TDP Leader Pattabhiram on YS Jagan : వైఎస్ జగన్పై తెలుగుదేశం పార్టీ జాతీయ అధికార ప్రతినిధి పట్టాభిరామ్ తీవ్రస్థాయిలో ధ్వజమెత్తారు. వైఎస్ జగన్ ముఖ్యమంత్రిగా ఉన్నప్పుడు తాడేపల్లిలో ఆయన ఇంటి చుట్టూ కట్టిన ఇనుప కంచెకు రూ.12.85 కోట్లు ఖర్చు చేశారని విమర్శించారు. దేశంలోని అత్యున్నతమైన రాష్ట్రపతి భవన్, ప్రధానమంత్రి నివాసాలకే అలాంటి కంచెను ఏర్పాటు చేయలేదని ఎద్దేవా చేశారు. ఏపీలోని మంగళగిరిలోని టీడీపీ కేంద్ర కార్యాలయంలో మంగళవారం పట్టాభిరామ్ మీడియా సమావేశం నిర్వహించారు.
ఈ సందర్భంగా పట్టాభిరామ్ మాట్లాడుతూ, రుషికొండ ప్యాలెస్లోని బాత్టబ్లు, మసాజ్ టేబుళ్లు, కప్బోర్డులు, ప్రతి జిల్లాలోనూ వైఎస్సార్సీపీ కార్యాలయాలు, తాడేపల్లి ప్యాలెస్లే ఆయన విలాసాలకు నిదర్శనమని ధ్వజమెత్తారు. సాధారణ పరిపాలన విభాగం జగన్ ఇంటి చుట్టూ నిర్మించుకున్న ఇనుప కంచెకు రూ.12.85 కోట్లు ఖర్చు చేసినట్లు తెలిపిందన్నారు. ఆయన తాడేపల్లి ప్యాలెస్ దక్షిణం వైపు 0.148 ఎకరాల స్థలంలో వ్యూకట్టర్ నిర్మాణానికే రూ.3.25 కోట్లు మంజూరు చేసిందని తెలిపారు.
ఆ ఘనత జగన్కే సొంతం : వైఎస్ జగన్ తన ఇంటి చుట్టూ భద్రతా ఏర్పాట్లకే మొత్తం రూ.16.10 కోట్లు ప్రజాధనాన్ని ఖర్చు చేశారని టీడీపీ నేత పట్టాభిరామ్ దుయ్యబట్టారు. ప్రజలను అణిచివేసే నియంతలే ఇలా ఇనుప కంచెలు వంటివి వేసుకుంటారని మండిపడ్డారు. గత ఐదేళ్ల జగన్ హయాంలో విలాసాల పేరుతో ఏకంగా రూ.5 కోట్ల ప్రజాధనాన్ని దుర్వినియోగం చేశారన్నారు.
ఏపీ రాష్ట్రంలోని అన్ని ప్రభుత్వ భవనాలపై వైఎస్సార్సీపీ రంగులకు రూ.3000 కోట్లు, సర్వే రాళ్లపై తన అపురూప చిత్రాలను వేసుకోవడానికి రూ.700 కోట్లు, రుషికొండ ప్యాలెస్కు రూ.600 కోట్లు ఖర్చు చేశారని తీవ్ర స్థాయిలో విమర్శలు గుప్పించారు. సాక్షి పత్రికలో ప్రకటనల పేరుతోనే రూ.500 కోట్లు, ప్రజల పాసుపుస్తకాలపై బొమ్మలు వేయడానికి రూ.13 కోట్లు, తాడేపల్లి ప్యాలెస్లో ఖర్చులకు రూ.15 కోట్లు ఖర్చు చేసిన ఘనుడు జగన్ అని. ఆ ఘనతలు ఆయన ఖాతాలోనివేనని పట్టాభి ధ్వజమెత్తారు.
సొమ్మునంతా రాబతాం : గత ఐదేళ్లలో జగన్ దోచుకున్న సొమ్మంతా కక్కించే రోజులు దగ్గరలోనే ఉన్నాయని ఏపీ రాష్ట్ర విద్యాశాఖ మంత్రి లోకేశ్ హెచ్చరించారు. తాడేపల్లి ప్యాలెస్ కంచె ఎత్తు మరింత పెంచే సమయం ఆసన్నమైందని ఎక్స్లో ట్వీట్ చేశారు. జగన్ ఇంటి కంచెకు ప్రజల సొమ్ము రూ.13 కోట్లు ఖర్చు చేశారని, ఐదేళ్లలో ఇలానే జనం సొమ్ము కాజేసి తాడేపల్లి ప్యాలెస్లో గుట్టలు గుట్టలుగా పోగేసుకున్నారని మండిపడ్డారు.
జగన్ సుద్దపూస కాదు - నేను ముమ్మాటికీ సనాతన హిందువునే : పవన్ - Pawan Kalyan On Sanatana Dharama
