Group-4 Results Released : గత కొంతకాలంగా గ్రూప్ - 4 ఫలితాలకు ఎదురుచూస్తున్న అభ్యర్థులకు శుభవార్త. ఇవాళ టీఎస్పీఎస్సీ గ్రూప్-4 రిజల్ట్ను వెల్లడించింది. అభ్యర్థుల ర్యాంకుల జాబితాను వెబ్సైట్లో విడుదల చేసింది. అభ్యర్థులు వెబ్సైట్లో ర్యాంకులు చూసుకోవాలని కమిషన్ సూచించింది. గతేడాది జులై 1న టీఎస్పీఎస్సీ గ్రూప్- 4 పరీక్షలు నిర్వహించిన విషయం తెలిసిందే.
Group 4 Results Released by TSPSC : రాష్ట్రవ్యాప్తంగా వివిధ శాఖల్లో ఉన్న గ్రూప్-4 ఖాళీలను భర్తీ చేయడానికి 2022 డిసెంబరులో టీఎస్పీఎస్సీ నోటిఫికేషన్ జారీ చేసింది. అందులో జూనియర్ అసిస్టెంట్, జూనియర్ అకౌంటెంట్, జూనియర్ ఆడిటర్, వార్డు ఆఫీసర్ వంటి తదితర పోస్టులు ఉన్నాయి. టీఎస్పీఎస్సీ 8,180 పోస్టులను భర్తీ చేయడానికి నోటిఫికేషన్ రిలీజ్ చేయగా గతేడాది జులై 1న పరీక్ష నిర్వహించారు.
ఈ పరీక్షను రికార్డు స్థాయిలో 9.51 లక్షల మంది అభ్యర్థులు దరఖాస్తు చేసుకున్నారు. వారిలో 7 లక్షల 60 వేల మంది అభ్యర్థులు పరీక్షకు హాజరయ్యారు. గ్రూప్- 4 పరీక్షకు సంబంధించిన తుది కీని టీఎస్పీఎస్సీ గతేడాది అక్టోబరులో విడుదల చేసింది.
