ఆ యువకుడి వేధింపుల వల్లే నా చిట్టితల్లి ఆత్మహత్య చేసుకుంది - భువనగిరిలో యువతి మృతిపై తండ్రి ఫిర్యాదు

హాసిని అనే యువతిని వేధించిన ఫోన్​లో వేధించిన యువకుడు - మనస్తాపంతో ఊరి వేసుకుని ఆత్మహత్య చేసుకున్న విద్యార్థిని

A Student Suicide in Hyderabad : యాదాద్రి భువనగిరి జిల్లా భువనగిరి పట్టణంలోని విద్యా నగర్​కు చెందిన హాసిని(19) అనే యువతి విద్యార్థిని ఇంట్లో ఉరేసుకొని నిన్న(నవంబర్ 17)న సాయత్రం ఆత్మహత్య చేసుకుంది. తన కూతురు చావుకు కారణం నిఖిల్ అనే యువకుడి వేధింపుల వల్ల తన కూతురు ఆత్మహత్య చేసుకుందని యువతి తండ్రి సతీష్ ఆరోపణ చేశారు. బాధితురాలి తండ్రి ఫిర్యాదు మేరకు పోలీసులు కేసు నమోదు చేశారు.

నిఖిల్​ అనే యువకుడే కారణం?: భువనగిరి పట్టణానికి చెందిన హాసిని హైదరాబాద్​లోని వెస్ట్ మారేడ్​పల్లి కసుర్భా కళాశాలలో డిగ్రీ రెండో సంవత్సరం చదువుతుంది. కాగా భువనగిరి పట్టణానికి చెందిన యువకుడు నిఖిల్ తనను ఫోన్​లో పలు రకాలుగా వేధింపులకు గురి చేశాడని, సోషల్ మీడియాలో పోస్టులు పెట్టడం, తీవ్రమైన దుర్భాషలాడుతూ మాట్లాడాడని, తమ వద్ద ఆధారాలున్నాయని మృతురాలి తండ్రి సతీష్ ఆరోపించారు.

తన కూతురును వేధించినట్లు ఫోన్​లో వారిద్దరి మధ్య జరిగిన సంభాషణ రికార్డును మీడియాకి సైతం ఇచ్చారు. నిన్న (నవంబర్ 17) ఆదివారం సాయత్రం స్థానిక పోలీస్ స్టేషన్​లో ఫిర్యాదు చేసినా పోలీసులు సరిగా స్పందించలేదని హాసిని తండ్రి సతీష్ ఆవేదన వ్యక్తం చేశారు. నిందితున్ని పట్టుకుని, రిమాండ్ చేసే వరకు తన కూతురికి పోస్ట్​మార్టం చేయవద్దని ఆయన డిమాండ్ చేశారు.

శనివారం సతీష్​ తన బావమరిదికి అనారోగ్యం కారణంగా హైదరాబాద్​లోని ఆసుపత్రికి వచ్చినట్లు చెప్పారు. ఆరోజు అక్కడే ఉండి మరుసటి రోజున తన ఇంటికి (భువనగిరిలోని విద్యానగర్) బయలుదేరినట్లు తెలిపారు. మధ్యాహ్నం 3 గంటల ప్రాంతంలో తన కూతురు హాసినితో ఫోన్​లో మాట్లాడానని అన్నారు. ఇంతలోనే సాయంత్రం 6 గంటల ప్రాంతంలో ఘట్​కేసర్​ వద్ద ఉండగా తన కూతురి మరణ వార్త తెలిసిందని బాధాతృప్త హృదయంతో విలపించారు. వెంటనే వెళ్లి చూసేసరికి గదిలో ఊరి వేసుకుని చనిపోయిందని చెప్పారు. దీనికి కారణమైన యువకుడు నిఖిల్​ని రిమాండ్​ తరలించి తమకు న్యాయం చేయాలని మీడియాతో వాపోయారు.