారు వాహనాల చట్టం ప్రకారం ఫ్యాన్సీ నంబర్లతో తిరుగుతుంటే రవాణేతర వాహనాలకు రూ.1,150, రవాణా వాహనాలకు రూ.1300 జరిమానాను పోలీసులు, రవాణా శాఖ అధికారులు విధిస్తున్నారు. ట్రాఫిక్ పోలీసుల తనిఖీల్లో పట్టుబడితే రూ.100 నుంచి రూ.150 వరకు చలానా విధిస్తారు. ఇతర ఉల్లంఘనలు ఉంటే అపరాధ రుసుము పెరిగే అవకాశం ఉంది. వీటితో పాటు కేసులు కూడా నమోదు చేసే అవకాశం ఉంది.
వాహనాలు వేర్వేరు నంబరు ఫ్లేట్లు :
- రవాణేతర వాహనాలు వంటి వాటికి నంబరు ప్లేటు తెలుపు రంగులో ఉంటుంది. దానిపై నల్ల అక్షరాలు, అంకెలు ఉంటాలి.
- రవాణా వాహనాలకు పసుపు నంబరు ప్లేటుపై నల్ల అక్షరాలు, అంకెలు ఉండాలి
- రిజిస్ట్రేషన్ జరిగే ఎలక్ట్రిక్ వాహనాలకు ఆకుపచ్చ రంగులో నంబరు ప్లేటు ఉండాలి.
వాహనం చరిత్ర ఏంటో ఇట్టే తెలుసుకోవచ్చు : ఈ నంబరు ప్లేట్తో ఓ వాహనం చరిత్ర మొత్తం ఇట్టే తెలుసుకోవచ్చు. దీని ప్రాధాన్యతను గుర్తించి కేంద్ర మోటారు వెహికల్ చట్టంలో కొన్ని నిబంధనలను తీసుకొచ్చారు. వాహనం కేటగిరీ ప్రకారం కచ్చితంగా హై సెక్యూరిటీ నంబరు ప్లేట్ను మాత్రమే బిగించుకోవాలి. ప్లేటుపై నంబరు, అంకెలు మినహా ఇంకా ఏమీ ఉండకూడదు. కానీ ప్రస్తుతం బయట చూసుకుంటే సినీ నటులు, రాజకీయ నాయకులు చిత్రాలు దర్శనం ఇస్తున్నారు. కొందరు నంబరు ప్లేటుపై అంకెలు, అక్షరాలను జిగ్ జాగ్గా రాస్తున్నారు. ఇది మంచి పద్ధతి కాదని పోలీసులు హెచ్చరించి జరిమానాలను సైతం విధిస్తున్నారు.
నంబర్‌ 'ప్లేటు' ఫిరాయిస్తే.. కోర్టు మెట్లెక్కాల్సిందే!!
Telangana All Districts RTO Codes List : మీ ఏరియా వాహన రిజిస్ట్రేషన్ కోడ్ తెలుసా..?
