Rohit Sharma Second Baby : 2024 బోర్డర్ గావస్కర్ ట్రోఫీ సిరీస్ మరో 8 రోజుల్లో ప్రారంభం కానుంది. నవంబర్ 22న తొలి టెస్టు మ్యాచ్ ప్రారంభం కానుంది. ఈ సిరీస్లో ఆడేందుకు భారత జట్టు ఇప్పటికే ఆస్ట్రేలియా చేరుకొని, ప్రాక్టీస్ కూడా మొదలు పెట్టేసింది. అయితే సిరీస్లో తొలి మ్యాచ్కు కెప్టెన్ రోహిత్ శర్మ దూరం కానున్నాడని తొలి నుంచి ప్రచారం సాగుతోంది. దీనిపై కోచ్ గౌతమ్ గంభీర్ కూడా ఇటీవల స్పందించాడు. అయితే రోహిత్ తొలి మ్యాచ్కు అందుబాటులో ఉంటాడా? లేదా తెలియడానికి కాస్త సమయం పట్టవచ్చని పేర్కొన్నాడు.
ఈ సిరీస్లో ఒక మ్యాచ్కు దూరంగా ఉండాలనుకుంటున్న రోహిత్ నిర్ణయాన్ని పలువురు తప్పుబట్టారు. ప్రతిష్ఠాత్మకమైన బోర్డర్ - గావస్కర్ ట్రోఫీ సిరీస్ కంటే ముఖ్యమైంది ఏముంది అని ప్రశ్నిస్తున్నారు. ఈ నేపథ్యంలో సోషల్ మీడియాలో మరో వార్త చక్కర్లు కొడుతోంది. కెప్టెన్ రోహిత్ భార్య రితికా సజ్దే ప్రస్తుతం ప్రెగ్నెన్సీతో ఉందని అంటున్నారు. ఈ దంపతులు త్వరలోనే రెండో బిడ్డకు జన్మనివ్వనున్నారని జోరుగా ప్రచారం సాగుతోంది. దీంతో రోహిత్ ఫ్యామిలీతో కాస్త సమయం గడపాలని నిర్ణయించుకున్నట్లు సమాచారం. అందుకే ఆసీస్తో జరగునున్న సిరీస్లో తొలి టెస్టుకు దూరం అవుతున్నట్లు వార్తలు వస్తున్నాయి. అయితే దీనిపై ఎలాంటి క్లారిటీ లేదు.
కానీ, టీమ్ఇండియా మాజీ ప్లేయర్ సురేశ్ రైనా తాజా కామెంట్స్ ఈ వార్తలకు బలం చేకూరుస్తున్నాయి. రైనా రీసెంట్గా ఓ ఛానెల్తో ఇంటర్వ్యూలో మాట్లాడాడు. ఈ ఇంటర్వ్యూలో బోర్డర్- గావస్కర్ ట్రోఫీకి సంబంధించిన పలు విషయాలు షేర్ చేసుకున్నాడు. ఈ క్రమంలోనే ఓ మ్యాచ్కు దూరంగా ఉండాలనుకుంటున్న రోహిత్ నిర్ణయం సరైనదే అని రైనా అన్నాడు. రోహిత్- రితికా మరోసారి పేరెంట్స్ కానున్నారని హింట్ ఇచ్చాడు.
'వ్యక్తిగత కారణాల వల్ల రోహిత్ తొలి మ్యాచ్కు అందుబాటులో ఉండడం లేదేమో! వాళ్లు రెండోసారి తల్లిదండ్రులు కానున్నారేమో. అది నిజమైతే, రోహిత్ జీవితంలో ఇది అత్యంత ముఖ్యమైన విషయం' అని రైనా అన్నాడు. కానీ రోహిత్ గైర్హజరీపై కూడా స్పష్టత రావాల్సి ఉంది.
కాగా, 2015 డిసెంబర్లో రోహిత్- రితికా వివాహ బంధంతో ఒక్కటయ్యారు. ఈ దంపతులకు 2018లో పాప (సమైరా శర్మ) జన్మించింది.
రోహిత్ గురించి ఇప్పుడే ఏం చెప్పలేం- హిట్మ్యాన్ లేకపోతే కెప్టెన్ అతడే!
బోర్డర్ గావస్కర్ ట్రోఫీ - కోహ్లీ, రోహిత్ ఫామ్‌పై మైండ్‌ గేమ్‌ స్టార్ట్
