Suryakumar Yadav Srilanka Series : శ్రీలంక సిరీస్లో భాగంగా టీ20 సిరీస్కు సన్నద్ధమవుతోంది టీమ్ఇండియా. కొత్త కోచ్ గంభీర్ శిక్షణలో అలాగే, కొత్త కెప్టెన్ సూర్యకుమార్ యాదవ్ సారథ్యంలో మన యంగ్ ప్లేయర్స బరిలోకి దిగనున్నారు. అయితే కోచ్గా గంభీర్ ఎలా ఉన్నారన్న విషయంపై సూర్యకుమార్ యాదవ్ తాజాగా ఆసక్తికర వ్యాఖ్యలు చేశాడు. గంభీర్తో తనకు ఓ స్పెషల్ బాండింగ్ ఉందని అన్నాడు. దీనికి సంబంధించిన వీడియోను బీసీసీఐ తాజాగా సోషల్ మీడియా వేదికగా పంచుకోగా, అది క్షణాల్లో వైరల్ అయ్యింది.
"మా ఇద్దరి బంధం చాలా ప్రత్యేకమైనది. 2014లో నేను గంభీర్ సారథ్యంలోనే కోల్కతా నైట్రైడర్స్ జట్టుకు ప్రాతినిథ్యం వహించాను. అప్పటి నుంచే నాకు క్రికెట్లో ఎన్నో గొప్ప అవకాశాలు వచ్చాయి. ఇరువురి బంధం ఇప్పటికీ బలంగానే ఉంది. నేను ఎలా ఆడతానో, ప్రాక్టీస్‌ సెషన్‌లో నా మైండ్‌ సెట్‌ ఎలా ఉంటుందో ఆయనకు బాగా తెలుసు. ఓ కోచ్గా ఆయన ఎలా పనిచేస్తారో కూడా నేను చూశాను. మా ఇద్దరి కాంబినేషన్‌లో ఎటువంటి రిజల్ట్ రానుందో అంటూ నేను ఎంతో ఉత్సాహంగా ఎదురుచూస్తున్నాను. ఓ కెప్టెన్‌గా కాకపోయినా మైదానంలో లీడర్‌గా ఉండేందుకు నేను అమితంగా ఇష్టపడుతుంటాను. ఇప్పటివరకూ ఎంతోమంది కెప్టెన్ల నుంచి పలు కొత్త విషయాలను తెలుసుకున్నాను. ఈ కెప్టెన్సీ నాకు దక్కడం ఎంతో ఆనందంగా ఉంది. నాకిచ్చిన ఈ గొప్ప బాధ్యతను కచ్చితంగా నిలబెట్టుకునేందుకు ప్రయత్నిస్తాను" అంటూ స్కై ఆనందం వ్యక్తం చేశాడు.
TeamIndia Squad for SriLanka 2024 : భారత్‌, శ్రీలంక మధ్య 3 టీ20, 3 వన్డే మ్యాచ్‌ సిరీస్‌లు జరగనున్నాయి. శ్రీలంకలో జరగనున్న ఈ సిరీస్ కోసం బీసీసీఐ భారత జట్టును ప్రకటించింది బీసీసీఐ సెలక్షన్ కమిటీ . కొత్త ప్రధాన కోచ్ గౌతమ్ గంభీర్, చీఫ్ సెలక్టర్‌ అజిత్ అగార్కర్ జట్టు ఎంపికపై సుదీర్ సమాలోచనలు జరిపిన తర్వాత జట్టును అనౌన్స్ చేశారు. ఈ సిరీస్కు రోహిత్ శర్మ వన్డేలకు అందుబాటులోకి వచ్చాడు. దీంతో అతడికే వన్డే కెప్టెన్సీ బాధ్యతలు అప్పగించారు. టీ20లకు రోహిత్ రిటైర్మెంట్ ప్రకటించడం వల్ల సూర్యకుమార్ యాదవ్‌ను టీ20కి సారథిగా నియమించారు.
రూ.120కోట్ల పర్స్ వ్యాల్యూ- రిటెన్షన్ ఆప్షన్లో మార్పు- IPL 2025 మెగా వేలం! - IPL 2025 Mega Auction
