జడేజా 'ట్రిపుల్ సెంచరీ' - టీమ్ఇండియా ఆల్​రౌండర్​ ​ రేర్​ రికార్డ్ - Ravindra Jadeja 300 Wickets

Ravindra Jadeja 300 Wickets : భారత్- బంగ్లా టెస్టు మ్యాచ్​లో టీమ్ఇండియా ఆల్ రౌండర్ రవీంద్ర జడేజా అరుదైన ఘనత సాధించాడు. టెస్టు ఫార్మాట్​లో 300 వికెట్లు, 3వేల రన్స్ చేసిన మూడో భారత ప్లేయర్​గా నిలిచాడు. ఈ క్రమంలో ఈ ఘనత సాధించిన భారత ఆటగాళ్లపై ఓ లుక్కేద్దాం.

Ravindra Jadeja 300 Wickets : టీమ్ఇండియా ఆల్ రౌండర్ రవీంద్ర జడేజా మరో రికార్డును తన ఖాతాలో వేసుకున్నాడు. టెస్టు ఫార్మాట్​లో 3 వేల పరుగులు, 300 వికెట్లు తీసిన మూడో భారత బౌలర్​గా అరుదైన ఘనత సాధించాడు. బంగ్లాదేశ్​తో జరుగుతున్న రెండో టెస్టులో ఖలీల్ అహ్మద్ వికెట్ తీయడంతో జడేజా ఈ ఫీట్ అందుకున్నాడు. ఇప్పటి వరకు ప్రపంచవ్యాప్తంగా 11 మంది క్రికెటర్లు మాత్రమే ఈ మైలురాయిని అందుకున్నారు. టీమ్ఇండియా తరఫున 3వేల రన్స్, 300 వికెట్లు తీసిన ఆటగాళ్లు ఎవరో ఈ స్టోరీలో తెలుసుకుందాం.

రవీంద్ర జడేజా
2012 డిసెంబర్​లో రవీంద్ర జడేజా టెస్టుల్లో అరంగేట్రం చేశాడు. అప్పటి నుంచి బ్యాటింగ్, బౌలింగ్​లో స్థిరంగా రాణిస్తున్నాడు. భారత జట్టును విజయాల్లో అనేకసార్లు జడ్డూ కీలక పాత్ర వహించాడు. ఇప్పటివరకు 74 టెస్టు మ్యాచ్​లు ఆడిన జడేజా 300 వికెట్లు, 3వేలకు పైగా పరుగులు చేశాడు. అత్యంత వేగంగా ఈ ఫీట్ అందుకున్న రెండో ఆటగాడిగా నిలిచాడు. అంతకుముందు దక్షిణాఫ్రికా ఆల్ రౌండర్ ఇయాన్ బోథమ్ 72 టెస్టులోనే ఈ మైలురాయిని అందుకున్నాడు.

Last wicket of the innings and it's a special one for @imjadeja 😎

3⃣0⃣0⃣ wickets in Test Cricket 👏👏

Live - https://t.co/JBVX2gz6EN#TeamIndia | #INDvBAN | @IDFCFIRSTBank pic.twitter.com/1hZhQcq7Vz

— BCCI (@BCCI) September 30, 2024

కపిల్ దేవ్
భారత దిగ్గజం కపిల్ దేవ్ టెస్టుల్లో 300 వికెట్లు, 3వేల పరుగుల ఫీట్ 83 మ్యాచ్ ల్లో అందుకున్నాడు. అత్యంత వేగంగా ఈ రికార్డును సాధించిన రెండో భారత బౌలర్​గా కపిల్ నిలిచాడు. 1987లో శ్రీలంకతో జరిగిన టెస్టు మ్యాచ్​లో కపిల్ ఈ మైలురాయిని అందుకున్నాడు. కాగా, కపిల్ తన కెరీర్​లో 131 టెస్టు మ్యాచ్ లు ఆడాడు. అందులో 5,248 పరుగులు చేశాడు. అందులో 8 శతకాలు ఉన్నాయి. అలాగే 434 వికెట్లు పడగొట్టాడు.

రవిచంద్రన్ అశ్విన్
రవిచంద్రన్ అశ్విన్ 2022లో బంగ్లాదేశ్​తో జరిగిన టెస్టులో 300 వికెట్లు, 3వేల పరుగుల చేసిన ఆటగాడిగా రికార్డుకెక్కాడు. తన 88 టెస్టు మ్యాచ్ లోనే ఈ ఫీట్ అందుకున్నాడు. కాగా, అశ్విన్ 101 టెస్టుల్లో 522 వికెట్లు పడగొట్టాడు. అలాగే 3,400కు పైగా పరుగులు చేశాడు.

కాగా, దిగ్గజం కపిల్ దేవ్, స్పిన్నర్ రవిచంద్రన్ అశ్విన్ కంటే జడేజా తక్కువ టెస్టుల్లోనే ఈ ఘనత సాధించాడు. అత్యంత వేగంగా ఈ ఫీట్ అందుకున్న టీమ్ఇండియా ఆటగాడిగా నిలిచాడు. ఈ మైలురాయి అందుకున్న మొదటి లెఫ్ట్ ఆర్మ్ స్పిన్నర్ కూడా జడేజానే. ఈ ఏడాది ఫిబ్రవరిలోనే జడ్డూ టెస్టుల్లో 3వేల పరుగులు పూర్తి చేశాడు. ఓవరాల్​గా టెస్టుల్లో 300 వికెట్ల తీసిన ఏడో భారత్ బౌలర్​గా జడ్డూ రికార్డు సృష్టించాడు.