Severe Road Accident in Anantapur District Today : నిత్య జీవితంలో ఎప్పుడు ఏ ప్రమాదం జరుగుతుందో ఎవ్వరూ ఊహించరు. మరీ ముఖ్యంగా రోడ్డు మీద ప్రయాణం చేసేటప్పుడు ఎటువైపు నుంచి ఏ ప్రమాదం ముంచుకొస్తుందో తెలియని పరిస్థితి నెలకొంది. మనం బాగానే వాహనం నడుపుతున్నా ఇతరులు ఏ విధంగా వాహనాన్ని డ్రైవ్ చేస్తున్నారో చెప్పలేని పరిస్థితి. ఎన్ని జాగ్రత్తలు తీసుకుని ప్రయాణం చేస్తున్నా కొన్నిసార్లు ఇతరులు చేసినా తప్పులకూ ఎందరో అమాయకులు బలవుతున్నారు.
తాజాగా అప్పటిదాకా ఆ యువకులంతా స్నేహితుడి పుట్టినరోజు వేడుకల్లో సరదాగా గడిపారు. అందరితో కలిసి ఆనంద క్షణాలను ఆస్వాదించారు. అక్కడి నుంచి మరో మిత్రుడిని కలిసేందుకు బయల్దేరారు. కానీ అదేవారికి చివరిరోజు అవుతుందని వారికి తెలియదు. ఊహించని రోడ్డు ప్రమాదం వారిని విగత జీవులుగా మార్చింది. ఈ విషాద ఘటన అనంతపురం జిల్లాలో జరిగింది.
Rekulakunta Road Accident : శనివారం అర్ధరాత్రి బుక్కరాయసముద్రం మండలం రేకులకుంట వద్ద నార్పలవైపు వెళ్తున్న కారును లారీ ఢీ కొట్టింది. ఈ ఘటనలో నలుగురు అక్కడిక్కడే మృతి చెందారు. దీనిపై స్థానికులు పోలీసులకు సమాచారం అందించారు. వెంటనే ఘటనా స్థలానికి చేరుకున్న పోలీసులు సహాయక చర్యలు చేపట్టారు. మృతులంతా అనంతపురం స్టాలిన్నగర్కు చెందిన ముస్తాక్, ఓబులశెట్టి పవన్, శ్రీనివాసులు, వై.పవన్ గుర్తించామని తెలిపారు. వీరంతా ఓ స్నేహితుడి పుట్టినరోజు వేడుకల్లో పాల్గొన్న అనంతరం మరో మిత్రుడిని కలిసేందుకు అనంతపురం నుంచి నార్పలకు వెళ్తుండగా ఈ ప్రమాదం జరిగిందని పేర్కొన్నారు. మృతదేహాలను పోస్ట్మార్టం నిమిత్తం ప్రభుత్వ ఆసుపత్రికి తరలించినట్లు చెప్పారు. దీనిపై కేసు నమోదు చేసి దర్యాప్తు చేస్తున్నట్లు పోలీసులు వివరించారు.
ప్రమాద స్థలాన్ని ఎస్పీ జగదీశ్ పరిశీలించారు. మృతులంతా 25 ఏళ్ల లోపు యువకులేనని తెలిపారు. ఈ ప్రమాదం జరగడం బాధాకరమని చెప్పారు. మరోవైపు చేతికి అందివచ్చిన తమ పిల్లలు విగతజీవులుగా పడి ఉండటం చూసి కుటుంబ సభ్యులు, బంధువులు రోదించిన తీరు అక్కడి వారిని కలిచివేసింది. అప్పటి వరకూ తమ కళ్లముందు ఆనందంగా గడిపిన మిత్రులు మృత్యువాత పడ్డారని విషయం తెలుసుకొని వారి స్నేహితులు కన్నీరుమున్నీరయ్యారు.
కారు ఇంజిన్‌లో మంటలు - చూస్తుండగానే పూర్తిగా దగ్ధం - తప్పిన ప్రాణనష్టం - FIRE ACCIDENTS IN NALGONDA
