Nassau Cricket Stadium New York: 2024 టీ20 వరల్డ్కప్ టోర్నీలో భారత్- పాకిస్థాన్ మ్యాచ్కు ఆతిథ్యమివ్వనున్న న్యూయార్క్ నసావు కౌంటీ క్రికెట్ స్టేడియం (Nassau County International Cricket Stadium in New York) నిర్మాణ పనులు శరవేగంగా జరుగుతున్నాయి. ఈ క్రమంలో భాగంగా 10 పిచ్లు బుధవారం న్యూయార్క్కు చేరుకున్నాయి. ఈ పిచ్లను ట్రక్కుల ద్వారా ఫ్లోరిడా నుంచి న్యూయార్క్కు తీసుకువచ్చినట్లు ఐసీసీ పేర్కొంది. కాగా, ఈ పిచ్లన్నీ డ్రాప్- ఇన్ వికెట్ పిచ్లు. ఈ రకమైన పిచ్లు బ్యాటింగ్కు అనుకూలిస్తాయి.
గతేడాది డిసెంబర్ నుంచి ఫ్లోరిడాలో ఈ పిచ్లను ప్రిపేర్ చేశారు. ఈ 10 పిచ్లలో నాలుగింటిని స్టేడియం మధ్యలో మ్యాచ్ల కోసం ఏర్పాటు చేయనున్నారు. ఈ పిచ్లపైనే క్రికెట్ మ్యాచ్లు జరుగుతాయి. కాగా, మిగిలిన 6 పిచ్లను స్టేడియంలోనే ప్రాక్టీస్ కోసం ఉపయోగించుకునేలా అక్కడక్కడా ఉంచనున్నారు. స్టేడియం నిర్మాణంలో ఈ కీలక ఘట్టం, ఆడిలైడ్ ఓవల్ పిచ్ క్యురేటర్ డామైన్ హాగ్ పర్యవేక్షణలో జరుగుతోంది. ఈ పిచ్లను ఫ్లోరిడా నుంచి న్యూయార్క్కు రవాణా చేయడానికి 20 ట్రక్కులను ఉపయోగించినట్లు హాగ్ తెలిపారు. పిచ్ ట్రాన్స్పోర్ట్ అంతా సజావుగానే జరిగినట్లు పేర్కొన్న హాగ్, పిచ్లన్నీ మంచి కండీషన్లో ఉన్నాయని చెప్పారు.
కాగా, ఈ స్టేడియం న్యూయార్క్ ఈస్ట్మేడ్లోని ఐసెన్‌హోవర్ పార్క్లో నిర్మిస్తున్నారు. 34 వేల సీటింగ్ కెపాసిటీతో, అంతర్జాతీయ మ్యాచ్లకు అనుగుణంగా ఈ స్టేడియం నిర్మాణం జరుగుతోంది. 2024 టీ20 వరల్డ్కప్ టోర్నీలో ప్రతిష్ఠాత్మక భారత్- పాకిస్థాన్ సమరంతో సహా మరో 8 మ్యాచ్లకు ఈ స్టేడియం వేదికకానుంది. ఆస్ట్రేలియా ఆడిలైడ్ ఓవల్, న్యూజిలాండ్ ఈడెన్ పార్క్ స్టేడియాల్లో మదిరి ఈ మైదానంలోనూ డ్రాప్- ఇన్ పిచ్ వాడుతున్నారు.
ఇక జూన్ 1న పొట్టి కప్ సమరం ప్రారంభం కానుంది. ఈ టోర్నీలో జూన్ 3న శ్రీలంక- సౌతాఫ్రికా జట్లు ఇదే వేదికగా తలపడనున్నాయి. ఇదే స్టేడియంలో భారత్ చిరకాల ప్రత్యర్థి పాకిస్థాన్ను జూన్ 9న ఢీకొట్టనుంది.
టీమ్ఇండియా జట్టు ప్రకటించిన బీసీసీఐ - పంత్ ఇన్, రాహుల్ ఔట్ - ICC T20 World Cup 2024
వారిదే కీలక పాత్ర - ఐపీఎల్లో ప్రపంచకప్ జట్టు ప్రదర్శన ఎలా ఉందంటే? - T20 world cup 2024
