Pakisthan New Captain Mohammad Rizwan : పీసీబీ ప్రస్తుతం పాక్ జట్టుకు కొత్త కెప్టెన్ను నియమించే పనిలో నిమగ్నమైందని తెలుస్తోంది. ఐసీసీ ఛాంపియన్స్ ట్రోఫీ 2025 దగ్గర పడుతున్న నేపథ్యంలో జట్టును సమర్థవంతంగా నడిపించే సారథిని నియమించేందుకు ప్రయత్నాలు చేస్తోంది.
2024 టీ20 ప్రపంచ కప్ ఘోర పరాజయం తర్వాత బాబార్ అజామ్ వైట్ బాల్ కెప్టెన్సీ నుంచి వైదొలిగిన సంగతి తెలిసిందే. ఆ తర్వాత స్వదేశంలో ఇంగ్లాండ్తో జరుగుతోన్న టెస్ట్ సిరీస్ షాన్ మసూద్ నాయకత్వం వహిస్తున్నాడు. కానీ అతడు కూడా జట్టును నడిపించడంలో విఫలమయ్యాడు. దీంతో పాక్ జట్టు టెస్ట్ కెప్టెన్సీ రేసులో సౌద్‌ షకీల్‌, మహ్మద్ రిజ్వాన్, సల్మాన్‌ అలీ అఘా పేర్లు వినబడుతున్నాయి.
అయితే ఇప్పుడు తాజాగా అందిన సమాచారం ప్రకారం పాకిస్థాన్ వన్డే, టీ20 కెప్టెన్గా వికెట్ కీపర్ మహ్మద్ రిజ్వాన్కు సారథ్య బాధ్యతలు అప్పగించే అవకాశముందని సమాచారం అందింది. పీసీబీ ఛైర్మన్ మోహ్సిన్ నఖ్వీ, వైట్ బాల్ హెడ్ కోచ్ గ్యారీ కిర్స్టెన్ కరాచీలో సెలక్టర్స్తో కలిసి సమావేశం నిర్వహించారట. ఆ భేటీలో రిజ్వాన్ను కొత్త కెప్టెన్గా బాధ్యతలు అప్పగించాలని నిర్ణయం తీసుకున్నారట. "డొమాస్టిక్ క్రికెట్, పీఎస్ఎల్లో జట్టును నడిపించిన అనుభవం ఉన్న మహ్మద్ రిజ్వాన్ను వైట్ బాల్ కెప్టెన్గా నియమించాలని అనుకుంటున్నాం" అని పీసీబీ వర్గాలు తెలిపాయి.
కాగా, ప్రస్తుతం స్వదేశంలో ఇంగ్లాండ్తో టెస్ట్ సిరీస్ ఆడుతున్న పాకిస్థాన్ ఆ తర్వాత మూడు వన్డేలు, టీ20ల సిరీస్ కోసం ఆస్ట్రేలియా పర్యటనకు వెళ్లనుంది. అనంతరం జింబాబ్వే, దక్షిణాప్రికాతోనూ వైట్ బాల్ సిరీస్ ఆడనుంది. అలాగే ప్రొటీస్ జట్టుతో రెండు టెస్ట్ మ్యాచుల్లోనూ పోటీ పడనుంది. ఇంకా ఐసీసీ ఛాంపియన్స్ ట్రోఫీ 2025 కూడా ఉంది. కాబట్టి ఒకవేళ మహ్మద్ రిజ్వాన్కు పగ్గాలు అప్పగిస్తే అతడి ముందు పెద్ద సవాలే ఉన్నట్లు.
భారత్, పాక్ మ్యాచ్కు అంతా రెడీ - హెడ్ టు హెడ్ రికార్డ్స్ ఇవే - మ్యాచ్ ఎందులో చూడాలంటే?
టెస్ట్ క్రికెట్‌లో టీమ్ ఇండియా సంచలన రికార్డ్ - 147 ఏళ్లలో తొలిసారి ఇలా
