Womens T20 World Cup 2024 : ఐసీసీ మహిళల టీ20 ప్రపంచకప్‌ మ్యాచ్లకు వేదికలు ఖరారయ్యాయి. యూఏఈ (UAE)లోని షార్జా క్రికెట్ స్టేడియం, దుబాయ్ ఇంటర్నేషనల్ స్టేడియంలో మ్యాచ్లు నిర్వహించనున్నట్లు ఐసీసీ అధికారికంగా ప్రకటించింది. కాగా అక్టోబరు 03 - 20 వరకు యూఏఈలో మహిళల టీ20 వరల్డ్కప్ జరగనుంది. సెప్టెంబరు 28- అక్టోబర్ 1 వరకు వార్మప్‌ మ్యాచ్లు జరగనున్నాయి.
రెండు గ్రూపులు
ఈ వరల్డ్ కప్లో పాల్గొనే మొత్తం 10 జట్లను రెండు గ్రూప్లుగా విభజించారు. గ్రూప్ Aలో భారత్, ఆస్ట్రేలియా, న్యూజిలాండ్, పాకిస్థాన్, శ్రీలంక ఉన్నాయి. గ్రూప్ Bలో దక్షిణాఫ్రికా, ఇంగ్లాండ్, వెస్టిండీస్‌, బంగ్లాదేశ్, స్కాట్లాండ్ ఉన్నాయి.
ఒక గ్రూప్ లోని ప్రతి జట్టు ఇతర జట్లతో ఒక్కో మ్యాచ్ ఆడుతుంది. ప్రతి గ్రూప్ నుంచి టాప్‌- 2లో నిలిచిన జట్లు సెమీస్‌ చేరుతాయి. అక్టోబరు 17, 18వ తేదీల్లో సెమీ ఫైనల్ మ్యాచ్లు జరగనున్నాయి. అదే నెల 20న దుబాయ్ దుబాయ్ ఇంటర్నేషనల్ స్టేడియంలో ఫైనల్ జరగనుంది.
రోజుకు రెండు మ్యాచ్లు
అక్టోబరు 3న రెండు ఈ వరల్డ్కప్ ప్రారంభమవుతుంది. బంగ్లాదేశ్- స్కాట్లాండ్, పాకిస్థాన్- శ్రీలంక జట్లు షార్జా క్రికెట్ స్టేడియం వేదికగా తొలి రెండు మ్యాచ్ల్లో తలపడనున్నాయి. దుబాయ్ ఇంటర్నేషనల్ స్టేడియంలో అక్టోబర్ 4న దక్షిణాఫ్రికా- వెస్టిండీస్‌, భారత్- న్యూజిలాండ్ మధ్య మ్యాచులు జరగనున్నాయి. కాగా టీమ్ఇండియా అక్టోబర్ 4న న్యూజిలాండ్, 6న పాకిస్థాన్, 9న శ్రీలంక, 13న ఆస్ట్రేలియాతో తలపడనుంది.
2 స్టేడియాల్లో మ్యాచ్లు
ఈ మెగా టోర్నీకి ఆతిథ్యం ఇవ్వనున్న దుబాయ్ ఇంటర్నేషల్ స్టేడియం 2009లో ప్రారంభమైంది. ఇందులో 25,000 సీటింగ్ కెపాసిటీ ఉంది. అలాగే 1982లో నిర్మితమైన షార్జా క్రికెట్ స్టేడియంలో ఇప్పటివరకు 200కు పైగా అంతర్జాతీయ వన్డే మ్యాచ్ లు జరిగాయి. దక్షిణాసియాలో ఈ స్టేడియం బాగా ప్రాచుర్యం పొందింది.
భారీగా పెరిగిన ప్రైజ్మనీ
2024 టీ20 వరల్డ్ కప్ ప్రైజ్ మనీని ఐసీసీ భారీగా పెంచింది. 7,958,080 అమెరికా డాలర్లుగా నిర్ణయించింది. అంటే భారత కరెన్సీలో రూ.66 కోట్లకు పైమాటే. దీంతో విజేతలకు ఇచ్చే ప్రైజ్మనీ కూడా పెరిగింది. గతేడాది జరిగిన టోర్నీలో ఆస్ట్రేలియా విజేతగా నిలవగా ఆ జట్టుకు 1 మిలియన్ డాలర్లు ఇచ్చారు. అదే ఈసారి ఈ ప్రైజ్ మనీని 2.34 మిలియన్ డాలర్లకు పెంచారు. అంటే ఏకంగా 134 శాతం పెరిగింది. భారత కరెన్సీలో ఐసీసీ టీ20 వరల్డ్ కప్ విన్నర్కు దాదాపు రూ.19 కోట్లకు పైగా ప్రైజ్ మనీ అందుతుంది.
10 teams, 23 matches, one coveted trophy 🏆
— ICC (@ICC) September 19, 2024
Everything you need to know about the upcoming Women's #T20WorldCup 2024 👇https://t.co/IHtmCf4MS1
క్రికెట్ ఫ్యాన్స్కు గుడ్న్యూస్- వరల్డ్కప్ మ్యాచ్లకు వారికి ఫ్రీ ఎంట్రీ - T20 World Cup 2024
ఐసీసీ కీలక నిర్ణయం - వరల్డ్ కప్లో పురుషులతో సమానంగా మహిళలకు ప్రైజ్మనీ - Worldcup Equal prize money
