Pushpa 2 Success Meet : టికెట్ ధరలు పెంచుకునేందుకు అనుమతి ఇచ్చి, ఇన్ని రికార్డులు సాధించడానికి కారణమైన ఏపీ ఉపముఖ్యమంత్రి పవన్ కల్యాణ్కు హీరో అల్లు అర్జున్ ప్రత్యేకంగా కృతజ్ఞతలు తెలిపారు. అలాగే తెలుగు రాష్ట్రాల ప్రభుత్వాలకు ధన్యవాదాలు తెలుపుతూ.. సీఎంలు రేవంత్ రెడ్డి, చంద్రబాబులకు కృతజ్ఞతలు చెప్పారు. ప్రాంతీయ సినీ పరిశ్రమ అంచెలంచెలుగా ఎదిగి దేశంలో ఉన్నతస్థాయిలో ఉందని పేర్కొన్నారు. తొలిరోజు వచ్చిన నెంబర్లు తన సినిమాపై ఎంత మంది చూశారనడానికి నిదర్శనమన్నారు.
పుష్ప సినిమా విజయమంతా దర్శకుడు సుకుమార్దే.. నన్ను ఎత్తుకొని ఎక్కడో పెట్టారని అల్లు అర్జున్ హర్షం వ్యక్తం చేశారు. హైదరాబాద్లో జరిగిన పుష్ప -2 సక్సెస్ ప్రెస్మీట్లో పుష్ప -2 మూవీ టీం పాల్గొంది. ప్రేక్షకులు ఎవరూ లేకుండానే పుష్ప -2 సక్సెస్ మీట్ జరిగింది. అతి కొద్ది మాత్రమే ఇందులో పాల్గొన్నారు. సంధ్య థియేటర్ ఘటనపై మరోసారి అల్లు అర్జున్ స్పందించారు.
నేను మూడేళ్ల తర్వాత సంధ్య థియేటర్లో సినిమా చూడటానికి వెళ్లాను. థియేటర్ బయట అభిమానుల ఒత్తిడి ఉండటం వల్ల నేను పూర్తి సినిమా చూడకుండానే వెళ్లిపోయాను. రేవతి చనిపోయారని తెలిశాక స్పందించడానికి నాకు సమయం పట్టింది. అందుకే కొంచెం ఆలస్యంగా స్పందించాల్సి వచ్చింది - అల్లు అర్జున్
నేను మూడు రోజులు సంతోషంగా లేను : తాను మూడు రోజుల నుంచి సంతోషంగా లేనని.. మూడేళ్లు, ఆరేళ్లు సినిమా తీసినా ఒక ప్రాణాన్ని కాపాడుకోలేకపోయానని డైరెక్టర్ సుకుమార్ విచారం వ్యక్తం చేశారు. రేవతి కుటుంబానికి అన్ని విధాలుగా అండగా ఉంటామన్నారు. ఆ బాధ నుంచి బయటపడ్డాకే సినిమా రికార్డులు చూస్తున్నామని తెలిపారు.
టికెట్ ధరలు సాధారణంగానే : పుష్ప -2 టికెట్ ధరలపై మేం చర్చిస్తున్నామని ఆ సినిమా నిర్మాత రవిశంకర్ తెలిపారు. టికెట్ ధరలు అందుబాటులోనే ఉంటాయని, టికెట్ ధర రూ.800 అనేది కేవలం ప్రీమియర్ షోల వరకేనని నిర్మాత రవిశంకర్ వెల్లడించారు. ఇప్పటికే పుష్ప - 2 సినిమా రూ.500 కోట్ల వసూలు సాధించిందని స్పష్టం చేశారు.
వరల్డ్వైడ్గా పుష్పరాజ్‌ రూలింగ్- 'వైల్డ్‌ ఫైర్‌' రికార్డులివే
'పుష్ప' తీసిన ప్రాణం : సంధ్య థియేటర్కు అల్లుఅర్జున్ - తొక్కిసలాటలో మహిళ మృతి
