Rohit Sharma Retirement: టీమ్ఇండియా కెప్టెన్ రోహిత్ శర్మ త్వరలో ఒక్కో ఫార్మాట్ క్రికెట్కు రిటైర్మెంట్ ప్రకటిస్తాడని కొన్న రోజులుగా ప్రచారం సాగుతోంది. అయితే ఈ వార్తలకు హిట్మ్యాన్ చెక్ పెట్టాడు. ప్రస్తుతం ఐపీఎల్లో బిజీగా ఉన్న రోహిత్ రీసెంట్గా 'బ్రేక్ ఫాస్ట్ విత్ ఛాంపియన్స్' పాడ్కాస్ట్ ఇంటర్వ్యూలో పాల్గొన్నాడు. తాను ఇప్పట్లో క్రికెట్ నుంచి తప్పుకునేది లేదని ఈ ఇంటర్వ్యూలో స్పష్టం చేశాడు.
'నేను రిటైర్మెంట్ గురించి ఆలోచించట్లేదు. కానీ, జీవితం ఎలా సాగుతుందనేది మనకు తెలియదు. ప్రస్తుతం నేను అత్యుత్తమ క్రికెట్ ఆడుతున్నా. కచ్చితంగా ఇంకొన్నేళ్లు ఆటలో కొనసాగుతా. భారత్ వరల్డ్కప్ సాధించాలన్నది నా కోరిక. వరల్డ్ టెస్టు ఛాంపియన్‌షిప్‌ ఫైనల్‌ 2025లోనూ భారత్‌కు ప్రాతినిధ్యం వహించి జట్టును గెలిపించాలి. ఆ రెండూ నెరవేరుతాయని ఆశిస్తున్నా' అని రోహిత్ చెప్పాడు.
గతంలోనూ
ఇక గతంలోనూ రిటైర్మెంట్ గురించి రోహిత్ మాట్లాడాడు. 'ఎప్పుడైతే నిద్రలో నుంచి లేవగానే క్రికెట్ ఆడే పరిస్థితిలోలేను అని నాకు అనిపిస్తే ఆ రోజే ఆటకు గుడ్బై చెప్పేస్తా. కానీ, గత రెండు మూడేళ్లుగా నా ఆట అత్యుత్తమంగా ఉంది. ప్రస్తుతం నేను నాణ్యమైన క్రికెట్ ఆడుతున్నా' అని రోహిత్ అన్నాడు.
Rohit Sharma IPL: ప్రస్తుత ఐపీఎల్లో రోహిత్ శర్మ అదరగొడుతున్నాడు. రాజస్థాన్ రాయల్స్తో మ్యాచ్లో మినహా అన్నింట్లోనూ రాణించాడు. ఇందులో రెండు సార్లు 40+ స్కోర్లు సాధించాడు. ఇప్పటివరకూ 5 మ్యాచ్లు ఆడిన రోహిత్ 167.74 స్ట్రైక్ రేట్తో 156 పరుగులు చేశాడు. ఇందులో 17ఫోర్లు, 10 సిక్స్లు ఉన్నాయి. అంటే బౌండరీల ద్వారానే రోహిత్ 128 పరుగులు సాధించాడు.
ఇక ఈ సీజన్లోనే ఐపీఎల్లో రికార్డులు సొంతం చేసుకున్నాడు. దిల్లీతో మ్యాచ్లో ఐపీఎల్లో 100 క్యాచ్లు అందుకున్న ఫీల్డర్గా నిలిచాడు. తాజాగా ఆర్సీబీతో జరిగిన మ్యాచ్లో రోహిత్ 3 సిక్స్లు బాదాడు. ఈ క్రమంలో వాంఖడే స్టేడియంలో 100 టీ20 సిక్స్లు బాదిన ఏకైక క్రికెటర్గా రోహిత్ శర్మ రికార్డు సృష్టించాడు.
'వరల్డ్ కప్ కోసమే కదా ఇదంతా' - దినేశ్ను టీజ్ చేసిన రోహిత్ శర్మ! - IPL 2024 MI VS RCB
ఆకాశ్ కారులో రోహిత్! - హిట్మ్యాన్ కోసం ఆ ఫ్రాంచైజీ రెడీ! - Rohit Sharma Mumbai Indians
