NEW COURSES IN POLYTECHNIC: పరిశ్రమల అవసరాలకు అనుగుణంగా యువతకు ఉపాధి కల్పించేందుకు ప్రభుత్వం అడుగులు వేస్తోంది. ఈ మేరకు ఏపీలో పాలిటెక్నిక్ చదివిన విద్యార్థులకు ఉపాధి కల్పించడంతో పాటు ఇండస్ట్రీస్కి అవసరమయ్యే మానవవనరుల కొరతను తీర్చేందుకు చర్యలు చేపట్టింది. దీనికోసం ఏపీని ఆరు క్లస్టర్లుగా, 10 సెక్టార్లుగా విభజించారు. అనంతరం ఆయా ప్రాంతాల్లో స్పెషల్ కోర్సులను ప్రవేశపెడుతోంది.
కాగా 2024 నవంబర్లో సాంకేతిక విద్యాశాఖ 32 కొత్త కోర్సులను రూపొందించింది. అయితే అందులోని మూడు కోర్సులను 10 పాలిటెక్నిక్ కళాశాలలో డిసెంబరు నుంచి ప్రారంభించారు. ఈ కళాశాలల్లో సుమారు 700 మంది విద్యార్థులు చదువుతున్నారు. మిగిలిన కోర్సులను సైతం క్రమంగా అందుబాటులోకి తీసుకురానున్నారు. అడిషనల్ కోర్సులను చదివితే స్టూడెంట్కి ఒక క్రెడిట్‌ ఇస్తున్నారు. తొలుత సిలబస్‌ను పరిశ్రమలకు పంపించి, వారి సూచనలతో అందులో మార్పులు, చేర్పులు చేస్తారు.
క్లస్టర్లను ఎలా విభజిస్తారంటే: ఉమ్మడి జిల్లాల ఆధారంగా క్లస్టర్లను విభజించారు. ఆయా ప్రాంతాలలో ఏ రంగం అభివృద్ధి చెందుతుందో చూసుకుని, అందుకు అనుగుణంగా పాలిటెక్నిక్‌లలో కోర్సులు తీసుకొస్తున్నారు.
- శ్రీకాకుళం, విజయనగరం, విశాఖపట్నం క్లస్టర్‌లోని పాలిటెక్నిక్‌లలో ఫార్మా కోర్సులను ప్రవేశపెట్టారు.
- ఉభయ గోదావరి జిల్లాల్లో ఆక్వా కోర్సులు
- గుంటూరు, కృష్ణా జిల్లాల్లో టెక్స్‌టైల్స్‌
- నెల్లూరు, ప్రకాశం జిల్లాల్లో గ్రానైట్, ఆయిల్‌ ఉత్పత్తులకు సంబంధించిన కోర్సులు
- చిత్తూరు, కర్నూలు జిల్లాల్లో ఎలక్ట్రానిక్స్, సోలార్, విండ్ పవర్
- అనంతపురం, కడప జిల్లాల్లో ఆటోమొబైల్, సిమెంటు
100% నియామకాలే టార్గెట్: పాలిటెక్నిక్ విద్యార్థులకు 100% ఉద్యోగాలు కల్పించేలా ప్రణాళికలు రూపొందించారు. గత సంవత్సరం 50% ఉద్యోగాలు కల్పించారు. పాలిటెక్నిక్ విద్యార్థుల్లో ఎక్కువమంది బీటెక్‌కు వెళ్తున్నారు. దీంతో పరిశ్రమల్లో పాలిటెక్నిక్ చేసిన అభ్యర్థుల కొరత తీవ్రంగా ఉంది. మధ్య స్థాయిలో వర్క్ చేసేవారు దొరకడంలేదు. దీంతో డిప్లొమా చదివిన ప్రతి ఒక్కరికీ ఉద్యోగాలు కల్పించేలా చర్యలు చేపట్టారు.
- ఏఐసీటీఈ (All India Council for Technical Education) ఉద్యోగంతోపాటు బీటెక్‌ చేసేందుకు అవకాశం కల్పించింది.
పాలిటెక్నిక్లో క్యాంపస్ ప్లేస్మెంట్స్ను 3 రకాలుగా నిర్వహిస్తున్నారు.
- పాలిటెక్నిక్ లెవల్లో ఏ కాలేజీకి ఆ కాలేజీ పరిశ్రమల యాజమాన్యాలను తీసుకొచ్చి క్యాంపస్ ప్లేస్మెంట్స్ చేపడుతున్నాయి.
- క్లస్టర్‌ స్థాయిలోనూ రెండు, మూడు జిల్లాలకు కలిపి క్యాంపస్ ప్లేస్మెంట్స్ చేపడుతున్నారు.
- అదే విధంగా రాష్ట్రస్థాయిలో సాంకేతిక విద్యాశాఖ అధికారులు పరిశ్రమలను సంప్రదించి ప్లేస్మెంట్స్ తీసుకొస్తున్నారు. తొలుత ఆన్‌లైన్‌లో విద్యార్థులకు అవగాహన కల్పించి, ఆ తర్వాత ప్లేస్మెంట్స్ చేపడుతున్నారు.
కొత్త కోర్సులు ఏ క్లస్టర్లలో అంటే:
- మూడు క్లస్టర్లలో కొత్త కోర్సులను ప్రారంభించారు. ఆయా ప్రాంతాల్లోని పాలిటెక్నిక్ కళాశాలలో అడిషనల్ కోర్సుగా నిర్వహిస్తున్నారు.
- తూర్పు, పశ్చిమగోదావరి జిల్లాల్లో ఎలక్ట్రానిక్స్‌లో ఆక్వా ఆటోమేషన్‌ అండ్‌ స్కాడా ఫర్‌ ఎలక్ట్రానిక్స్ కోర్సుని తీసుకొచ్చారు.
- చిత్తూరు జిల్లాలో ఆటోమేషన్‌ అండ్‌ పీఎల్‌సీ ఫర్‌ ఎలక్ట్రానిక్స్.
- శ్రీకాకుళం, విజయనగరం, విశాఖపట్నం జిల్లాల్లో ఫార్మా ప్రాసెసింగ్‌ సేఫ్టీ.
రైల్వే భారీ నోటిఫికేషన్‌ - న్యూ ఇయర్‌లో 32,438 గ్రూప్-డి పోస్టులు భర్తీ!
ఉద్యోగం మీ లక్ష్యమా? - టాప్‌ టెన్‌ రంగాల్లో లక్షలాది అవకాశాలు
