నిలోఫర్​ ఆసుపత్రిలో అగ్ని ప్రమాదం - మొదటి అంతస్తులో మంటలు

Niloufer Hospital Fire Accident in Hyderabad : నిలోఫర్​ ఆసుపత్రిలో అగ్ని ప్రమాదం జరిగింది. సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని సహాయక చర్యలు చేపట్టారు. రబ్బరుతో కూడిన పరికరాలు ఉండడంతో దట్టమైన పొగలు వచ్చాయని ఆసుపత్రి సూపరింటెండెంట్​ డాక్టర్​ ఉషారాణి తెలిపారు. ఈ ఘటనలో ఎలాంటి ప్రాణనష్టం జరగలేదని వెల్లడించారు.

Niloufer Hospital Fire Accident in Hyderabad : హైదరాబాద్​లోని నాంపల్లిలో ఉన్న నిలోఫర్​ ఆసుపత్రి(Niloufer Hospital)లో అగ్ని ప్రమాదం సంభవించింది. ఆసుపత్రి మొదటి అంతస్తు ల్యాబ్​లో అగ్ని ప్రమాదం జరగడంతో ప్రాంగణం మొత్తం పొగతో నిండిపోయింది. ఆసుపత్రిలో ఉన్న పిల్లలు, తల్లిదండ్రులు భయాందోళనకు గురయ్యారు. అందరూ ఒక్కసారిగా అక్కడి నుంచి బయటకు పరుగులు తీశారు. సిబ్బంది అగ్ని మాపక సిబ్బందికి సమాచారం అందించడంతో సకాలంలో వచ్చి మంటలను అదుపులోకి తీసుకువచ్చారు.

అగ్ని ప్రమాదం జరిగిన వెంటనే నిలోఫర్​కు ఆసుపత్రి సూపరింటెండెంట్ డాక్టర్​ ఉషారాణి చేరుకుని, ప్రమాదంపై ఆరా తీశారు. రబ్బరుతో కూడిన పరికరాలు ఉండడంతో దట్టమైన పొగలు వచ్చాయని ఆమె వివరణ ఇచ్చారు. సకాలంగా అగ్ని మాపక సిబ్బందికి సమాచారం ఇచ్చి, వారు ఇక్కడకు వేగంగా రావడంతోమంటలు సకాలంలో అదుపులోకి వచ్చాయి. ఈ ప్రమాదంలో ఎవరికీ ఏమీ కాలేదని సూపరింటెండెంట్​ డాక్టర్​ ఉషారాణి తెలిపారు.