Sarfaraz Khan Celebrates Yashasvi 200: రాజ్కోట్ టెస్టులో యశస్వి జైశ్వాల్ డబుల్ సెంచరీని నాన్ స్ట్రైక్లో ఉన్న సర్ఫరాజ్ ఖాన్ సెలబ్రేట్ చేసుకోవడం ఇంటర్నెట్లో అందర్నీ ఆకర్షిస్తోంది. గతంలో విరాట్ కోహ్లీ శతకాన్ని సురేశ్ రైనా సెలబ్రేట్ చేసుకున్న మూమెంట్ను సర్ఫరాజ్ ఈ సందర్భంగా గుర్తు చేశాడంటూ నెటిజన్లు వీడియోను వైరల్ చేస్తున్నారు.
ఈ మ్యాచ్లో జైశ్వాల్ 199 వద్ద బ్యాటింగ్ చేస్తుండగా, రూట్ వేసిన బంతిని డిఫెన్స్ ఆడాడు. బంతి ఆఫ్ సైడ్ ఫిల్డర్ వద్దకు వెళ్లగా జైశ్వాల్- సర్ఫరాజ్ పరుగు తీయడం ప్రారంభించారు. ఇక సింగిల్ రావడం ఖాయం కాగానే, ఇద్దరూ చేతులు గాల్లోకి ఎత్తి సెలబ్రేట్ చేసుకున్నారు. అనంతరం జైశ్వాల్కు ఓ హగ్ ఇచ్చి సర్ఫరాజ్ కంగ్రాట్స్ చెప్పాడు. అయితే 2015 వరల్డ్కప్లో పాకిస్థాన్తో మ్యాచ్లో విరాట్ కోహ్లీ శతకం సాధించాడు. ఆ మ్యాచ్లో విరాట్ సెంచరీని నాన్ స్ట్రైక్ ఎండ్లో ఉన్న సురేశ్ రైనా సెలబ్రేట్ చేసుకోవడం అప్పట్లో క్రికెట్ ఫ్యాన్స్ను ఆకర్షించింది. తాజాగా సర్ఫరాజ్ ఆ సీన్ రిపీట్ చేసి రైనాను గుర్తుచేశాడని కామెంట్స్ పెడుతున్నారు. కాగా, ఈ మ్యాచ్లో జైశ్వాల్ 234 బంతుల్లో 214 పరుగులు చేశాడు.
యశస్వి ఫ్యామిలీకీ గిఫ్ట్ ప్లీజ్: ఈ మ్యాచ్లో జైశ్వాల్ సత్తా చాటడంతో అతడి తండ్రికి కారు గిఫ్ట్గా ఇవ్వాలంటూ, ప్రముఖ వ్యాపారవేత్త మహీంద్రా సంస్థల ఛైర్మన్ ఆనంద్ మహీంద్రాకు నెటిజన్లు రిక్వెస్ట్ చేస్తున్నారు. 'ఆనంద్ జీ యశస్వి తండ్రికి కూడా ఓ థార్ (Mahindra Thar) గిఫ్ట్గా ఇవ్వండి, వాళ్లు కూడా పేదవారే' అని ఓ నెటిజన్ ట్వీట్ చేయగా, 'ఆనంద్ సర్, జైశ్వాల్ తల్లిదండ్రులు కూడా గిఫ్ట్కు అర్హులే' అని మరో నెటిజన్ ఆనంద్ మహీంద్రాకు ట్యాగ్ చేశారు. కాగా, రీసెంట్గా సర్ఫరాజ్ ఖాన్ తండ్రికి ఆనంద్ మహీంద్రా థార్ ఆఫర్ చేశారు. అయితే క్రీడల్లో ప్రతిభ చాటిన చాలా మంది అథ్లెట్లకు గతంలో ఆనంద్ మహీంద్రా థార్ కారును గిఫ్ట్గా ఇచ్చారు.
యశస్వి @ 214- కుర్రాడి వీరబాదుడికి ఇంగ్లీష్ జట్టు హడల్
రాజ్కోట్లో భారత్ గ్రాండ్ విక్టరీ- 434 పరుగుల తేడాతో ఇంగ్లాండ్ చిత్తు
