Group-2 Hall Tickets Realesed : గ్రూప్-2 పరీక్ష హాల్టికెట్లను టీజీపీఎస్సీ అందుబాటులోకి తెచ్చింది. టీజీపీఎస్సీ అధికారిక వెబ్సైట్ ద్వారా డౌన్లోడ్ చేసుకోవచ్చని అభ్యర్థులకు సూచించింది. వచ్చే వారం 15, 16(డిసెంబర్)వ తేదీల్లో గ్రూప్-2 పరీక్షలు తెలంగాణ వ్యాప్తంగా జరగనున్నాయి. రాష్ట్రవ్యాప్తంగా 1368 పరీక్ష కేంద్రాలను టీజీపీఎస్సీ ఏర్పాటు చేసింది. దాదాపుగా ఈ పరీక్షకు 5.51లక్షల దరఖాస్తులు వచ్చాయి. హాల్టికెట్ కోసం ఇక్కడ క్లిక్ చేయండి
రెండ్రోజులు వరుసగా ఉదయం, మధ్యాహ్నం కలిపి మొత్తం నాలుగు పేపర్లతో గ్రూప్-2 పరీక్షలు జరగనున్నాయి. ఉదయం జరిగే పేపర్ -1, పేపర్-3లకు 8 గంటల 30 నిమిషాల నుంచి 9 గంటల 30 నిమిషాల వరకు అభ్యర్థులను ఎక్సామ్ సెంటర్లోకి అనుమతిస్తారు. ఒక్క నిమిషం ఆలస్యమైన అనుమతి నిరాకరిస్తారు.
హాల్ టికెట్లు డౌన్లోడ్ కోసం అభ్యర్థులు తమకు సంబంధించిన టీజీపీఎస్సీ ఐడీ నెంబరు, పుట్టిన తేదీ, క్యాప్చా కోడ్‌ను ఎంటర్‌ చేయాలి. అనంతరం డౌన్లోడ్ పీడీఎఫ్ అనే ఆప్షన్పై క్లిక్ చేస్తే వెంటనే హాల్టికెట్ డౌన్లోడ్ అవుతుంది. ఈ ప్రక్రియలో ఏవైనా సమస్యలు తలెత్తితే పరిష్కరించేందుకు వీలుగా జిల్లాల వారీగా హెల్ప్‌లైన్‌ నంబర్లను ఏర్పాటు చేశారు. అభ్యర్థులు వర్కింగ్ డేస్లో ఉదయం 10.30గంటల నుంచి సాయంత్రం 6.00గంటల వరకు ఈ నంబర్లకు ఫోన్ చేసి వివరాలను సేకరించవచ్చు. ఇంకా అదనపు సమాచారం కావాలంటే టీజీపీఎస్సీ హెల్ప్‌లైన్‌ నంబర్లు 23542185/23542187/040-22445566/కు కాల్ చేయొచ్చు. లేదా ఈ-మెయిల్‌ కావాలంటే helpdesk@tspsc.gov.inకు చేయవచ్చు.
గ్రూప్-2 పరీక్ష ప్రకటన 2022లో 783 పోస్టులతో వెలువడింది. పలు కారణాల రిత్యా ఇప్పటివరకు నాలుగు సార్లు వాయిదా పడింది. గత నెలలో జరిగిన గ్రూప్-1 ఫలితాలు ప్రకటించిన తర్వాతనే గ్రూప్-2 రిజల్ట్స్ ఇచ్చే అవకాశముందని ఉన్నాతాధికారులు తెలిపారు. ఇటీవల టీజీపీఎస్సీ ఛైర్మన్గా నియమితులైన సీనీయర్ ఐఏఎస్ బుర్రా వెంకటేషం కమిషన్పై మరింత విశ్వాసం పెరిగేలా పరీక్షల నిర్వాహణ ఉంటుందని అన్నారు.
గ్రూప్-2 అభ్యర్థులకు మరో అప్డేట్ - ఈనెల 9 నుంచి టీజీపీఎస్సీ వెబ్సైట్లో హాల్టికెట్లు లభ్యం
ఒకే రోజు గ్రూప్-2, ఆర్ఆర్బీ జేఈ పరీక్షలు - ఆందోళనలో అభ్యర్థులు
