Most Liked Instagram Photo In India : టీ20 ప్రపంచకప్లో టీమ్ఇండియా విజయం ఎన్నో రికార్డులకు నెలువుగా మారింది. ఇప్పటికే ప్లేయర్ల పర్సనల్ రికార్డులు ఒక్కోటి ట్రెండ్ సృష్టిస్తుండగా, తాజాగా విరాట్ కోహ్లీ ఇన్స్టాగ్రామ్ వేదికాగా పోస్ట్ చేసిన ఫొటో సోషల్ మీడియాలో సునామీ సృష్టిస్తోంది. అదేంటంటే?
వరుస మ్యాచుల్లో విజయం సాధించి ఆఖరి పోరులో గెలుపుతీరాలకు చేరుకుంది టీమ్ఇండియా. ఈ నేపథ్యంలో బార్బడస్ మైదానంలోని ప్లేయర్లందరూ భావోద్వేగానికి లోనయ్యారు. ఇక అక్కడి ఫొటోగ్రాఫర్లు కూడా మ్యాచ్కు సంబంధించిన స్పెషల్ విన్నింగ్ మూమెంట్స్ను క్యాప్చర్ చేశారు. అందులో రోహిత్ సేన కప్ అందుకుంటున్న ఫొటో ఒకటి. ఎంతో మంది ఫ్యాన్స్ మెచ్చిన ఈ ఫొటో ఇప్పుడు నెట్టింట రికార్డులు బ్రేక్ చేస్తోంది.
స్టార్ క్రికెటర్ విరాట్ కోహ్లీ ఈ ఫొటోను ఇన్స్టాగ్రామ్ వేదికగా షేర్ చేయగా, అది క్షణాల్లోనే వైరల్ అయ్యింది. దీంతో పోస్ట్ చేసిన కొద్ది గంటల్లోనే ఎక్కువ మంది లైక్ చేసిన ఫొటోగా రికార్డు క్రియేట్ చేసింది. సుమారు 19 మిలియన్ల లైక్తో దూసుకెళ్తోంది.
అయితే ఇప్పటి వరకూ ఈ రికార్డు బాలీవుడ్ స్టార్ కపుల్ కియారా అద్వానీ, సిద్ధార్థ్ మల్హోత్రా పేరిట ఉండటం విశేషం. ఆ ఫొటో సుమారు 16 మిలియన్ల లైక్స్తో మొదటి స్థానం కైవసం చేసుకోగా, ఇప్పుడు ఆ ప్లేస్లో ఈ గ్రూప్ ఫొటో వచ్చింది.
ఇండియాలో విరాట్ - వరల్డ్లో ఎవరంటే?
భారత్లో మోస్ట్ లైక్డ్ ఫొటో రికార్డ్ ఇప్పుడు విరాట్ పేరిట ఉండగా, ప్రపంచంలో మాత్రం ఈ ఫీట్ను ఫుట్బాల్ స్టార్ లియోనెల్ మెస్సీ అందుకున్నాడు. 2022 ఫిఫా వరల్డ్ కప్ను అర్జెంటీనా గెలిచిన సమయంలో ఆయన షేర్ చేసిన ఓ ఫొటోకు 75.3 కోట్ల లైక్స్ వచ్చాయి. మెస్సీ ఫోటో తర్వాత అంతటి పాపులారిటీ అందుకున్న ఫొటోల్లో ఓ గుడ్డు ఉండటం విశేషం. 2019లో క్రిస్ గోడ్ఫ్రే అనే వ్యక్తి పోస్ట్ చేసిన ఓ గుడ్డు ఫొటోకు సుమారు 61.1 మిలియన్ లైక్స్ వచ్చాయి.
వరల్డ్కప్లో మెస్సీ ధరించిన జెర్సీలకు రికార్డు ధర- వేలంలో ఆరు టీషర్టులకు రూ.64 కోట్లు!
ఛాంపియన్గా భారత్- రోహిత్, విరాట్ ఎమోషనల్- గోల్డెన్ మూమెంట్స్ చూశారా? - T20 World Cup 2024
