Rohit Sharma Umpire Funny Video: టీమ్ఇండియా కెప్టెన్ రోహిత్ శర్మ గ్రౌండ్లో చాలా కూల్గా, ఫన్నీగా ఉంటాడు. మ్యాచ్ పరిస్థితులను అంచనా వేసి ప్లేయర్లను ప్రోత్సహిస్తూ జట్టును గెలుపు దిశగా నడిపించడం రోహిత్ స్ట్రాటజీ. తన మాటలు, మేనరిజంతో గ్రౌండ్లో మ్యాచ్ వాతావరణాన్ని ఫన్నీగా మార్చేస్తాడు. ఈ క్రమంలో రోహిత్ సోషల్ మీడియా మీమర్స్కు ఫుల్ స్టఫ్ ఇస్తుంటాడు. ఆయితే 2024 జనవరిలో అఫ్గానిస్థాన్తో జరిగిన మూడో టీ20లో రోహిత్- ఫీల్డ్ అంపైర్ మధ్య ఓ సంభాషణ సోషల్ మీడియాలో ఫుల్ వైరలైంది.
అయితే రోహిత్ రీసెంట్గా ఛత్తీస్గఢ్ బిలాస్పుర్లో ఓ స్టేడియం ప్రారంభోత్సవంలో పాల్గొన్నాడు. కాగా, స్టంప్స్ మైక్లో రికార్డయ్యే రోహిత్ ఫన్నీ సంభాషణల గురించి ప్రోగ్రామ్ హోస్ట్ కెప్టెన్ను అడిగ్గా అడగ్గా ఫన్నీగా వివరించాడు.'ఆ మ్యాచ్కు ముందు రెండుసార్లు డకౌట్ అయ్యాను. రెండు డకౌట్ల తర్వాత మ్యాచ్లో తొలి పరుగు సాధించడం ఎంతో ముఖ్యం. అయితే ఆ మ్యాచ్లో బంచి బ్యాట్ను తాకి ఫోర్ వెళ్లింది. అది అంపైర్ లెగ్బై గా ప్రకటించాడు. క్రీజులో ఉన్నప్పుడు నా దృష్టి అంతా బ్యాటింగ్ పైనే ఉంటుంది. నేను స్కోర్ బోర్డును చూడను. ఓవర్ పూరైన తర్వాత స్కోర్ బోర్డను చూస్తే 'రోహిత్ శర్మ 0' అని ఉంది. ఫోర్ బాదినా కూడా నా స్కోర్ జీరో ఉందని నేను ఆశ్చర్యపోయా. అప్పుడు నేను అంపైర్ను లెగ్ బై ఇచ్చావా అని అడిగా' అని రోహిత్ అన్నాడు.
ఈ మ్యాచ్లో రోహిత్ బౌండరీతో పరుగుల ఖాతా తెరిచినా, అంపైర్ దాన్ని లెగ్బైగా ప్రకటించాడు. దీంతో రోహిత్ ఖాతాలో పరుగులేమీ యాడ్ కాలేదు. స్కోర్ బోర్డు చూసిన రోహిత్ 'అరె వీరు, ఫస్ట్ బాల్ లెగ్ బై ఇచ్చావా? అది బ్యాట్కు తగిలింది' అని అంపైర్తో నవ్వుతూ అన్నాడు. అది స్టంప్స్ మైక్లో రికార్డైంది. ఇక సోషల్ మీడియాలో వైరలైన ఈ వీడియో నెటిజన్లకు కూడా నవ్వు తెప్పించింది.
అయితే గ్రౌండ్లో ఇవన్నీ కావాలని చేసేవి కాదని సందర్భాన్ని బట్టి అలా మాట్లాడాల్సి వస్తుందని రోహిత్ అన్నాడు. 'నేను కెప్టెన్ కాబట్టి బాల్ ట్రాకింగ్ స్పష్టంగా కనిపిస్తుందని స్లిప్లో ఫీల్డింగ్ చేస్తుంటా. ఈ క్రమంలోనే టీమ్మేట్స్తో మాట్లాడతా. అవి మైక్రోఫోన్లో రికార్డ్ అవుతాయి. అవి నెటిజన్లకు ఫన్నీగా అనిపిస్తాయి' నవ్వుతూ అన్నాడు. ఇక ఇప్పటి వరకూ స్టంప్స్మైక్లో రాని ఫన్నీ సంభాషణలు ఏమైన ఉంటే లీక్ చేయమని అడిగితే 'ఇప్పుడు కాదు. ధర్శశాల మ్యాచ్లో లీక్ చేస్తా' అని అన్నాడు. దీంతో ధర్శశాల మ్యాచ్లో రోహిత్ మళ్లీ ఏం మాట్లాడతాడని ఫ్యాన్స్ ఈగర్గా వెయిట్ చేస్తున్నారు.
స్పెషల్ హెలికాప్టర్లో రోహిత్- హాలీవుడ్ హీరో లెవెల్ ఎంట్రీ!
