Narsapur Express Theft Attempt : నర్సాపూర్ ఎక్స్‌ప్రెస్‌లో దొంగలు చోరీకి యత్నించారు. పల్నాడు జిల్లా నడికుడి రైల్వేస్టేషన్‌ వద్ద రైలులోని బి-5, ఎస్‌-10, ఎస్‌-13 బోగీల్లోకి దుండగులు చెయిన్‌ లాగి దోపిడీకి ప్రయత్నించారు. ఈ క్రమంలోనే ఓ మహిళ నుంచి గొలుసును లాకెళ్లేందుకు వారు యత్నించారు. ఇది గమనించిన ఆమె వెంటనే కేకలు వేసింది. దీంతో ఆరీపీఎఫ్‌ సిబ్బంది అప్రమత్తం కావడంతో దొంగలు పరారయ్యారు.
Robbery Attempt in Narsapur Express : ఈ నేపథ్యంలోనే దొంగలు రైలు దిగి పారిపోతూ పోలీసులపైకి రాళ్లు రువ్వారు. రైలు నర్సాపూర్ నుంచి లింగంపల్లి వెళ్తుండగా ఈ ఘటన జరిగింది. రెండ్రోజుల క్రితం చెన్నై ఎక్స్‌ప్రెస్‌లోనూ దొంగలు చోరీ చేసిన విషయం తెలిసిందే.
