Ravindra Jadeja New Name : ఐపీఎల్లోని చెన్నై సూపర్ కింగ్స్ జట్టుకు ఓ సెపరేట్ ఫ్యాన్ బేస్ ఉంది. అందులోని స్టార్స్కు తమ ఫ్యాన్స్ పలు రకాల ముద్దు పేర్లు పెట్టుకుని పిలుస్తుంటారు. ఇప్పటికే ధోనీని 'తలా' అని సురేశ్ రైనాను 'చిన్న తలా' అని పిలుస్తుంటారు. వాళ్ల గురించి రాసేటప్పుడు కానీ చెప్పేటప్పుడు కానీ పదే పదే ఈ పేరును చెప్తుంటారు.
ఇలా ఈ జట్టులో ఈ ఇద్దరికీ మాత్రమే స్పెషల్ నిక్నేమ్ ఉంది. అయితే తాజాగా ఈ లిస్ట్లోకి మరో స్టార్ ఆల్రౌండర్ చేరాడు. కోల్కతా జట్టుపై తన బంతులతో విరుచుకుపడ్డ రవీంద్ర జడేజాను ఇకపై 'దళపతి' అని పిలవాలట. ఈ విషయాన్నిచెన్నై ఫ్రాంచైజీ కూడా వెరిఫై చేసింది. ఇంతకీ ఆ పేరు ఎలా వచ్చిందంటే ?
చెన్నైలోని ఎంఏ చిదంబరం స్టేడియం వేదికగా సోమవారం జరిగిన మ్యాచ్లో కోల్కతా జట్టుపై మూడు వికెట్లు తీసిన రికార్డుకెక్కాడు జడ్డూ. ఈ గేమ్లో తన సూపర్ పెర్ఫామెన్స్కుగానూ అతడు 'ప్లేయర్ ఆఫ్ ది మ్యాచ్' అవార్డును సొంతం చేసుకున్నాడు. ఈ నేపథ్యంలో మ్యాచ్ తర్వాత జడ్డూతో ప్రముఖ కామెంటేటర్ హర్షా భోగ్లే మాట్లాడారు. అయితే ఆ సమయంలో ఆయన జడ్డూని 'దళపతి' అని పిలుస్తాడు. ఇది విన్న మన ఆల్రౌండర్ వెంటనే "నాకు ఇంకా ఆ టైటిల్ వెరిఫై కాలేదు. తప్పకుండా ఏదో ఒకటి ఇస్తారని నేను ఆశిస్తున్నాను" అంటూ సరదాగా అన్నాడు.
దీని తర్వాత హర్షా భోగ్లే ట్విట్టర్లో ఓ ఆసక్తికర పోస్టు పెట్టారు. "మ్యాచ్ ముగిసిన తర్వాత కూడా భారీగా అభిమానులు ఉండటం దేశంలో మరే గ్రౌండ్లోనూ ఉండదేమో. అలాంటి అద్భుత మ్యాచ్లో నేను ఉండటం నాకు చాలా బాగనిపించింది. జడేజాకు 'క్రికెట్ దళపతి' అనే టైటిల్ వెరిఫికేషన్‌ను మీరు చేస్తున్నారా? " అంటూ హర్షా చెన్నై ఫ్రాంచైజీ ట్విట్టర్ హ్యాండిల్ను ట్యాగ్ చేశాపరు. ఇది చూసిన ఫ్రాంచైజీ, కొద్దిసేపటికే తమ అధికారిక సోషల్ మీడియా ఖాతాలో 'క్రికెట్ దళపతిగా వెరిఫైడ్‌’' అంటూ రిప్లై ఇచ్చింది. ఇక జడ్డూ కూడా ఆనందంగా ఫ్రాంచైజీకి థ్యాంక్స్ చెప్పాడు.
-
⚔️Aatanayagan = Thalapathy ⚔️#CSKvKKR #WhistlePodu #Yellove🦁💛 @imjadeja pic.twitter.com/a9IdTkutQi
— Chennai Super Kings (@ChennaiIPL) April 8, 2024
'ఏంటి జడ్డూ ఇలా చేశావ్' - ధోనీ ఫ్యాన్స్ను ఆటపట్టించిన ఆల్రౌండర్! - Ravindra Jadeja CSK
