యువగళం నాటి జ్ఞాపకాలు - కాన్వాయ్​ ఆపి కార్యకర్తలతో చాయ్ తాగిన మంత్రి లోకేశ్ - Nara Lokesh Yuva Galam Memories

Minister Nara Lokesh Recalled Memories of Yuva Galam Padayatra : రాష్ట్ర రాజకీయాల్లో సంచలన ఘట్టాలను నమోదు చేసిన చారిత్రాత్మక యువగళం నాటి అనుభవాలను యువనేత నారా లోకేశ్ ఏ మాత్రం మర్చిపోలేదు. గతంలో చిత్తూరు జిల్లాలో యువగళం పాదయాత్ర సాగిన సమయంలో గాదంకి టోల్ గేట్ వద్దకు చేరుకున్నప్పుడు లోకేశ్ అక్కడే ఆగి టీ తాగారు. ఈరోజు రేణిగుంట ఎయిర్ పోర్టుకు రోడ్డు మార్గాన వెళ్తున్నప్పుడు గత జ్ఞాపకాలను గుర్తు చేసుకొని మళ్లీ అక్కడికే వెళ్లి కార్యకర్తలతో కలిసి చాయ్ తాగారు. ఈ సందర్భంగా యువగళం నాటి అనుభవాలను గుర్తు చేసుకున్నారు.

Minister Nara Lokesh Recalled Memories of Yuva Galam Padayatra : రాష్ట్ర రాజకీయాల్లో సంచలన ఘట్టాలను నమోదు చేసిన చారిత్రాత్మక యువగళం నాటి అనుభవాలను యువనేత నారా లోకేశ్ ఏ మాత్రం మర్చిపోలేదు. మంత్రిగా చిత్తూరు జిల్లా పర్యటనకు వెళ్లిన లోకేశ్ ఆనాటి జ్ఞాపకాలను నెమరు వేసుకున్నారు. బంగారు పాళ్యంలో పర్యటన ముగించుకొని తిరిగి రేణిగుంట ఎయిర్ పోర్టుకు రోడ్డు మార్గాన వెళ్లే సమయంలో ఆసక్తికర సన్నివేశం చోటుచేసుకుంది. గతంలో యువగళం పాదయాత్ర సాగే సమయంలో గాదంకి టోల్ గేట్ వద్దకు చేరుకున్నప్పుడు లోకేశ్ అక్కడే ఆగి టీ తాగారు.

ఈరోజు (శుక్రవారం) రేణిగుంట ఎయిర్ పోర్టుకు రోడ్డు మార్గాన వెళ్తున్నప్పుడు పక్కనే ఉన్న చంద్రగిరి ఎమ్మెల్యే పులివర్తి నాని మంత్రి లోకేశ్​కు గాదంకి టోల్ గేట్ వద్ద టీ తాగిన విషయాన్ని గుర్తుచేశారు. వెంటనే కాన్వాయ్​ని ఆపిన మంత్రి లోకేశ్ టీ స్టాల్ లోకి వెళ్లారు. అక్కడి కార్యకర్తలతో కలిసి చాయ్ తాగి యువగళం నాటి అనుభవాలను గుర్తు చేసుకున్నారు. అందరినీ ఆప్యాయంగా పలకరిస్తూ కుశల ప్రశ్నలు వేశారు. దాదాపు అర్థగంట పాటు అక్కడే కార్యకర్తల కోసం సమయం కేటాయించడంతో వారంతో ఆనందం వ్యక్తం చేశారు. అనంతరం టీ స్టాల్ యజమాని రమేష్ విజయవాడ వరద బాధితులకోసం రూ. 25 వేల ఆర్థిక సహాయన్ని లోకేశ్​కు అందజేశారు. దీంతో లోకేష్ రమేష్​ను అభినందించారు.

అంతకుముందు లోకేశ్​ యువగళంలో ఇచ్చిన హామీ మేరకు బంగారుపాళ్యంలో డయాలసిస్ సెంటర్​ను అదేవిధంగా కొత్తగా నిర్మించిన 30 పడకల ఆసుపత్రిని ప్రారంభించారు. ఈ సందర్భంగా ఆసుపత్రి ఆవరణలో మొక్కలు నాటారు. అక్కడ ఏర్పాటు చేసిన రక్తదాన శిబిరాన్ని ప్రారంభించారు. పాదయాత్రలో ఇచ్చిన ప్రతీ హామీని నెరవేరుస్తామని లోకేశ్ తెలిపారు. చిత్తూరు జిల్లాను సమగ్రాభివృద్ధి చేసి రుణం తీర్చుకుంటానని మంత్రి​ చెప్పారు.

యువగళాన్ని అడ్డుకునేందుకు గత ప్రభుత్వం యత్నించిందని లోకేశ్ ఆరోపించారు. కుట్రలను ఛేదించుకుంటూ పాదయాత్ర ముందుకు సాగిందని పేర్కొన్నారు. అనంతరం ఆయన ప్రజాదర్బార్‌ నిర్వహించారు. ఈ సందర్భంగా ప్రజల నుంచి మంత్రి విజ్ఞప్తులను స్వీకరించారు. సమస్యల పరిష్కారానికి కృషి చేస్తానని వారికి హామీ ఇచ్చారు. అంతకుముందు ఉత్తమ కార్యకర్త- మన టీడీపీ యాప్ ఛాంపియన్స్‌ సమావేశంలో మంత్రి లోకేశ్ పాల్గొన్నారు.