Virat Kohli IPL 2024: 2024 ఐపీఎల్ మరో 5 రోజుల్లో ప్రారంభం కానున్న నేపథ్యంలో ఆయా జట్ల ప్లేయర్లు ఇప్పటికే ప్రాక్టీస్ స్టార్ట్ చేశారు. అయితే కొన్ని రోజులుగా అందరి దృష్టి స్టార్ బ్యాటర్ విరాట్ కోహ్లీపైనే ఉంది. వ్యక్తిగత కారణాల వల్ల దాదాపు రెండు నెలలుగా క్రికెట్కు దూరంగా ఉన్న విరాట్ ఈ ఐపీఎల్లో బరిలోకి దిగనున్నాడు. ఈ క్రమంలో విరాట్ ఎప్పుడెప్పుడు బ్యాట్తో మైదానంలోకి దిగుతాడా అని ఫ్యాన్స్ ఎదురుచూస్తున్నారు. అయితే తాజాగా విరాట్ ముంబయి ఎయిర్పోర్టులో కెమెరాకు చిక్కాడు. ప్రస్తుతం ఈ ఫొటోలు సోషల్ మీడియాలో వైరల్గా మారాయి.
ఆదివారం విరాట్ ముంబయి ఎయిర్ పోర్టులో న్యూ లుక్తో దర్శనమిచ్చాడు. తన వారసుడు అకాయ్ కోహ్లీ పుట్టిన తర్వాత లండన్ నుంచి భారత్ వచ్చిన కోహ్లీ తెల్లగడ్డంతో కనిపించాడు. ఈ కొత్త లుక్లో విరాట్ను చూసిన తన ఫ్యాన్స్ హ్యాపీగా ఫీల్ అవుతున్నారు. 'తెల్లగడ్డంతో అకాయ్ డాడీ' అంటూ క్యాప్షన్ ఇస్తూ నెటిజన్లు కామెంట్లు పెడుతున్నారు. ఇక భారత్కు వచ్చిన విరాట్ త్వరలోనే ఆర్సీబీ క్యాంప్లో చేరి ప్రాక్టీస్ మొదలుపెట్టనున్నాడు.ఇక మార్చి 22న జరగనున్న రాయల్ ఛాలెంజర్స్ బెంగళూరు- చెన్నై సూపర్ కింగ్స్ మ్యాచ్తో 2024 ఐపీఎల్ ప్రారంభం కానుంది. ఇరుజట్లు కూడా గెలుపుతోనే సీజన్ను ఆరంభించాలని భావిస్తున్నాయి.
కాగా, అనుష్క శర్మ- విరాట్ దంపతులకు ఫిబ్రవరి 15న కొడుకు పుట్టిన విషయం విదితమే. ఈ దంపతులకు ఇదివరకే కూతురు (వామిక) జన్మించింది. ఇక రెండోసారి తండ్రి అయిన కారణంగా విరాట్ గత రెండు నెలలుగా లండన్లోనే ఉన్నాడు. ఈ కారణంగానే రీసెంట్గా ముగిసిన భారత్-ఇంగ్లాండ్ టెస్టు సిరీస్కు దూరమయ్యాడు. ఈ విషయాన్ని కోహ్లీ సోషల్ మీడియా వేదిక ద్వారా వెల్లడించాడు. ఇక కోహ్లీ చివరిగా 2024 జనవరిలో ఆఫ్గానిస్థాన్తో జరిగిన టీ20 సిరీస్లో ఆడాడు. ఇక మార్చి 19న బెంగుళూరులో జరగనున్న ఆర్సీబీ ఆన్వెల్ ఇన్ బాక్స్ ప్రమోషన్ ఈవెంట్లో విరాట్ పాల్గొనే అవకాశం ఉంది.
విరాట్ బొమ్మ గీసిన స్మృతి- డ్రాయింగ్లో కింగ్ 'కిరీటమే' హైలైట్
ఇన్స్టాలో విరాట్ సెన్సేషన్ - ఆ ఘనత అందుకున్న తొలి భారతీయుడిగా రికార్డు
