WPL Opening Ceremony 2024: 2024 మహిళల ప్రీమియర్‌ లీగ్ శుక్రవారం (ఫిబ్రవరి 23) అట్టహాసంగా ప్రారంభమైంది. ఓపెనింగ్ సెర్మనీలో బాలీవుడ్ స్టార్లు షారుక్ ఖాన్, వరుణ్ ధావన్, టైగర్ జాకీష్రాఫ్, షాహిద్ కపూర్, సిద్దార్థ్ మల్హోత్రా, ఆర్యన్ కార్తిక్ పాల్గొని సందడి చేశారు. ప్రతి ఒక్కరూ డ్యాన్స్ పెర్ఫార్మెన్స్తో అదరగొట్టరు. హీరోల డ్యాన్స్లతో బెంగళూరు చిన్నస్వామి స్టేడియం హోరెత్తింది. ఇక ముంబయి ఇండియన్స్- దిల్లీ క్యాపిటల్స్ మ్యాచ్తో రెండో సీజన్ టోర్నీకి తెర లేవనుంది.
ఓపెనింగ్ సెర్మనీలో స్టార్ హీరోలు తమ పెర్ఫార్మెన్స్తో ఆకట్టుకున్నారు. బాలీవుడ్ బాద్షా షారుక్ ఖాన్ డబ్ల్యూపీఎల్ టోర్నీని రిప్రజెంట్ చేస్తూ పెర్ఫార్మెన్స్ ఇవ్వగా, మిగిలిన హీరోలు ఒక్కొక్కరు ఒక్కో టీమ్కు సపోర్టింగ్గా నిలిచారు. ఆర్యన్ కార్తిక్ (గుజరాత్ టైటాన్స్), షాహిద్ కపూర్ (ముంబయి ఇండియన్స్), సిద్దార్థ్ మల్హోత్రా (దిల్లీ క్యాపిటల్స్), టైగర్ జాకీష్రాఫ్ (రాయల్ ఛాలెంజర్స్ బెంగళూరు), వరుణ్ ధావన్ (యూపీ వారియర్స్) జట్ల తరఫున నిలిచారు. వీరితోపాటు బీసీసీఐ అధ్యక్షుడు రోజర్‌ బిన్నీ, బీసీసీఐ కార్యదర్శి జై షా, ఐపీఎల్‌ ఛైర్మన్ అరుణ్ ధుమాల్, బీసీసీఐ ఉపాధ్యక్షుడు రాజీవ్ శుక్లా తదితరులు హాజరయ్యారు.
ఇక ఈ ఎడిషన్లో ఆఫ్స్ సహా మొత్తం 22 మ్యాచ్లు జరగనున్నాయి. ఈ మ్యాచ్లకు బెంగళూరు, దిల్లీ నగరాలు ఆతిథ్యమిస్తున్నాయి. మొదట 11 మ్యాచ్లు బెంగళూరులోని చిన్నస్వామి స్టేడియంలో జరుగుతాయి. ఆ తర్వాత మిగిలిన 9 లీగ్ మ్యాచ్లతోపాటు రెండు ఫ్లే ఆఫ్స్ మ్యాచ్లకు దిల్లీ అరుణ్ జైట్లి స్టేడియం ఆతిథ్యమివ్వనుంది.
కాగా, రెండోసారి కూడా టైటిల్ నెగ్గాలన్న కసితో ముంబయి బరిలోకి దిగగా, తొలి ఎడిషన్లో మిస్సైన కప్ను ఈసారైన ఒడిసిపట్టాలని దిల్లీ భావిస్తోంది. మిగిలిన జట్లు యూపీ వారియర్స్, గుజరాత్ జెయింట్స్, రాయల్ ఛాలెంజర్స్ బెంగళూరు కూడా టైటిల్పై కన్నేశాయి. అన్ని మ్యాచ్ కూడా సాయంత్రం 7.30గంటలకు ప్రారంభం అవుతాయి. డబ్ల్యూపీఎల్ అన్ని మ్యాచ్లను బ్రాడ్కాస్టింగ్ ఛానెల్ స్పోర్ట్స్ 18లో, అలాగే జియో సినిమాలో లైవ్ స్ట్రీమింగ్లో చూడవచ్చు.
గెట్రెడీ క్రికెట్ ఫ్యాన్స్- WPL ఓపెనింగ్ సెర్మనీకి స్టార్ హీరో- ఈసారి మరింత గ్రాండ్గా
