Bandi Sanjay Letter to CM Revanth Reddy : ఫోన్ ట్యాపింగ్పై సీబీఐ విచారణ జరపాలని ముఖ్యమంత్రి రేవంత్ రెడ్డికి బీజేపీ ఎంపీ బండి సంజయ్ లేఖ రాశారు. రాష్ట్రంలో సీబీఐని నిషేధిస్తూ గత ప్రభుత్వం జీవో ఇచ్చిందని ఆ లేఖలో గుర్తు చేశారు. ఆ జీవోను రద్దు చేయాలని బండి సంజయ్ కోరారు. కేటీఆర్, కేసీఆర్ ఫోన్ ట్యాపింగ్ వ్యవహారం నడిపించారని బండి సంజయ్ ఆరోపించారు. వారిద్దరికీ నోటీసులు ఇవ్వకపోవడం అనుమానాలకు తావిస్తోందని బండి సంజయ్ లేఖలో ప్రస్తావించారు.
BJP MLA Alleti Maheshwar Reddy Press Meet : రాచరికపు ఆనవాళ్లు లేకుండా కొత్త చిహ్నాన్ని లీక్లు ఇచ్చినా మళ్లీ కొత్త చిహ్నం రిలీజ్ వాయిదా పడిందా అంటూ బీజేపీ నేత ఏలేటి మహేశ్వర్ రెడ్డి రాష్ట్ర ప్రభుత్వాన్ని ప్రశ్నించారు. లోగోలో అమరవీరుల స్థూపం పెట్టడాన్ని బీజేపీ తరఫున స్వాగతిస్తున్నామని చెప్పారు. గతంలో కాంగ్రెస్ ప్రభుత్వం 360 మంది అమరవీరులను చంపిన ఘటన మళ్లీ గుర్తు చేయాలనుకుంటున్నారా అంటూ విమర్శించారు. చార్మినార్ను లోగో నుంచి తీసే ధైర్యం కాంగ్రెస్ ఉందా అంటూ సవాల్ విసిరారు. అయితే చార్మినార్ను లోగో నుంచి పూర్తిగా తొలగించాలని బీజేపీ డిమాండ్ చేస్తుందని అన్నారు. చార్మినార్ను తొలగించినట్లే హిందువుల ఊచకోత కోసిన ముస్లింల ఆనవాళ్లు పూర్తిగా తీసేయాల్సిన అవసరం ఉందని స్పష్టం చేశారు. హైదరాబాద్లోని బీజేపీ కార్యాలయంలో ఆయన మీడియా సమావేశం నిర్వహించారు.
కాకతీయుల కళాతోరణం తొలగించడం చాలా బాధాకరమైన విషయమని బీజేపీ ఎమ్మెల్యే మహేశ్వర్ రెడ్డి ఆవేదన చెందారు. లోగోలో కాకతీయుల తోరణం ఉండేలా పునరాలోచన చేయాలని కాంగ్రెస్ను కోరారు. చాలా చోట్ల ముస్లిం పేర్లతో వారి పేర్లను పెట్టారన్నారు. ఇంతకుముందు ఉన్న పేర్లనే మళ్లీ పునరుద్ధరించాలని బీజేపీ కోరుకుంటోందని చెప్పారు. సెక్రటేరియట్పై ఉన్న 30 ముస్లిం టూంబ్స్ను తొలగించే దమ్ము కాంగ్రెస్ ప్రభుత్వానికి ఉందా అని ఆయన ప్రశ్నించారు. గత ప్రభుత్వ రాచరికపు ఆనవాళ్లు లేకుండా చేస్తామని చెప్పిన రేవంత్ రెడ్డికి ఇవన్నీ కనిపించడం లేదా అంటూ ప్రశ్నల వర్షం కురిపించారు.
బీజేపీని ఆవిర్భావ దినోత్సవానికి పిలవకపోవడం బాధాకరం : ఎప్పటిలోగా ప్రతి కుటుంబానికి రూ.25 వేలు ఇస్తారో సీఎం రేవంత్ రెడ్డి చెప్పాలని బీజేపీ నేత మహేశ్వర్ రెడ్డి అడిగారు. ఉద్యమకారులపై పెట్టిన కేసులను ప్రభుత్వం తొలగించాలని బీజేపీ డిమాండ్ చేస్తుందన్నారు. తెలంగాణ బిల్లులో బీజేపీ సహకారాన్ని మరచిపోయి ఈ రోజు ఆవిర్భావ దినోత్సవంకు బీజేపీని ఆహ్వీనించకపోవడం అవమానకరమని వివరించారు. ముస్లిం రాచరికపు ఆనవాళ్లను పూర్తిగా తొలగించే దమ్ము, ధైర్యం రేవంత్ రెడ్డి ప్రభుత్వానికి ఉందా అంటూ బీజేపీ నేత మహేశ్వర్ రెడ్డి సవాల్ విసిరారు.
