బాబర్​ స్ట్రైక్ రేట్ కన్నా అర్షద్ జావెలిన్ డిస్టెన్సే ఎక్కువ! ఆజమ్​పై ఫుల్ ట్రోల్స్ - Arshad Nadeem Babar Azam

Babar Azam Arshad Nadeem: పాకిస్థాన్​ అథ్లెట్​ అర్షద్​ నదీమ్ పారిస్ ఒలింపిక్స్​ జావెలిన్ త్రో లో గోల్డ్ మెడల్ ముద్దాడాడు. దీంతో పాక్​లో సంబరాలు చేసుకుంటున్నారు. ఈ క్రమంలో సోషల్ మీడియాలో

Babar Azam Arshad Nadeem: పాకిస్థాన్​ అథ్లెట్​ అర్షద్​ నదీమ్ పారిస్ ఒలింపిక్స్​ జావెలిన్ త్రో విభాగంలో గోల్డ్ మెడల్ సాధించి సంచలనం సృష్టించాడు. ఫైనల్​లో ఏకంగా 92.97 మీటర్ల దూరం ఈటెను విసిరి పసిడి ముద్దాడి ఒలింపిక్స్​లో పాకిస్థాన్ 40ఏళ్ల స్వర్ణ పతకం నిరీక్షణకు తెరదించాడు. ఒలింపిక్స్​లో పాక్ చివరిసారి 1984లో పసిడి పతకం సాధించింది. ఈ విజయంతో పాక్​లో సంబరాలు అంబరాన్నంటుతున్నాయి.

ఈ నేపథ్యంలో సోషల్ మీడియాలో సైతం అర్షద్​ నదీమ్​పై ప్రశంసలు జల్లు కురుస్తోంది. అయితే ఓవైపు నెటిజన్లు అర్షద్​ను మెచ్చుకుంటూనే మరోవైపు పాకిస్థాన్ క్రికెట్ టీమ్ కెప్టెన్​ను ట్రోల్ చేస్తున్నారు. అర్షద్ విసిరిన ఈట దూరంతో బాబర్ ఆజమ్ స్ట్రైక్ రేట్​ను పోలుస్తూ హేళన చేస్తున్నారు. ఆర్షద్ 92.97మీటర్ల కంటే బాబర్ వన్డే ఫార్మాట్​ స్ట్రైక్ రేట్ (88.75) తక్కువ అంటూ మీమ్స్​ చేస్తున్నారు. మరికొందరు అర్షద్ ఈట డిస్టెన్స్​ 92.97మీ, బాబర్ 2022 టీ20 వరల్డ్​కప్ స్ట్రైక్ రేట్ (93.20) దాదాపు సమానమే అంటూ సోషల్ మీడియాలో పోస్ట్​లు షేర్ చేస్తున్నారు.

Arshad Nadeem Javelin throw distance- 92.97

Babar Azam strike rate in T20 WC 2022- 93.23

Babar Azam- 1, Arshad Nadeem-0🤧 pic.twitter.com/gKKsAxxaDh

— Ajay Nishad (@ajay998nishad) August 9, 2024

Arshad Nadeem throw was better than Babar Azam's strike rate....#JavelinThrow pic.twitter.com/gdkMRfzUkF

— Anuj Gujjar🇮🇳 (@AnujS28_) August 8, 2024

Arshad Nadeem throw 92.7m

Babar azam Strike rate of WC t20 86.2 pic.twitter.com/TubGcIUTKu

— Jedi, you look lonely. (@HassanRonaNhi) August 8, 2024

కాగా, పారిస్ ఒలింపిక్స్​ ఇదే ఈవెంట్​లో భారత స్టార్ నీరజ్ చోప్రా రెండో స్థానంలో నిలిచి సిల్వర్ మెడల్ దక్కించుకున్నాడు. అతడు రెండో ప్రయత్నంలో ఈటెను 89.45 మీటర్లు విసిరాడు. దీంతో మొత్తం 12 మంది పోటీ పడ్ ఈ ఫైనల్‌లో రెండో స్థానంలో నిలిచాడు. గ్రెనడా అథ్లెట్‌ పీటర్స్‌ అండర్సన్‌కు కాంస్యం వచ్చింది.

ఈ తుదిపోరులో మొత్తం ఆరు ప్రయత్నాల్లో నీరజ్‌ కేవలం రెండో త్రోలో మాత్రమే సఫలమయ్యాడు. మిగతా అన్ని ప్రయత్నాల్లోనూ ఫౌల్ అయ్యాడు. అయినప్పటికీ వరుసగా రెండు ఒలింపిక్స్‌ పోటీల్లో రెండు పతకాలు అందుకున్న వీరుడిగా నీరజ్‌ రికార్డు సృష్టించాడు. ఈ ఒలింపిక్స్‌లో ఇప్పటివరకు భారత్‌ మొత్తం ఐదు పతకాలు సాధించింది. అందులో ఒక రజతం, నాలుగు కాంస్య పతకాలున్నాయి. వీటిలో తొలి సిల్వర్‌ మెడల్‌ నీరజ్‌దే. మిగతా వాటిలో షూటింగ్‌లో మూడు, హకీలో ఒకటి వచ్చింది. ఇవన్నీ కాంస్య పతకాలు.