Panagal Villagers Problems in Nalgonda : ముక్కు ఎక్కడుంది అంటే తలచుట్టూ తిప్పి చూపించాల్సి వస్తోంది. నల్గొండ జిల్లా నార్కట్పల్లి అద్దంకి రహదారి - నల్గొండ బైపాస్లో పానగల్ పైవంతెన నుంచి కేశరాజుపల్లి చౌరస్తా వరకు ఎక్కడా రోడ్డు దాటకుండా యూటర్న్ మూసి వేశారు. పానగల్ పైవంతెన సమీపం నుంచి కేశరాజుపల్లి వరకు ఉన్న కాలనీల వారు, వ్యవసాయ భూముల వద్దకు వెళ్లాల్సిన రైతులు పాడి గేదెలు, మేకలు గొర్రెలతో రోడ్డు దాటాలంటే పానగల్కు రావాలి. లేదా కేశరాజుపల్లికి వెళ్లాల్సి వస్తోంది.
"పానగల్ పైవంతెన నుంచి కేశరాజుపల్లి వరకు రోడ్డు దాటడానికి యూటర్నులు లేక స్థానికులు ఇబ్బంది పడుతున్నారు. దీని గురించి మంత్రి దృష్టికి తీసుకెళ్లాం. రోడ్డును పరిశీలించి చర్యలు తీసుకోవాలని అధికారులు సూచించారు. త్వరలోనే ఈ సమస్యకు పరిష్కారం లభిస్తుంది." - బుర్రి శ్రీనివాస్‌రెడ్డి, పురపాలిక ఛైర్మన్‌
గతంలో ఇదే దారిలో పైవంతెన సమీపంలో, లెప్రసీ కాలనీ వద్ద, గొల్లగూడ రోడ్డులో యూటర్న్లు ఉన్నా, ప్రమాదాలు జరుగుతున్నాయని క్రితం సంవత్సరం అధికారులు వాటిని మూసివేశారు. ప్రత్యామ్నాయాలు ఏర్పాటు చేస్తామని చెప్పినా, ఇప్పటి వరకు కార్యరూపం దాల్చలేదు.
"పానగల్ పైవంతెన నుంచి కేశరాజుపల్లి వరకు ఉన్న యూటర్నులను మూసి వేయడంతో ఎదురుగా ఉన్న వారిని కలవాలంటే కనీసం 3 కిలో మీటర్లు తిరగాల్సి వస్తోంది. ఎదురుగా వెళ్తే ప్రమాదాలు జరుగుతాయనే భయంతో అంత దూరం వెళ్లాల్సి వస్తోంది. ప్రత్యామ్నాయం లేక వ్యవసాయదారులు అడ్డదిడ్డంగా రోడ్డు దాటుతుంటే వాహనదారులకు ఇబ్బందిగా ఉంది." - జంజిరాల పిచ్చయ్య, స్థానికుడు
ఎన్నికల కోడ్ పేరుతో రాత్రికి రాత్రే రోడ్డును తవ్వారు - కానీ కొత్తది వేయడం మరిచారు
