IND VS NZ Ameliya kerr Run Out Controversy : టీ20 వరల్డ్‌ కప్‌‌‌‌లో భారీ అంచనాలతో బరిలోకి దిగిన ఇండియా ఉమెన్స్‌ టీమ్‌ తమ తొలి మ్యాచ్లోనే తేలిపోయింది. ప్లేయర్సంతా అంచనాలు అందుకోవడంలో విఫలం కావడం వల్ల ఈ పోరులో భారత జట్టు 58 పరుగులు తేడాతో ఓడిపోయిది. న్యూజిలాండ్ చేతిలో కంగుతిన్నది. అయితే ఈ మ్యాచులో న్యూజిలాండ్ ఇన్నింగ్స్‌‌‌‌లో అమెలియా కెర్‌ రనౌట్ అయినా అంపైర్లు ఇవ్వకపోవడం, రనౌట్ రివ్యూ ఫలితం భారత్కు అనుకూలంగా రాకపోవడం వివాదాస్పదంగా మారింది.
JEMIMAH ON RUNOUT CONTROVERSY : మ్యాచ్ అనంతరం ఈ వివాదస్పద అంశంపై టీమ్‌ఇండియా క్రికెటర్ జెమీమా రోడ్రిగ్స్‌ ప్రెస్ కాన్ఫరెన్స్‌లో మాట్లాడింది. అంపైర్ నిర్ణయాలను తాము గౌరవిస్తామని చెప్పింది. కానీ ఇలా జరగడం అత్యంత దారుణమని పేర్కొంది.
"దీప్తికి అంపైర్ క్యాప్‌ ఇవ్వడాన్ని నేను చూడలేదు. అప్పుడు నేను దగ్గరగా లేను. కివీస్ బ్యాటర్లు కూడా రెండో రన్ కోసం పరుగెత్తారు. అమేలియా కెర్‌ కూడా ఓవర్‌ పూర్తి కాలేదని ఉద్దేశంతోనే కనిపించింది. మేం కూడా అదే ఆలోచనతో ఉన్నాం. రన్ ఔట్ అయినట్లు భావించాం. కానీ, అంపైర్ మాత్రం మరోలా నిర్ణయం తీసుకున్నారు. ఏది ఏమైనా అది మా చేతుల్లో లేని విషయం. వారి నిర్ణయాన్ని గౌరవిస్తాం. కానీ, అమేలియా కెర్‌ తనకు తానే డగౌట్‌కు వెళ్తుంటే, ఆమెను ఆపి మరీ బ్యాటింగ్ చేయమని చెప్పడం ఇబ్బందిగా అనిపించింది. ఔట్ అయినట్లు ఆమెకు కూడా తెలుసు. అందుకే ఆమె బయటకు వెళ్లేందుకు సిద్ధమైంది" అని జెమీమా చెప్పుకొచ్చింది.
అసలు జరిగిందీ ఇదే - 14వ ఓవర్‌ లాస్ట్ బాల్ను ఎక్స్‌ట్రా కవర్స్‌ వైపు బాది ఒక పరుగు తీసింది అమేలియా కెర్‌. అయితే ఈ సమయంలో మెయిన్ అంపైర్, బౌలర్‌ దీప్తికి తన క్యాప్‌‌‌‌ను అందిస్తుండగా, స్క్వేర్‌ లెగ్‌ అంపైర్ బంతి పూర్తైందన్న ఉద్దేశంతో షూ లేస్‌ కట్టుకుంటూ కనిపించింది.
కానీ బ్యాటర్లు అమేలియా, సోఫీ మాత్రం రెండో పరుగు కోసం ప్రయత్నించారు. అప్పుడు హర్మన్‌ నుంచి బంతి అందుకున్న వికెట్‌ కీపర్‌ రిచా ఘోష్‌, వెంటనే అమేలియాను రన్ ఔట్ చేసింది. అమేలియా కూడా తాను ఔట్ అయినట్లు నిర్ణయించుకుని పెవిలియన్‌ వైపు అడుగులేసింది. కానీ అంపైర్ మాత్రం బంతి అప్పటికే డెడ్‌ అయినట్లు ప్రకటించి అమెలియాను వెనక్కి పిలిచింది. దీనిపై భారత కెప్టెన్ హర్మన్‌ప్రీత్‌,వైస్ కెప్టెన్ మంధాన అంపైర్‌తో వాదించినప్పటికీ ఫలితం లేకపోయింది. ఆ తర్వాత అమేలియా తర్వాతి ఓవర్లోనే ఔట్ అయిపోయింది.
న్యూజిలాండ్తో పోరు - తొలి మ్యాచ్‌లో భారత్ ఓటమి - Womens T20 World Cup 2024
