Rohit Sharma Investments: టీమ్ఇండియా కెప్టెన్ రోహిత్ శర్మ ప్రస్తుతం కెరీర్లో పీక్స్లో ఉన్నాడు. మూడు ఫార్మాట్లలో జట్టుకు నాయకత్వం వహిస్తున్న హిట్మ్యాన్ బ్యాట్తోనూ అదరగొడుతున్నాడు. ప్రస్తుతం ప్రపంచ అత్యుత్తమ క్రికెటర్లలో రోహిత్ ఒకడు. ఈ నేపథ్యంలో రోహిత్ అంతర్జాతీయ క్రికెట్ కెరీర్లో రికార్డులు క్రియేట్ చేశాడు.
ఇటీవల పొట్టి క్రికెట్ ఫార్మట్లో 250 విజయాల్లో భాగమై అరుదైన రికార్డును కూడా దక్కించుకున్నాడు. ఇక అంతర్జాతీయ వన్డేల్లో మూడు డబుల్ సెంచరీలు, టీ20ల్లో అత్యధిక సెంచరీలు (5) చేసిన ఆటగాడు కూడా రోహిత్ శర్మనే కావడం విశేషం. ఇలా క్రికెట్లోనే కాకుండా వ్యాపారంపైనా దృష్టి ఆ రంగంలోనూ రాణిస్తున్నాడు. దీంతో ప్రస్తుతం రోహిత్ నెట్వర్త్ రూ.230 కోట్లుగా ఉన్నట్లు తెలుస్తోంది. మరి రోహిత్ ఏయే రంగాల్లో పెట్టుబడులు పెట్టాడో మీకు తెలుసా?
వ్యాపారంలో పెట్టుబడులు: రాపిడోబోటిక్స్, వీరూట్స్ వెల్నెస్ సొల్యూషన్స్ వంటివి రోహిత్ శర్మ పెట్టుబడుల్లో ప్రధానమైనవి. ఈ రెండు అతిపెద్ద స్టార్టప్స్లో రోహిత్ పెట్టుబడులు రూ.88 కోట్లు దాకా ఉన్నట్లు సమాచారం. రోబోటిక్ ఆటోమేషన్ పరిష్కారాలను అందించే సంస్థ రాపిడోబోటిక్స్. ఇక వెరూట్స్ వెల్నెస్ సొల్యూషన్స్ ఒక హెల్త్ కేర్ కంపెనీ. ఈ రెండు పెట్టుబడులు టెక్నాలజీ, సాధారణ ప్రజల ఆరోగ్యంపై రోహిత్ శర్మకు ఉన్న అవగాహనను తెలియజేస్తున్నాయి.
రాపిడోబోటిక్స్ కంపెనీలో తన పెట్టుబడులను ధ్రువీకరించడానికి రోహిత్ ఒక సింగిల్ ఇన్వెస్ట్మెంట్ రౌండ్లో పాల్గొన్నాడు. వియూట్స్ వెల్నెస్ సొల్యూషన్స్ ప్రైవేటు లిమిటెడ్ 2018లో ఏర్పాటైంది. ఇదేవిధంగా పొలాలు, చేపల పెంపకం నుంచి సేకరించిన వివిధ రకాల మాంసం ఉత్పత్తులు, సీఫుడ్స్ అందించే మరో ఫ్లాట్ఫామ్లో కూడా రోహిత్ పెట్టుబడులు ఉన్నాట్లు తెలుస్తోంది.
సామాజిక సేవ కార్యక్రమాలు: రోహిత్లో దాతృత్వం కూడా చాలా ఎక్కువ. మానవ సంక్షేమానికి, జంతు సంరక్షణలో ఎప్పుడూ ముందుటాడు రోహిత్. 2015లో పీపుల్ ఫర్ ది ఎథికల్ ట్రీట్మెంట్ ఆఫ్ యానిమల్స్ (పెటా) సంస్థలో చేరి అప్పటి నుంచి జంతువుల ప్రాణాలను కాపాడటంపై అవగాహన కల్పిస్తున్నారు.
అదే సంవత్సరంలో కెన్యాలో వేట వ్యతిరేక ప్రచారం కోసం ప్రముఖ హాలీవుడ్ నటులు మాట్ లెబ్లాంక్, సల్మా హయెక్లతో కలిసి పనిచేశాడు. 2017లో తన పేరు, వన్డే జెర్సీ నెంబర్ ఉన్న మొబైల్ ఫోన్ కవర్లు, ఇతర వస్తువులను ఆన్లైన్ వేలంలో విక్రయించి, వచ్చిన మొత్తాన్ని జంతు సంరక్షణ సంస్థకు అందించాడు. ఆ తర్వాత సంవత్సరం WWF ఇండియా రైనో అంబాసిడర్గా నియమించబడ్డాడు.
ఖరీదైన ఇల్లు: రోహిత్ శర్మకు ముంబైలోని వర్లీలో అత్యంత ఖరీదైన నివాసం ఉంది. అహుజా టవర్స్ 29వ అంతస్తులో 4BHK ఇంట్లో రోహిత్ నివాసం ఉంటున్నాడు. ఈ ప్లాట్ నుంచి చూస్తే అరేబియా సముద్రం 270 డిగ్రీల వ్యూతో చాలా అందంగా కనిపిస్తుంది.
సెంచరీతో కదం తొక్కిన హిట్మ్యాన్- కెరీర్లో 47వ శతకం పూర్తి.
క్రికెట్ ఫ్యాన్స్కు గుడ్ న్యూస్ - రోహిత్ సారథ్యంలోనే టీ20 ప్రపంచకప్‌
