Yuvraj Singh T20 World Cup: టీమ్ఇండియా మాజీ క్రికెటర్కు అరుదైన గౌరవం దక్కింది. అతడు 2024 టీ20 వరల్డ్కప్ అంబాసిడర్గా ఎంపికయ్యాడు. 2007 వరల్డ్కప్లో భాగంగా 6 బంతుల్లో 6 సిక్స్లు బాదిన యువీని పొట్టి ప్రపంచకప్కు అంబాసిడర్గా ఐసీసీ నియమించింది. ఈ విషయాన్ని ఐసీసీ సోషల్ మీడియాలో గురువారం అధికారికంగా ప్రకటించింది.
ఈ అంబాసిడర్ పాత్రలో భాగంగా యువీ, జూన్ 9న జరగనున్న భారత్- పాకిస్థాన్ మ్యాచ్తోపాటు వరల్డ్కప్ టోర్నీలో ప్రమోషన్ ఈవెంట్లు, ఆయా కార్యక్రమాల బాధ్యతలు చూడనున్నాడు. దీనిపై యువరాజ్ స్పందించాడు. 'ఒకే ఓవర్లో 6 సిక్స్లు బాదడం సహా టీ20 వరల్డ్కప్ ద్వారానే క్రికెట్లో నాకు కొన్ని జ్ఞాపకాలు ఉన్నాయి. రానున్న వరల్డ్కప్లో భాగం కాబోతున్నందుకు ఎంతో ఉత్సాహంగా ఉన్నాను' అని యువీ అన్నాడు. కాగా, ఐసీసీ వెస్టిండీస్ మాజీ ప్లేయర్ క్రిస్ గేల్, ఒలింపిక్ మెడల్ విన్నర్ ఉసెన్ బోల్ట్ను రీసెంట్గా అంబాసిడర్లుగా ఎంపిక చేసింది. తాజాగా యువీ కూడా ఈ లిస్ట్లో చేరిపోయాడు. దీంతో ఈ ముగ్గురు 2024 వరల్డ్కప్ అంబాసిడర్లుగా వ్యవహరించనున్నారు.
కాగా, జూన్ 1 నుంచి పొట్టి ప్రపంచకప్ సమరం ప్రారంభం కానుంది. ఈ టోర్నీకి అమెరికా, వెస్టిండీస్ దేశాలు ఆతిథ్యమివ్వనున్నాయి. ఇప్పటికే టోర్నీకి సంబంధించిన పనులను నిర్వాహకులు దాదాపు పూర్తి చేశారు. ఇక ఈ టోర్నమెంట్లో 20 జట్లు నాలుగు గ్రూపులుగా విడిపోయి పోటీ పడతాయి. ఈ నేపథ్యంలో భారత్ గ్రుప్ -Aలో ఉంది. ఈ గ్రూప్లో భారత్తోపాటు పాకిస్థాన్, ఐర్లాండ్, యూఎస్ఏ, కెనడా ఉన్నాయి. ఇక క్రికెట్లోనే హై వోల్టేజ్ మ్యాచ్ భారత్- పాకిస్థాన్ పోరుకు న్యూయార్క్ వేదిక కానుంది.
India World Cup Promo video: ప్రముఖ బ్రాడ్కాస్టింగ్ ఛానెల్ స్టార్ స్పోర్ట్స్ ఇటీవల టీమ్ఇండియా కోసం స్పెషల్ ప్రోమో వీడియో రిలీజ్ చేసింది. 'రోహిత్ సేన టీ20 వరల్డ్కప్నకు సిద్ధమవుతోంది. వాళ్ల యాక్షన్ చూడడానికి మీరు సిద్ధమా?' అని క్యాప్షన్ రాసుకొచ్చింది. ఇక వీడియో బ్యాక్గ్రౌండ్లో భారత జాతీయ గేయం 'వందేమాతం' లిరిక్స్ ప్లే చేశారు. ఈ లిరిక్స్ వీడియోలో హైలైట్గా నిలిచాయి.
'ఇండియా' రెడీ మీరు రెడీనా?- T20 వరల్డ్కప్ ప్రోమో వీడియో - 2024 T20 World Cup
