పారిస్ ఒలింపిక్స్​లో​ నా ప్రదర్శనపై సంతృప్తిగా లేను : సరబ్​ జోత్​ - Paris Olympics 2024 Sarabjot Singh

Paris Olympics 2024 SarabJot Singh : పారిస్ ఒలింపిక్స్ 2024లో కాంస్య పతకం సాధించిన సరబ్​ జోత్​ తన ప్రదర్శనపై మాట్లాడాడు. ఈ ప్రదర్శనతో తాను సంతృప్తిగా లేనని పేర్కొన్నాడు. పూర్తి వివరాలు స్టోరీలో.

Paris Olympics 2024 SarabJot Singh : పారిస్ ఒలింపిక్స్ 2024లో 10 మీటర్ల ఎయిర్ పిస్టల్ షూటింగ్ మిక్స్​డ్​ ఈవెంట్​లో సరబ్​ జోత్​, మను బాకర్​తో కలిసి కాంస్య పతకాన్ని సాధించిన సంగతి తెలిసిందే. సౌత్‌ కొరియాకు చెందిన లీ వొన్‌హో, ఓ హైజిన్ జోడీని 16-10 పాయింట్ల తేడాతో ఓడించి ఈ మెడల్​ను ముద్దాడారు. ఈ విజయంతో భారత్​కు కాంస్య పతకం దక్కింది. దీంతో వీరిద్దరిపై సర్వత్రా ప్రశంసల వర్షం కురుస్తోంది. అయితే మెడల్ సాధించిన సరబ్​జోత్​ ఈటీవీ భారత్​కు ప్రత్యేక ఇంటర్వ్యూ ఇచ్చాడు. పారిస్​ ఒలింపిక్స్​లో తన ప్రదర్శనతో సంతృప్తిగా లేనని చెప్పాడు.

"పారిస్​ ఒలింపిక్స్​లో నా ప్రదర్శనతో నేను సంతృప్తిగా లేను. నా లక్ష్యం నెరవేరేంతవరకు నేను సంతృప్తి చెందను. పారిస్ ఒలింపిక్స్​ కోసం 8 ఏళ్లుగా సన్నద్ధం అవుతున్నాను. భారతదేశానికి ప్రాతినిథ్యం వహించడం నా కల. పతక ఈవెంట్ సమయంలో నా ఆటపై మాత్రమే దృష్టి పెట్టాను. స్కూల్ డేస్​ రోజుల్లో ఫుట్​బాల్ అంటే ఇష్టం. కానీ ఆ తర్వాత షూటింగ్​ వైపు నా ఆసక్తి పెరిగింది. దీంతో అందులోనే నా ప్రదర్శనను మెరుగుపరచుకుంటూ వస్తున్నాను. మెడల్ సాధించడం కోసం ఎంతో శిక్షణ చేశాను. ఎంతో కష్టపడ్డాను. కానీ ఈ ఒలింపిక్ మెడల్ తర్వాత కూడా నేను సాధించాల్సింది చాలా ఉంది. అయితే ప్రస్తుతం కొంత సమయం కుటుంబంతో గడుపుతాను. అనంతరం 2028 ఒలింపిక్స్​లో స్వర్ణం సాధించడంపై నా పూర్తి ఫోకస్ పెడతాను. ప్రతిరోజు నాకు డైరీ రాసుకునే అలవాటు ఉంది. అందులో నా దినచర్య , నేను సాధించిన విజయాలు ఉంటాయి. ఫైనల్​గా యంగ్ ప్లేయర్స్​కు నేనిచ్చే సలహా ఏంటంటే నిరంతం తమ లక్ష్యం కోసం కృష్టి చేస్తూ కష్టపడండి. అస్సలు తమ ప్రయత్నాన్ని మధ్యలో విరమించొద్దు." అని అన్నాడు.

ఆయనే స్ఫూర్తి - సరబ్‌జోత్ స్వస్థలం హరియాణాలోని అంబాలా జిల్లా ధీన్ గ్రామం. ఇప్పుడు అతడి వయస్సు 22 ఏళ్లు. అయితే సరబ్‌జోత్​ ఈ విజయం సాధించడానికి - హంగేరియన్ సైనికుడు, షూటర్ కరోలి టాకాక్స్ నుంచి పొందిన స్ఫూర్తినే కారణమట. ఈ విషయాన్ని ఆయన కోచ్ అభిషేక్ రానా తెలిపారు.

OLYMPIC BRONZE MEDALIST!! 🥉
Very happy to have won a Bronze Medal along with @realmanubhaker in the 10M Air Pistol Mixed Team Event, for our country. It has been an amazing experience at @paris2024 Olympic Games, my first Olympics. This is just the start. pic.twitter.com/9TEm8j23LE

— Sarabjot Singh (@Sarabjotsingh30) July 31, 2024