WPL 2024 - ప్లేఆఫ్స్‌ ఆవకాశాలు ఏ జట్టుకు ఎలా ఉన్నాయంటే?

WPL 2024 డబ్ల్యూపీఎల్‌ 2024 సీజన్‌లో సగం మ్యాచ్‌లు పూర్తయ్యాయి. ప్లేఆఫ్స్‌ రేసు ఆసక్తికరంగా మారింది. ఆ వివరాలు.

WPL 2024 Play offs : మహిళల ప్రీమియర్‌ లీగ్‌ 2024 ఉత్కంఠగా సాగుతోంది. ఇప్పటికే అన్ని జట్లు సగం మ్యాచ్‌ల వరకు ఆడేశాయి. దీంతో ఆయా జట్ల ఆటతీరుపై ఓ అంచనా వచ్చేసినట్టైంది. మరి ఈ అంచనా ఆట తీరు ఆధారంగా ప్లేఆఫ్స్‌ రేసులో ఎవరు ఉంటారు? ఎవరు ఇంటి ముఖం పడతారో ప్రస్తుతం అభిమానుల్లో ఆసక్తికరంగా మారింది. దిల్లీ క్యాపిటల్స్ పాయింట్స్ టేబుల్​లో అగ్రస్థానంలో ఉంది. గుజరాత్ జెయింట్స్​ ఇంకా ఖాతా తెరవక ప్లే ఆఫ్స్ అవకాశాలను కష్టతరం చేసుకుంది.

Delhi Capitals Women : ఈ జట్టు అన్ని విభాగాల్లో బాగానే రాణిస్తోంది. మెగ్‌ లానింగ్‌ కెప్టెన్​. ఆడిన నాలుగింట్లో మూడు విజయాలు సాధించింది. 6 పాయింట్లతో అగ్రస్థానంలో కొనసాగుతోంది. మెరుగైన రన్‌రేట్‌ కూడా ఉంది. ప్లేఆఫ్స్‌ చేరే అవకాశాలు ఈ జట్టుకు ఎక్కువగా ఉన్నాయి.

• .@DelhiCapitals registered their third consecutive win powered by a Captain’s knock and a disciplined bowling performance 👏👏 #TATAWPL
  
  Here’s a roundup of the #DCvGG clash 🎥 pic.twitter.com/wNcfovAWR9

  — Women's Premier League (WPL) (@wplt20) March 4, 2024

Mumbai Indians Women : డిఫెండింగ్‌ చాంఫియన్‌గా బరిలోకి దిగిన ముంబయి ఇండియన్స్​ కూడా మంచి ప్రదర్శనే చేస్తోంది. ఆడిన నాలుగు మ్యాచ్‌ల్లో మూడు విజయాలు సాధించింది. రన్‌రేట్‌ కాస్త తక్కువ అవ్వడం వల్ల రెండో స్థానంలో కొనసాగుతోంది. ఇదే ఊపు కొనసాగిస్తే ఈ జట్టు కూడా ప్లే ఆఫ్స్ చేరే అవకాశం కనిపిస్తోంది.

UP Warriorz : ఆడిన నాలుగు మ్యాచుల్లో రెండు విజయాలే సాధించింది. ప్లేఆఫ్స్‌ అర్హత సాధించాలంటే మిగతా మ్యాచ్‌ల్లో గెలవడం కాకుండా ఇతర టీమ్స్ రిజల్ట్స్​ తనకు కలిసిరావాలి. అయితే ఈ జట్టుకు రన్‌రేట్‌ కాస్త ఎక్కువ ఉండటం కలిసొచ్చే అంశం.

Royal Challengers Bangalore Women : వరుసగా రెండు మ్యాచ్‌ల్లో గెలుపొందిన ఆర్సీబీ ఆ తర్వాత డీలా పడింది. రెండు వరుస ఓటములను ఖాతాలో వేసుకుని నాలుగో స్థానంలో ఉంది. రన్‌రేట్‌ కూడా మైనస్‌. మిగతా మ్యాచుల్లో గెలిస్తేనే ప్లేఆఫ్స్‌ రేసులో ఉంటుంది. అలాగే ఇతర టీమ్ రిజల్ట్స్​ కూడా దీని ప్లేఆఫ్స్‌ ఛాన్స్​లపై ప్రభావం చూపిస్తాయి.

Gujarat Giants : గుజరాత్​ గత సీజన్‌లోనూ తీవ్రంగా నిరాశపరిచిన సంగతి తెలిసిందే. ఈ సీజన్‌లోనూ ఇలానే చేస్తోంది. ఇప్పటి వరకూ ఆడిన నాలుగింట్లో ఒక్కటి కూడా గెలవలేదు. పాయింట్ల పట్టికలో అట్టడుగు స్థానంలో ఉంది. ప్లేఆఫ్స్‌ కష్టమే. ఈ రేసులో నిలవాలంటే మిగతా 4 మ్యాచ్‌ల్లో భారీ విజయాలు సాధించాయి. అలానే ఇతర జట్ల ఫలితాలు కలిసిరావాలి.

ప్లేఆఫ్స్‌ ఫార్మాట్​ ఎలా సాగుతుందంటే? పాయింట్స్​ టేబుల్​లో తొలి మూడు స్థానాల్లో నిలిచిన టీమ్స్​ ప్లేఆఫ్స్​కు అర్హత సాధిస్తాయి. టాప్ పొజిషన్​లో ఉన్న జట్టు డైరెక్ట్​గా ఫైనల్‌ ఆడుతుంది. రెండు, మూడు స్థానాల్లో నిలిచిన టీమ్స్​ ఎలిమినేటర్‌ మ్యాచులు ఆడతాయి. ఇందులో గెలిచినది ఫైనల్‌లో ఉన్న జట్టుతో తలపడుతుంది. మార్చి 15న ఎలిమినేటర్‌ మ్యాచ్‌ జరగనుంది. 17న ఫైనల్‌ జరగనుంది.

• Bengaluru gears up for a thrilling encounter 🔥🔥
  
  The @UPWarriorz take on @RCBTweets with both teams eyeing one final win before moving to Delhi 🙌#TATAWPL | #UPWvRCB pic.twitter.com/LFnmmY7Ljc

  — Women's Premier League (WPL) (@wplt20) March 4, 2024