TGSRTC Pickup Vans : నగరంలో ట్రాఫిక్ ఇబ్బందులు తలెత్తకుండా టీజీఎస్ఆర్టీసీ వినూత్న ఆలోచన చేసింది. టీజీఎస్ఆర్టీసీ దూర ప్రాంత ప్రయాణికుల కోసం పికప్ వ్యాన్లను ఏర్పాటు చేయనుంది. ఇది ఇవాళ్టి నుంచే అమలులోకి రానుంది. ఈసీఐఎల్ నుంచి ఎల్బీనగర్ వరకు మధ్య ఉన్న ప్రాంతాల నుంచి పికప్ వ్యాన్ సౌకర్యం రానుంది. విజయవాడ, విశాఖపట్టణం, కాకినాడ, తిరుపతి, ఒంగోలు, నెల్లూరు, కందుకూరు రూట్లలో వెళ్లే ప్రయాణికుల సౌకర్యార్థం ఈ పికప్ వ్యాన్లను ఏర్పాటు చేయనున్నారు.
ఈ పికప్ వ్యాన్లు ఈసీఐఎల్ కాప్ర మున్సిపల్ కాంప్లెక్స్, మౌలాలీ హెచ్బీ కాలనీ, మల్లాపూర్ బస్టాప్, హెచ్ఎంటీ నగర్, నాచారం బస్టాప్, హబ్సిగూడ బస్టాప్, ఉప్పల్ మెట్రో స్టేషన్, నాగోల్-సుప్రజ ఆసుపత్రి, ఎల్బీ నగర్ ఎల్పీటీ మార్కెట్
ఈ విధంగా ముందస్తు బుకింగ్ : ప్రయాణికులు ముందస్తు టికెట్లను బుక్ చేసుకునేందుకు www.tgsrtcbus.in లో బుక్ చేసుకోవాలి. అలాగే సమీప ఏటీబీ ఏజెంట్ల వద్ద గానీ, ఎంజీబీఎస్, జేబీఎస్, దిల్సుఖ్నగర్ బస్ స్టేషన్లలో సీట్లు బుక్ చేసుకోవచ్చు. ఇందుకు సంబంధించిన మరిన్ని వివరాలకు 04069440000, 04023450033 ఫోన్ నంబర్లలో సంప్రదించాలని ఆర్టీసీ యాజమాన్యం సూచించింది.
