Virat Kohli Daughter: రాయల్ ఛాలెంజర్స్ బెంగళూరు స్టార్ బ్యాటర్ విరాట్ కోహ్లీ ప్రస్తుతం ఐపీఎల్లో బిజీగా ఉన్నాడు. తాజాగా మైదానంలో ప్రాక్టీస్కు బ్రేక్ ఇచ్చి ఆర్సీబీ ఇన్సైడర్ మిస్టర్ నాగ్స్ (Mr. Nags) ఇంటర్వ్యూలో పాల్గొన్నాడు. ఈ ఇంటర్వ్యూలో తన కూతురు వామిక గురించి కూడా పలు ఆసక్తికర విషయాలు షేర్ చేసుకున్నాడు. తను ఇప్పుడే క్రికెట్ బ్యాట్ పట్టుకొని ఆడుకుంటుందని విరాట్ అన్నాడు.
ఇక హోస్ట్, స్టాండప్ కమెడియన్ మిస్టర్ నాగ్స్ ఎప్పటిలాగే ఇంటర్వ్యూను తనదైన ఫన్నీ స్టైల్లో నడిపించాడు. 'నేను ఓ కామెంటేటర్గా కాకుండా కామన్ మ్యాన్గా ఉంటే నువ్వు నాతో ఫ్రెండ్షిప్ చేస్తావా?' అంటూ సరదాగా అడిగాడు. తర్వాత తాను రెండోసారి తండ్రైనందుకు శుభాకాంక్షలు తెలుపుతూ, కూతురు గురించి అడిగాడు. 'పాపు ఎలా ఉంది?' అని నాగ్స్ అడిగాడు. 'పాపు ఎవరు?' అని విరాట్ అడగ్గా, 'పాపు అంటే బేబీ' అని చెప్పాడు.
దీనికి విరాట్ 'పాప బాగుంది. అందరూ బాగున్నారు. నా కుతురైతే ఇప్పుడే బ్యాట్ అందుకొని అటు ఇటూ తిప్పుతూ ఆడుకుంటోంది. కానీ, భవిష్యత్లో ఏం అవ్వాలన్నది తన నిర్ణయమే' విరాట్ అన్నాడు. కాగా, ఇంటర్వ్యూలో నాగ్స్ ఫన్నీ సెటైర్ వేశాడు. విరాట్ కుమారుడు, కూతురిని ఉద్దేశించి, 'ఒకరు (అకాయ్ కోహ్లీ) ఐపీఎల్ కోసం, మరొకరు (వామిక) డబ్ల్యూపీఎల్ కోసం' అని అన్నాడు. దీంతో విరాట్ ఒక్కసారిగా నవ్వుకున్నాడు.
'నీ ఫ్రెండ్ అంతా చెప్పాడు': 'నీ ఫ్రెండ్ నీ గురించి కొన్ని మంచి విషయాలు చెప్పాడు' అని నాగ్స్ అనగానే 'నా ఫ్రెండ్ ఎవరు?' అని విరాట్ రిప్లై ఇచ్చాడు. సునీల్ ఛెత్రి అని చెప్పాగానే ఫుట్బాల్ లెజెండ్ తనకు మంచి ఫ్రెండ్ అని అన్నాడు. 'ఛెత్రి నా క్లోజ్ ఫ్రెండ్. కొన్నేళ్లుగా మా ఇద్దరి మధ్య స్నేహం ఉంది. రిటైర్మెట్ ప్రకటించేముందు నాతో చెప్పాడు. చాలా మంచి వ్యక్తి' అని విరాట్ అన్నాడు.
Virat Kohli IPL 2024: ప్రస్తుత ఐపీఎల్లోనూ విరాట్ అదరగొడుతున్నాడు. ఇప్పటివరకు 13మ్యాచ్లు ఆడిన విరాట్ 66.10 సగటుతో 661 పరుగులు చేసి ఆరెంజ్ క్యాప్ రేస్లో అందరికంటే ముందున్నాడు. ఇక ఆర్సీబీ శుక్రవారం చెన్నై సూపర్ కింగ్స్తో చివరి లీగ్ మ్యాచ్ ఆడనుంది.
'నా రక్తంలోనే అది ఉంది - కోహ్లీ ఎంతో ప్రత్యేకం' - Usain Bolt Kohli
