Jani Master National Award : ప్రముఖ కొరియోగ్రాఫర్ షేక్‌ జానీ బాషా అలియాస్‌ జానీమాస్టర్‌కు ప్రకటించిన జాతీయ పురస్కారాన్ని తాత్కాలికంగా నిలిపివేస్తున్నట్లు నేషనల్ ఫిల్మ్ అవార్డు సెల్ శనివారం ఒక ప్రకటనను విడుదల చేసింది. పోక్సో కేసు నమోదైన నేపథ్యంలో అవార్డు నిలిపివేస్తున్నట్లు ఆ సెల్ పేర్కొంది. 2022 సంవత్సరానికి గాను జాతీయ ఉత్తమ నృత్య దర్శకుడిగా జానీ మాస్టర్ ఎంపికయ్యారు. ఈనెల 8న దిల్లీలోని విజ్ఞాన్భవన్లో పురస్కారం పొందేందుకు జానీ మాస్టర్కు ఆహ్వానం అందింది. అయితే పోక్సో కేసు నేపథ్యంలో అవార్డు తాత్కాలికంగా నిలిపివేస్తున్నట్లు, ఆహ్వానపత్రికను రద్దు చేస్తున్నట్లు ప్రకటనలో నేషనల్ ఫిల్మ్ అవార్డు సెల్ వెల్లడించింది.
అయితే తనపై పలుమార్లు అత్యాచారానికి పాల్పడినట్లు ఓ సహాయ కొరియోగ్రాఫర్ జానీ మాస్టర్పై ఇటీవల నార్సింగి పోలీసులకు ఫిర్యాదు చేశారు. ఈ మేరకు పోలీసులు పోక్సో కేసు నమోదు చేయడంతో అరెస్టు చేసి రిమాండ్కు తరలించారు. దీంతో జానీ మాస్టర్పై అభియోగాలు ఉన్న నేపథ్యంలో ఆయనకు ప్రకటించిన అవార్డును తాత్కాలికంగా నిలిపివేస్తున్నట్లు, అలాగే ఆహ్వానపత్రికను రద్దు చేస్తున్నట్లు సెల్ పేర్కొంది. కాగా దిల్లీలో జరిగే అవార్డు ఫంక్షన్ కోసం జానీ మాస్టర్ మధ్యంతర బెయిల్ పొందారు. ఇందుకు ఆయనకు న్యాయస్థానం ఈనెల 6 నుంచి 9 వరకు మధ్యంతర బెయిల్ను ఇచ్చింది.
అసలేం జరిగింది : గత సెప్టెంబరు 16న ప్రముఖ కొరియోగ్రాఫర్ జానీ మాస్టర్పై అతని వద్ద పని చేసే అసిస్టెంట్ కొరియోగ్రాఫర్ లైంగిక వేధింపుల కేసును పెట్టారు. ఈ వేధింపులు 2019 నుంచి ఉన్నాయని పోలీసులకు ఇచ్చిన ఫిర్యాదులో ఆమె పేర్కొంది. 2017లో జానీ మాస్టర్ పరిచయం అయ్యారని 2019లో అతని బృందంలో సహాయ నృత్య దర్శకురాలిగా చేరి అదే ఏడాది ముంబయిలో ఓ సినిమా చిత్రీకరణ నిమిత్తం అక్కడికి వెళ్లామని తెలిపింది.
అక్కడ హోటల్ గదిలో తనపై జానీ మాస్టర్ అత్యాచారం చేశారని వెల్లడించింది. ఈ విషయం ఎవరికైనా చెబితే మరి డ్యాన్స్ చేయవని బెదిరించినట్లు, నినిమా పరిశ్రమలో ఇక ఎప్పటికీ పని చేయలేవని లొంగ దీసుకున్నట్లు కేసులో తెలిపింది. దీన్నే అవకాశంగా తీసుకుని హైదరాబాద్లో కూడా పలుమార్లు అత్యాచారం చేసినట్లు తెలిపారు. ఈ మేరకు రాయదుర్గం పోలీస్ స్టేషన్ ఫిర్యాదు చేయగా ఆ కేసు నార్సింగికి బదిలీ చేశారు.
మధ్యంతర బెయిల్ : తను మైనర్గా ఉన్నప్పుడే జానీ మాస్టర్ తనపై లైంగిక దాడి చేశాడని బాధితురాలు చెప్పడంతో అతనిపై పోక్సో యాక్టు కింద కేసును నమోదు చేశారు. జానీ మాస్టర్ కోసం గాలించిన పోలీసులకు గోవాలో అతను పట్టుబడ్డాడు. తర్వాత అతనిని కోర్టులో హాజరు పరచగా 14 రోజుల జ్యూడీషియల్ రిమాండ్కు తరలించారు. ఆ తర్వాత పోలీసు కస్టడీకి 4 రోజులు కోర్టు అనుమతించింది. ఆ తర్వాత కోర్టు జానీ మాస్టర్కు నేషనల్ అవార్డు అందుకునేందుకు మధ్యంతర బెయిల్ ఇచ్చింది. ఇప్పుడు జానీ మాస్టర్కు నేషనల్ అవార్డును తాత్కాలికంగా నిలిపివేస్తున్నట్లు అవార్డుల సెల్ ప్రకటన విడుదల చేసింది.
జానీ మాస్టర్కు మధ్యంతర బెయిల్ మంజూరు - కారణం ఇదే - Interim Bail For Jani Master
తప్పును అంగీకరించిన జానీ మాస్టర్ - రిమాండ్ రిపోర్ట్లో కీలక విషయాలు - Jani Master Rape Case Update
