Rains in Hyderabad Today : బంగాళాఖాతంలో అల్పపీడన ప్రభావంతో హైదరాబాద్లోని పలు ప్రాంతాల్లో భారీ వర్షం పడుతోంది. నగరంలోని కూకట్‌పల్లి, హైదర్‌నగర్‌, ఆల్విన్ కాలనీ, నిజాంపేటలో వర్షం కురుస్తూ ఉండగా కేపీహెచ్‌బీ కాలనీ, బాలాజీ నగర్, మూసాపేట, బాచుపల్లిలో వాన కురుస్తోంది. బహదూర్‌పల్లి, గుండ్ల పోచంపల్లి, సుచిత్ర, కొంపల్లి ప్రాంతాలతో పాటు సూరారం, జీడిమెట్ల, జగద్గిరి గుట్ట, బాలానగర్‌, కుత్బుల్లాపూర్‌, పేట్‌బషీరాబాద్ ప్రాంతాల్లో వర్షం పడుతోంది. ఈ నేపథ్యంలో భారీగా ట్రాఫిక్ జామ్ ఏర్పడింది. స్కూళ్లు, కాలేజీలు, ఆఫీసుల నుంచి వచ్చే వాళ్లు తీవ్ర ఇబ్బందులు పడ్డారు.
మరోవైపు రాష్ట్రంలో రెండు రోజులపాటు ఉరుములు మెరుపులతో కూడిన తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం ప్రకటించింది. ఇవాళ ఉమ్మడి ఖమ్మం, నల్గొండ, మహబూబ్నగర్, వరంగల్, రంగారెడ్డి, హైదారాబాద్తో పాటు కామారెడ్డి జిల్లాల్లో వర్షం కురిసే అవకాశం ఉందని తెలిపింది. ఈ జిల్లాలకు ఎల్లో హెచ్చరికలను జారీ చేసింది. సోమవారం తూర్పు- మధ్య బంగాళాఖాతం పరిసర ఉత్తర అండమాన్ సముద్ర ప్రాంతంలో కొనసాగిన అల్పపీడనం తూర్పు- మధ్య బంగాళాఖాతం ప్రాంతంలో ప్రస్పుటమైన అల్పపీడనంగా ఏర్పడిందని వెల్లడించింది. ఇది పశ్చిమ- వాయువ్య దిశగా కదులుతూ ఇవాళ ఉదయం ఐదున్నర గంటలకు అదే ప్రాంతంలో వాయుగుండంగా ఏర్పడినట్లు పేర్కొంది.
రేపు బంగాళాఖాతంలో తుఫాన్ : ఇది పశ్చిమ- వాయువ్య దిశగా కదులుతూ మరింత బలపడి అటు తరువాత ఇది ఈ నెల 23న తూర్పు- మధ్య బంగాళాఖాతంలో తుఫాన్గా ఏర్పడే అవకాశం ఉన్నట్లు చెప్పింది. ఇది వాయువ్య దిశగా కదులుతూ ఈ నెల 24న ఉదయానికి తీవ్ర తుఫాన్గా ఉద్ధృతి చెంది ఒడిశా పశ్చిమ బెంగాల్ తీరాన్ని 24వ తేది రాత్రి లేదా 25న ఉదయం పూరి, సాగర్ ఐలండ్స్ మధ్య దాటే అవకాశం ఉందని తెలిపింది. దీని ప్రభావం తెలంగాణపై ఉండే అవకాశం లేదని తెలిపింది. సోమవారం తమిళనాడు పరిసర ప్రాంతాలలో సముద్ర మట్టం నుంచి 5.8 కి.మీ ఎత్తు వరకు వరకు విస్తరించి కొనసాగిన చక్రవాతపు ఆవర్తనం ఇవాళ బలహీనట్లు వెల్లడించింది.
ఏపీకి మరో తుపాను 'గండం' - ఈసారి ఆ జిల్లాలకు భారీ ముప్పు
ఇదెక్కడి 'రెడ్ అలర్ట్' సామీ - అత్యంత భారీ వర్షాలంటే కనీసం చుక్క కూడా పడలే - పైగా ఎటు చూసినా?
