వరల్డ్​కప్ ప్లేయర్ల పెర్ఫార్మెన్స్- బెర్త్ ఫిక్స్ అయ్యాక ఇలాగైతే ఎలా? - T20 World Cup 2024

World Cup Squad Performance: 2024 వరల్డ్​కప్​కు టీమ్ఇండియా జట్టును బీసీసీఐ రీసెంట్​గా ప్రకటించింది. అయితే టీమ్ అనౌన్స్​మెంట్ తర్వాత జట్టులో చోటు దక్కించుకున్న ప్లేయర్ల పెర్ఫార్మెన్స్ పట్ల టీమ్ఇండియా ఫ్యాన్స్ ఆందోళన చెందుతున్నారు.

World Cup Squad Performance: 2024 టీ20 వరల్డ్​కప్​కు బీసీసీఐ రీసెంట్​గా 15మందితో కూడిన జట్టును అనౌన్స్​ చేసింది. పొట్టికప్​కు ఎంపికైన ప్లేయర్లంతా ప్రస్తుతం ఐపీఎల్​ ఆడుతున్నారు. అయితే మెగా టోర్నీలో బెర్త్ కన్ఫార్మ్ అయ్యాక ఆ ప్లేయర్‌ల ఆటతీరు ఇప్పుడు చర్చనీయాంశంగా మారింది. టీమ్‌ ఇండియా వరల్డ్‌కప్‌ టీమ్‌ని అనౌన్స్‌ చేసిన తర్వాత, ఆడిన తొలి ఐపీఎల్​ మ్యాచ్​లో జట్టులోని దాదాపు 10 మంది సభ్యులు విఫలమయ్యారు. దీంతో టీమ్ఇండియా ఫ్యాన్స్​ ఆందోళన చెందుతున్నారు.

బ్యాటింగ్‌లో వీళ్లు
రానున్న వరల్డ్​కప్​కు ఒక్క ముంబయి ఇండియన్స్​ జట్టనుంచే నలుగురు ప్లేయర్లు ఎంపికయ్యారు. ప్రపంచకప్ టీమ్ అనౌన్స్​మెంట్ తర్వాత కెప్టెన్ రోహిత్ (5 పరుగులు) సహా, సూర్యకుమార్ యాదవ్ (10 పరుగులు) స్వల్ప స్కోర్లకు పెవిలియన్ చేరారు. కాగా రీసెంట్​గా సన్​రైజర్స్​తో మ్యాచ్​లో రాజస్థాన్ ప్లేయర్ సంజు శాంసన్ కూడా విఫలమయ్యాడు. శాంసన్ ఏకంగా డకౌట్​గా వెనుదిరిగాడు.

ఆల్‌రౌండర్ల ప్రదర్శన
ముంబయి కెప్టెన్ హార్దిక్ పాండ్య, 2024 వరల్డ్​కప్​లో ఆల్​రౌండర్ బాధ్యత మోయనున్నాడు. అయితే ప్రస్తుత ఐపీఎల్​లో పెద్దగా రాణించలేకపోతున్న పాండ్య టీమ్ అనౌన్స్​మెంట్ తర్వాత మెరుగ్గా ఆడతాడని ఆశించారు. కానీ, పాండ్య ఆట తీరు మారలేదు. లఖ్​నవూ మ్యాచ్​లో బ్యాటింగ్​లో (0) డకౌట్​ కాగా, బౌలింగ్‌లో 2 ఓవర్లు వేసి 26 పరుగులు సమర్పించుకున్నాడు.

ఇక మరో ఆల్​రౌండర్ బ్యాటర్ శివమ్ దూబే కూడా రీసెంట్​గా పంజాబ్​తో మ్యాచ్​లో ఫెయిలయ్యాడు. ఈ మ్యాచ్​లో దూబే కూడా (0) డకౌట్​గా పెవిలియన్ చేరాడు. బౌలింగ్‌లో ఒక ఓవర్‌లో 1 వికెట్‌ తీసి 14 పరుగులు ఇచ్చాడు. అటు రవీంద్ర జడేజా కూడా పెద్దగా రాణించలేదు. బ్యాటింగ్​లో 2 పరుగులే చేసి, బౌలింగ్​లో 3 ఓవర్లలో వికెట్ తీయకుండా 22 పరుగులు ఇచ్చాడు.

బౌలింగ్‌ ప్రదర్శన ఎలా ఉందంటే?
ప్రస్తుత సీజన్​లో మంచి ప్రదర్శనతో టీమ్ఇండియాలోకి రీ ఎంట్రీ ఇవ్వనున్న యుజ్వేంద్ర చాహల్​పై కూడా భారీ అంచనాలు ఉన్నాయి. కానీ, జట్టులో స్థానం ఖరారయ్యాక చాహల్ ప్రదర్శనతో ఫ్యాన్స్ అసంతృప్తిగా ఉన్నారు. రీసెంట్​గా సన్‌రైజర్స్​తో మ్యాచ్​లో 4 ఓవర్ల కోటా పూర్తి చేసి వికెట్ తీయకుండా ఏకంగా 62 పరుగులు ఇచ్చాడు. ఇది చాహల్ ఐపీఎల్​ కెరీర్​లోనే చెత్త రికార్డు. మరోవైపు పేసర్ అర్షదీప్ సింగ్ కూడా చెన్నైతో మ్యాచ్​లో ఘోరంగా విఫలమయ్యాడు. పెద్దగా పరుగుల వరద లేని మ్యాచ్​లోనూ అర్షదీప్ 13 ఎకనమీతో రన్స్ ఇచ్చుకున్నాడు. ఈ మ్యాచ్​లో 4 ఓవర్లలో 52 పరుగులు సమర్పించుకున్నాడు.

వరల్డ్​కప్​కు ఎంపికైన ప్లేయర్ల పెర్ఫార్మెన్స్​ పట్ల టీమ్ఇండియా ఫ్యాన్స్ ఆందోళన చెందుతున్నారు. ఇలా దాదాపు 10 మంది పొట్టి కప్​కు ముందు విఫలమవ్వడాన్ని విమర్శిస్తున్నారు. మరి ఇకనైనా ఈ ప్లేయర్లంతా పుంజుకొని మంచి ప్రదర్శన చేయాలని ఫ్యాన్స్ ఆశిస్తున్నారు.