Negative Effects Of Social Media : పండగొచ్చినా, ఊరెళ్లినా, శుభకార్యం జరిగినా, అక్కసు వెళ్లబోసుకోవాలన్నా సోషల్ మీడియా వేదికల్లో పంచుకోవడం చాలామందికి అలవాటుగా మారింది. కానీ పోస్టు చేసే ఫొటోలు, వీడియోలు కేటుగాళ్లకు పెట్టుబడిగా మారుతున్నాయి. ప్రతీకారం తీర్చుకోవాలనుకునే వారికి అవకాశం కల్పిస్తున్నాయి. అటు బ్యాంకు అకౌంట్లను ఖాళీ చేస్తూ, ఇటు మనోవేదనకు కారణమవుతున్న సామాజిక మాధ్యమాలతో అప్రమత్తంగా ఉండాలి. యాప్ల వేదికగా జరుగుతున్న వేధింపులపై గతేడాది 151 కేసులు నమోదైతే, ఈ ఏడాది 9 నెలల కాలంలో రెట్టింపు ఫిర్యాదులు అందాయి.
ఐపీఎస్‌ల పేరుతో ఫేక్ అకౌంట్లు : డబ్బులు కావాలని ఫ్రెండ్ ఫోన్‌ వస్తే ఎవరైనా స్పందిస్తారు. అడిగినంత మొత్తం పంపిస్తారు. సైబర్‌ క్రైమ్ల తీరిది. ఓ ఐపీఎస్‌ అధికారిణి ఫొటోలతో 18 ఫేస్‌బుక్‌ ఫేక్ అకౌంట్లు సృష్టించి పెద్దఎత్తున సొమ్ము కొట్టేసినట్టు కేసు నమోదైంది. విశ్రాంత ఐఏఎస్‌ అధికారి డీపీతో రూ.10 లక్షలు కొట్టేసిన నిందితుడిని సైబర్‌క్రైమ్‌ పోలీసులు అరెస్ట్‌ చేశారు.
వలపు వల విసిరి : సోషల్ మీడియా వేదికల్లో స్నేహితుల జాబితాలోని మహిళల ఫొటోలను సేకరించి డీపీగా ఉంచి అర్ధరాత్రి దాటాక వీడియో కాల్‌ చేస్తున్నారు. స్పందించిన వారితో నగ్నంగా సంభాషిస్తు వీడియోలను రికార్డు చేసి ఆ దృశ్యాలు ఇంటర్నెట్లో ఉంచుతామంటూ బెదిరిస్తున్నారు. ఇటీవల విశ్రాంత ఐఏఎస్‌ను ఇదే విధంగా భయపెట్టి డబ్బు డిమాండ్‌ చేశారు. మల్టీఫ్లెక్స్‌ యజమానికి కూడా వలపు వల విసిరారు.
మచ్చుకు ఇలా :
- ఇన్‌స్టాగ్రామ్లో పరిచయమైన ఓ యువతిని రప్పించిన ప్రబుద్ధుడు సికింద్రాబాద్‌ హాటల్‌లో బంధించి దారుణానికి పాల్పడ్డాడు.
- చాంద్రాయణగుట్ట చెందిన వ్యాయామ శిక్షకురాలి పేరిట ఇన్‌స్టాలో ఫేక్ అకౌంట్లు సృష్టించి అసభ్యకర పోస్టులు పెట్టాడు.
- బంజారాహిల్స్‌లో ఉంటున్న ఉద్యోగిని పేరిట నకిలీ ప్రొఫైల్స్‌ రూపొందించిన కేటుగాడు అశ్లీల అంశాలను జోడించి పోస్టులు చేస్తున్నాడు.
- నాంపల్లికి చెందిన ఓ యువతికి వివాహం నిశ్చయమైంది. తీరా అతనికి ఇదివరకే పెళ్లయిందని శుభకార్యం రద్దు చేశారు. దీంతో సదరు యువతి ఫొటోలను మార్ఫింగ్‌ చేసి సోషల్ మీడియా వేదికల్లో ఉంచి వేధించసాగాడు.
రూమర్స్ ఫార్వార్డ్ చేస్తున్నారా - అయితే చిక్కుల్లో పడ్డట్టే!
స్నాప్చాట్లో అమ్మాయి పేరుతో చాటింగ్ - రూ. 14 లక్షలు టోపీ - Matrimonial Fraud in Hyderabad
