WPL 2024 Delhi Capitals VS Royal Challengers : డబ్ల్యూపీఎల్ 2024లో భాగంగా నేడు(మార్చి 10) జరిగిన మ్యాచ్ ఉత్కంఠగా సాగింది. ఆర్సీబీపై దిల్లీ క్యాపిటల్స్ ఒక్క పరుగు తేడాతో విజయం సాధించింది. 182 పరుగుల లక్ష్యంతో బరిలోకి దిగిన రాయల్ ఛాలెంజర్స్ బెంగళూరు నిర్ణత 20 ఓవర్లలో 7 వికెట్లు కోల్పోయి 181 పరుగులు చేసింది. ఆర్సీబీ గెలవడానికి చివరి బంతికి రెండు పరుగులు అవసరమైన సమయంలో రిచా ఘోష్‌ (29 బంతుల్లో 4 ఫోర్లు, 3 సిక్స్‌ల సాయంతో 51 పరుగులు) రనౌట్‌ కావడం వల్ల దిల్లీ విజయాన్ని ఖాతాలోవేసుకుంది. ఎల్లీస్ పెర్రీ(32 బంతుల్లో 7 ఫోర్లు, ఒక సిక్స్ సాయంతో 49), సోఫీ మోలినెక్స్‌(30 బంతుల్లో 5 ఫోర్ల సాయంతో 33), సోఫీ డివైన్(26) పర్వాలేదనిపించే ప్రదర్శన చేశారు. దిల్లీ బౌలర్లలో మారిజానె కాప్‌, ఎలిస్‌ క్యాప్సీ, షిఖా పాండే, అరుంధతీ రెడ్డి తలో వికెట్ తీశారు.
అంతకుముందు టాస్‌ గెలిచి మొదట బ్యాటింగ్కు దిగిన దిల్లీ క్యాపిటల్స్ నిర్ణీత 20 ఓవర్లలో 5 వికెట్లు కోల్పోయి 181 పరుగులు చేసింది. ఓపెనర్లు మెగ్‌ లానింగ్‌ (26 బంతుల్లో 5 ఫోర్ల సాయంతో 29), షఫాలీ వర్మ (18 బంతుల్లో 3 ఫోర్ల సాయంతో 23) ఫర్వాలేదనిపించారు. జెమీమా రోడ్రిగ్స్‌ (36 బంతుల్లో 8 ఫోర్లు, 1 సిక్స్ సాయంతో 58) హాఫ్ సెంచరీ బాదింది. అలీస్‌ క్యాప్సీ (32 బంతుల్లో 8 ఫోర్ల సాయంతో 48) కొద్దిగలో అర్ధ శతకం చేజార్చుకుంది. ఆర్సీబీ బౌలర్లలో శ్రేయంకా పాటిల్ నాలుగు వికెట్లతో మెరిసింది. శోభన ఒక వికెట్ తీసింది.
WPL 2024 Points Table : ఈ మ్యాచ్ విజయంతో దిల్లీ క్యాపిటల్స్ పాయింట్ల పట్టికలో అగ్రస్థానానికి చేరుకుంది. ఈ సీజన్లో ముంబయి తర్వాత ప్లే ఆఫ్స్కు(WPL Delhi Play Offs) అర్హత సాధించిన జట్టుగా నిలిచింది. ఆర్సీబీ ఓడి తమ ప్లేఆఫ్స్ అవకాశాలు సంక్లిష్టం చేసుకుంది.
అదరగొట్టిన సాత్విక్‌, చిరాగ్‌ జోడీ - ఫ్రెంచ్ ఓపెన్ టైటిల్ కైవసం
