పరిహారం ఇవ్వకుండా జాప్యం - ఇబ్బందుల్లో పారిశుద్ధ్య కార్మికుల కుటుంబాలు - No Compensation Sanitation Families

Unpaid Compensation For Municipal Workers Families: కరోనా సమయంలో వారే దేవుళ్లుగా భావించి పూల వర్షం కురిపించిన ప్రభుత్వం ఆ తర్వాత వారి కుటుంబాలను కన్నీరు పెట్టిస్తోంది. మృతి చెందిన పారిశుధ్య కార్మికులకు చెల్లించాల్సిన పరిహరం ఇవ్వకుండా ప్రభుత్వం ఇబ్బందులు పెడుతుంటే పొషించే వారిని కోల్పోయిన ఆ కుటుంబ సభ్యులు అవస్థలు పడుతున్నారు. పరిహారం కోసం ఐదేళ్ల నుంచి తిరుగుతున్నా ఒక్క రూపాయి కూడా రాలేదని బాధితులు వాపోతున్నారు.

Unpaid Compensation For Municipal Workers Families: కరోనా సమయంలో వారే దేవుళ్లు. అప్పట్లో వారిపై పూల వర్షం కురిపించిన ప్రభుత్వం ఆ తర్వాత వారి కుటుంబాలను కన్నీరు పెట్టిస్తోంది. వైఎస్సార్సీపీ అధికారంలోకి వచ్చిన తర్వాత మృతి చెందిన పారిశుధ్య కార్మికులకు చెల్లించాల్సిన పరిహరం ఇవ్వకుండా ఇబ్బందులు పెట్టింది. పొషించే వారిని కోల్పోయిన ఆ కుటుంబ సభ్యులు అవస్థలు పడుతున్నారు. తమకు పరిహరం ఇప్పించాలని అధికారులు చూట్టు తిరుగుతున్నా ఫలితం లేదని కన్నీరు పెడుతున్నారు.

వైఎస్సార్సీపీ ప్రభుత్వంలో పారిశుద్ధ్య కార్మికుల జీవనం దుర్భరంగా మారింది. విధి నిర్వహణలో మరణించిన వారి కుటుంబాల పరిస్థితి ఆగమ్యగోచరంగా తయారైంది. కృష్ణా జిల్లా మచిలీపట్నం మున్సిపల్ కార్పొరేషన్లో పారిశుధ్య కార్మికులు విధుల్లో చనిపోతే వారికి పరిహారం ఇవ్వకుండా అధికారులు ఏళ్ల తరబడి జాప్యం చేస్తున్నారు. అవుట్‌ సోర్సింగ్‌ కార్మికులు విధుల్లో సాధారణ మరణం సంభవిస్తే వారిపై ఆధారపడిన కుటుంబ సభ్యులకు 2 లక్షల రూపాయలు పరిహారంగా ఇవ్వాలి. కానీ వైఎస్సార్సీపీ అధికారంలోకి వచ్చినప్పటి నుంచి ఇది అమలు కావడం లేదు.

బాధిత కుటుంబ సభ్యులు పరిహారం కోసం ప్రజా ప్రతినిధులు, అధికారుల చుట్టూ తిరుగుతున్నా కనికరించడం లేదు. పోషించే వారు దూరం కావడంతో తమ పరిస్థితి దయనీయంగా మారిందని అవేదన చెందుతున్నారు. మచిలీపట్నం కార్పొరేషన్‌లో అవుట్‌ సోర్సింగ్‌లో పనిచేస్తూ గుడవల్లి యేసుకుమారి చనిపోయారు. పరిహరం కోసం ఐదు సంవత్సరాల నుంచి తిరుగుతున్నా రుపాయి కూడా రాలేదని ఆమె భర్త నాంచారయ్య చెబుతున్నారు.

నా భర్త మందా సురారెడ్డి కరోనా సమయంలో చనిపోతే కనీసం మట్టి ఖర్చులకు కూడా డబ్బులు ఇవ్వలేదు. తమకు పిల్లులు లేరని వచ్చే పెన్షన్ డబ్బులతోనే కాలం వెళ్ల తీస్తున్నానని కన్నీరు పెట్టుకుంటున్నారు. వయస్సు ఎక్కువ కావటంతో కార్యాలయాలకు వెళ్లాలంటే ఇబ్బందిగా ఉందన్నారు. మున్సిపల్ కార్యాలయానికి, పీఎఫ్‌ కార్యాలయానికి తిరగని రోజు లేదు. అధికారులు స్పందించి పరిహరం అందించాలి. -మందా ప్రమిళ, మృతుడి భార్య

పారిశుద్ధ్య విభాగంలో కార్మికులుగా పనిచేస్తున్న వారు సాధారణ మరణం పొందితే 2 లక్షలు, ప్రమాదవశాత్తు చనిపోతే 5 లక్షలు పరిహారంగా ఇవ్వాలి. మరిణించిన కార్మికుల కుటుంబాలకు పరిహారం ఇవ్వాలని పలుమార్లు కార్మిక సంఘాలు విన్నవించినా పట్టించుకున్న నాథుడే లేడు. పత్రాలన్నీ సక్రమంగానే ఉన్నాయని పరిహారం విడుదల చేస్తామని అధికారులు చెబుతున్నా డబ్బులు మాత్రం విడుదల చేయడం లేదు. కరోనా సమయంలో తన భర్త మందా సురారెడ్డి చనిపోతే కనీసం మట్టి ఖర్చులకు కూడా డబ్బులు ఇవ్వలేదని మృతుడి భార్య మందా ప్రమిళ వాపోయారు.