T20 WORLD CUP 2024 Uganda Squad : టీ20 వరల్డ్‌కప్ - 2024కు సమయం దగ్గర పడుతోంది. ఈ సందర్భంగా ఇప్పటికే చాలా జట్లు తమ స్క్వాడ్లను ప్రకటించాయి. తాజాగా స్కాట్లాండ్, ఉగాండా కూడా 15 మందితో కూడిన తమ జట్లను అనౌన్స్ చేశాయి. ఈ సందర్భంగా అత్యంత పెద్ద వయసులో టీ 20 వరల్డ్ కప్లో ఆడబోతున్న ప్లేయర్గా ఉగాండా ఆఫ్‌స్పిన్నర్‌ ఫ్రాంక్‌ సుబు నిలవనున్నాడు.
మెగా టోర్నీ కోసం ఉగాండా క్రికెట్‌ బోర్డు ప్రకటించిన జట్టులో 43 ఏళ్ల సుబుగాకు కూడా స్థానం దక్కడం విశేషం. బ్రయాన్‌ మసాబా ఆ జట్టుకు కెప్టెన్గా వ్యవహరించనున్నాడు. కాగా, ఆఫ్రికా క్వాలిఫయర్స్‌ రీజనల్‌లో ఫైనల్‌లో ఉగాండా రెండో స్థానంలో నిలిచింది. తద్వారా వరల్డ్ కప్కు అర్హత సాధించింది. గ్రూప్-సిలో ఉన్న ఈ జట్టు తన మొదటి మ్యాచ్ను జూన్ 3న అఫ్గానిస్థాన్‌తో ఆడనుంది.
ఉగాండా జట్టు - బ్రయాన్‌ మసాబా, కెన్నెత్‌ వైస్వా, రిజాత్‌ అలీ షా, ఫ్రాంక్‌ సుబుగా, దినేశ్‌ నక్రాని, రోజర్‌ ముకాసా, రోనక్‌ పటేల్‌, బిలాల్‌ హసున్‌, కోస్మాస్‌ క్యెవుటా, రాబిన్సన్‌ ఒబుయా, ఫ్రెడ్‌ అచెలమ్‌, హెన్నీ సెన్యోండో, సిమోన్‌ సెసాజి, జుమా మియాజి. అల్పేష్‌ రాజ్‌మణి.
T20 WORLD CUP 2024 Scotland Squad : ఇక స్కాట్లాండ్ కూడా 15 మంది సభ్యులతో కూడిన జట్టును అనౌన్స్ చేసింది. ఈ జట్టుకు రిచీ బెరింగ్టన్ కెప్టెన్గా వ్యవహరించనున్నాడు. అయితే గత కొంత కాలంగా టీమ్కు దూరంగా ఉన్న పేసర్ బ్రాడ్ వీల్, మైఖేల్ జోన్స్ తిరిగి జట్టులోకి రీఎంట్రీ ఇచ్చారు. ఈ మెగా టోర్నీలో స్కాట్లాండ్ గ్రూప్-బిలో ఆస్ట్రేలియా, ఇంగ్లాండ్, ఒమన్, నమీబియాలతో పాటు ఉంది. తమ తొలి మ్యాచ్ను జూన్ 4 ఇంగ్లాండ్తో ఆడనుంది. అంతకన్నాముందు ట్రినిడాడ్‌లో ఆఫ్ఘానిస్థాన్, ఉగాండాతో రెండు ప్రాక్టీస్‌ మ్యాచ్‌లు కూడా ఆడనుంది.
స్కాట్లాండ్ జట్టు - రిచీ బెరింగ్టన్ (కెప్టెన్), బ్రాడ్ క్యూరీ, మాథ్యూ క్రాస్, ఒలి హెయిర్స్, క్రిస్ గ్రీవ్స్, మైఖేల్ జోన్స్, జాక్ జార్విస్, బ్రాండన్ మెక్‌ముల్లెన్, జార్జ్ మున్సే, మైఖేల్ లీస్క్, క్రిస్ సోల్, సఫ్యాన్ షరీఫ్, మార్క్ వాట్, బ్రాడ్ వీల్, చార్లీ టియర్.
సన్‌రైజర్స్‌పై సూర్యప్రతాపం - ముంబయి ఘనవిజయం - IPL 2024
టీ20 ప్రపంచకప్‌కు ఉగ్రముప్పు - స్పందించిన ఐసీసీ - T20 World cup 2024
