Virat Kohli Ipl Runs: రాయల్ ఛాలెంజర్స్ బెంగళూరు స్టార్ బ్యాటర్ విరాట్ కోహ్లీ శనివారం రాజస్థాన్తో మ్యాచ్లో పలు రికార్డ్లు సాధించాడు. ఐపీఎల్లో అత్యధిక సెంచరీలు (8) బాదిన ఘనతతోపాటు, 7500+ పరుగులు నమోదు చేసిన తొలి క్రికెటర్గా రికార్డ్ సృష్టించాడు. ఈ మ్యాచ్లో విరాట్ (113 పరుగులు, 72 బంతుల్లో ; 12x4, 4x6) సెంచరీ ఇన్నింగ్స్తో ఈ మైలురాళ్లు అందుకున్నాడు. కాగా, 2024 ఐపీఎల్లో ఇదే తొలి సెంచరీ కావడం విశేషం.
ఐపీఎల్లో ఇప్పటివరకూ 242 మ్యాచ్లు ఆడిన విరాట్ 130.36 స్ట్రైక్ రేట్తో 7575 పరుగులు చేశాడు. అందులో 8 సెంచరీలు ఉన్నాయి. అత్యధికంగా ఒకే సీజన్ (2016)లో 973 పరుగులు బాదాడు. ఈ ఒక్క సీజన్లోనే విరాట్ నాలుగు శతకాలు నమోదు చేశాడు. 2016లో ఆరెంజ్ క్యాప్ సైతం విరాట్కే దక్కింది. ఇక సింగిల్ ఎడిషన్లో అత్యధిక పరుగులు (973) బాదిన రికార్డ్ కూడా విరాట్ పేరిటే ఉంది. ఇక అత్యధిక పరుగుల జాబితాలో విరాట్ తర్వాత స్టార్ బ్యాటర్ శిఖర్ ధావన్ (6754 పరుగులు) రెండో స్థానంలో కొనసాగుతున్నాడు.
ఐపీఎల్లో ఆత్యధిక పరుగులు బాదిన బ్యాటర్లు
- విరాట్ కోహ్లీ- 7575 పరుగులు (242 మ్యాచ్లు)
- శిఖర్ ధావన్- 6754 పరుగులు (221 మ్యాచ్లు)
- డేవిడ్ వార్నర్- 6545 పరుగులు (180 మ్యాచ్లు)
- రోహిత్ శర్మ- 6280 పరుగులు (246 మ్యాచ్లు)
- సురేశ్ శర్మ- 5528 పరుగులు (205 మ్యాచ్లు)
ఐపీఎల్లో ఆత్యధిక సెంచరీలు
- విరాట్ కోహ్లీ- 8 సెంచరీలు
- క్రిస్ గేల్- 6 సెంచరీలు
- జాస్ బట్లర్- 5 సెంచరీలు
- కేఎల్ రాహుల్- 4 సెంచరీలు
- షేన్ వాట్సన్- 4 సెంచరీలు
- డేవిడ్ వార్నర్- 4 సెంచరీలు
ఇక మ్యాచ్విషయానికొస్తే, టాస్ ఓడి బ్యాటింగ్కు దిగిన ఆర్సీబీ నిర్ణీత 20 ఓవర్లలో 3 వికెట్ల నష్టానికి 183 పరుగులు చేసింది. విరాట్ కోహ్లీ (113), ఫాఫ్ డూప్లెసిస్ (44 పరుగులు) రాణించారు. రాజస్థాన్ బౌలర్లలో యుజ్వేంద్ర చాహల్ 2, నంద్రె బర్గర్ 1 వికెట్ దక్కించుకున్నారు.
ఆర్సీబీ x రాజస్థాన్- విరాట్ను ఊరిస్తున్న రికార్డులు - Virat Kohli IPL 2024
విరాట్, పరాగ్ పరుగులు సేమ్- క్యాప్ మాత్రం రియాన్కే- ఎందుకో తెలుసా? - 2024 IPL Orange Cap
