APCC YS Sharmila Post About Fee Reimbursement Scheme : ఏపీ మాజీ సీఎం, వైఎస్సార్సీపీ అధినేత, తన సోదరుడు వైఎస్ జగన్పై కాంగ్రెస్ ఏపీ అధ్యక్షురాలు వైఎస్ షర్మిల మరోసారి మండిపడ్డారు. వైఎస్ఆర్ తన జీవితం మొత్తం దేనికైతై వ్యతిరేకంగా ఉన్నారో వాటన్నింటినీ జగన్ చేశారని ధ్వజమెత్తారు. బీజేపీకి దత్తపుత్రుడుగా వ్యవహరిస్తున్నారని ఆరోపించారు. ఈ విధంగా షర్మిల ఎక్స్ వేదికగా ఫీజ్ రీయింబర్స్మెంట్ విషయంలో గత ప్రభుత్వం చేసిన నిర్లక్ష్యాన్ని ఎత్తిచూపుతూ పోస్ట్ చేశారు.
YSR మానస పుత్రిక ఫీజు రీయింబర్స్మెంట్ పథకం. మహానేత హయాంలో, కాంగ్రెస్ పార్టీ అమలు చేసిన ఒక ప్రతిష్ఠాత్మక పథకం. పేద బిడ్డల జీవితాల్లో వెలుగులు నింపి, ఎంతో మంది ఇంజనీర్లను, డాక్టర్లను తయారు చేసిన గొప్ప పథకం.
— YS Sharmila (@realyssharmila) October 21, 2024
నాడు ఫీజు రీయింబర్స్మెంట్ పథకాన్ని YSR అద్భుతంగా అమలు చేస్తే.. సొంత కొడుకై…
ఫీజు రీయింబర్స్మెంట్ పథకాన్ని అప్పటి జగన్ ప్రభుత్వం నీరుగార్చిందని ఏపీసీసీ అధ్యక్షురాలు షర్మిల విమర్శించారు. బకాయిలు చెల్లించకుండా విద్యార్థుల జీవితాలతో చెలగాటమాడారని మండిపడ్డారు. ఈ మేరకు ‘ఎక్స్’ వేదికగా జగన్పై తీవ్ర విమర్శలు గుప్పించారు.
ఈ క్రమంలో వైఎస్ఆర్ హయాంలో కాంగ్రెస్ పార్టీ ఫీజు రీయింబర్స్మెంట్ పథకాన్ని ప్రతిష్ఠాత్మకంగా అమలు చేశారని గుర్తుచేశారు. పేదల జీవితాల్లో వెలుగులు నింపి, ఎంతో మందిని ఇంజినీర్లు, డాక్టర్లుగా తీర్చిదిద్దిన గొప్ప పథకం అది కొనియాడారు. అలాంటి పథకాన్ని జగన్ నీరుగార్చారని అసహనం వ్యక్తం చేశారు. విద్యార్థులకు చెల్లించాల్సిన రూ.3500 కోట్లు పెండింగ్లో పెట్టడం సిగ్గుచేటని అన్నారు. బకాయిలు చెల్లించకుండా విద్యార్థుల జీవితాలతో చెలగాటం ఆడారని మండిపడ్డారు. జగన్ హయాంలో విద్యార్థుల తల్లిదండ్రులను మనోవేదనకు గురిచేశారన్నారు. దోచుకుని దాచుకోవడంపై ఉన్న శ్రద్ధ, విద్యార్థుల సంక్షేమంపై పెట్టలేదని షర్మిల పేర్కొన్నారు.
YS Sharmila Fires on YS Jagan on X : మతాలకు అనుకూలంగా ఉండే బీజేపీని వైఎస్ఆర్ వ్యతిరేకిస్తే జగన్ మాత్రం అదే పార్టీకి దత్తపుత్రుడిగా మారారని ఆరోపించారు. కాషాయ పార్టీతో చెట్టా పట్టాలు వేసుకొని తిరిగారని ధ్వమెత్తారు. అలాంటి వాళ్లకు వైఎస్ఆర్ ఆశయాలు గుర్తు లేవని, ఆయన ఆశయాలకు జగన్ వారసుడు అవుతారని అనుకోవడం పొరపాటేనని ఎద్దేవా చేశారు. వైఎస్సార్సీపీ మహా పాపం చేసిందని షర్మిల వ్యాఖ్యానించారు. పెండింగ్లో ఉన్న బకాయిలను రిలీజ్ చేయాల్సిన బాధ్యత ప్రస్తుత ప్రభుత్వంపై ఉందని వెంటనే నిధులు విడుదల చేయాలని డిమాండ్ చేశారు.