Varra Ravinder Reddy Arrest : వైఎస్సార్‌ కడప జిల్లా పులివెందులకు చెందిన సామాజిక మాధ్యమ కార్యకర్త, సోషల్‌ మీడియా సైకోగా పేరొందిన వర్రా రవీందర్రెడ్డి పోలీసులకు చిక్కాడు. మూడు రోజుల కిందట అతడిని కర్నూలులో అదుపులోకి తీసుకున్నారు. వైఎస్సార్సీపీ పాలనలో జగన్ను ప్రతిపక్షాలు విమర్శించిన ప్రతిసారి వారిపైఅసభ్యకరమైన పోస్టులు పెట్టి, పైశాచిక ఆనందం పొందేవాడు. ఈ క్రమంలోనే ముఖ్యమంత్రి చంద్రబాబు, డిప్యూటీ సీఎం పవన్‌కల్యాణ్‌, మంత్రులు నారా లోకేశ్‌, అనితతో పాటు ఏపీ కాంగ్రెస్‌ అధ్యక్షురాలు షర్మిల, మాజీ మంత్రి వివేకా కుమార్తె సునీతపైనా వర్రా రవీందర్రెడ్డి అసభ్యకర పోస్టులు పెట్టాడు.
వర్రా రవీందర్రెడ్డిపై కడప, మంగళగిరి, పులివెందుల, రాజంపేటతో పాటు హైదరాబాద్‌లో సుమారు 30 కేసులు నమోదయ్యాయి. దళితుడిని దూషించాడనే ఆరోపణలపై ఎస్సీ, ఎస్టీ కేసు కూడా నమోదు చేశారు. ఈ నేపథ్యంలోనే వర్రా రవీందర్‌రెడ్డిని నేడు కడప పోలీసులు అదుపులోకి తీసుకొని చింతకొమ్మదిన్నె పోలీస్స్టేషన్కు తరలించారు. రవీందర్రెడ్డి పారిపోవడానికి సహకరించిన మరో ఇద్దరు వ్యక్తులు ఉదయ్, సుబ్బారెడ్డిని పోలీసులు అదుపులోకి తీసుకున్నారు. ఈ క్రమంలోనే స్టేషన్ పరిసర ప్రాంతాల్లో పటిష్ఠమైన భద్రత ఏర్పాటు చేశారు. వర్రా రవీందర్‌రెడ్డిని ఎస్పీ విద్యాసాగర్ విచారిస్తున్నారు. అనంతరం కడప కోర్టులో హాజరు పరచచనున్నారు.
వర్రా రవీందర్‌రెడ్డిని కలిసిన అతని భార్య, సోదరుడు : మరోవైపు పోలీసులు అదుపులో వర్రా రవీందర్రెడ్డి ఉన్నాడనే విషయం తెలుసుకున్న ఆయన భార్య కళ్యాణి, అతని సోదరుడు మలికార్జున్రెడ్డి పోలీస్ స్టేషన్కి చేరుకున్నారు. అతడిని వారు కలిశారు. తన భర్తను గత వారం రోజుల నుంచి పోలీసులు ఎక్కడ దాచి పెట్టారనే విషయం కూడా తెలియదని కళ్యాణి వాపోయింది. చింతకొమ్మదిన్నె పోలీస్ స్టేషన్లో ఉన్నట్లు మీడియా ద్వారా తెలుసుకుని ఇక్కడికి వచ్చానని చెప్పారు. తన భర్తకు ఏదైనా హాని జరిగితే ప్రభుత్వం పోలీసులదే బాధ్యతని కళ్యాణి వ్యాఖ్యానించారు. తన సోదరుడిపై ఇప్పటికే ఇప్పుడే కేసులు నమోదు చేస్తున్నారని మల్లికార్జున్రెడ్డి తెలిపారు. గతంలో ఎక్కడా కూడా కేసులు నమోదు కాలేదని ఆయన చెప్పారు.
వర్రా రవీందర్‌రెడ్డికి ఆ పార్టీ నుంచే ప్రాణహాని : బీటెక్ రవి
కడప ఎస్పీ బదిలీ - సీఐ సస్పెండ్ - 'వర్రా'పై కనికరం చూపినందుకు ఫలితం
