Kl Rahul Lsg Captaincy: లఖ్నవూ సూపర్ జెయింట్స్ సారథి కేఎల్ రాహుల్ కెప్టెన్సీ వదుకోనున్నట్లు తెలుస్తోంది. తాజాగా సన్రైజర్స్పై ఘోర ఓటమి తర్వాత ఫ్రాంచైజీ ఓనర్తో జరిగిన సంభాషణ వీడియో చక్కర్లు కొట్టడం వల్ల ఈ వార్తలకు తెరలేచింది. ఈ సీజన్లో లఖ్నవూ ఇంకో రెండు మ్యాచ్లు ఆడాల్సి ఉంది. అయితే ఈ మ్యాచ్లకు రాహుల్ కెప్టెన్గా వ్యవహరించకపోవచ్చని సమాచారం.
'లఖ్నవూ మే14న దిల్లీతో తలపడనుంది. అంటే దాదాపు వారం రోజుల గ్యాప్ ఉంది. ఈ సమయంలో రాహుల్ బ్యాటింగ్పై దృష్టి సారించేందుకు కెప్టెన్సీ వదిలేసే ఛాన్స్ ఉంది. కానీ దీనిపై అఫీషియల్ అనౌన్స్మెంట్ రాలేదు' అని ఐపీఎల్ వర్గాలు వెల్లడించాయి. ఈ నేపథ్యంలో ఈ సీజన్కే కాకుండా మొత్తం ఫ్రాంచైజీకే రాహుల్ గుడ్బై చెప్పే ఛాన్స్ ఉన్నట్లు కథనాలు వస్తున్నాయి. కాగా, లఖ్నవూ ప్లేఆఫ్స్ చేరాలంటే మిగిలిన రెండు మ్యాచ్ల్లో నెగ్గడం తప్పనిసరి.
మెగా వేలంలో ఉంటాడా? 2022 సీజన్లో లఖ్నవూ ఐపీఎల్లోకి ఎంట్రీ ఇచ్చింది. అప్పట్నుంచి లఖ్నవూకు రాహులే సారథ్యం వహిస్తున్నాడు. వరుసగా రెండేళ్లు (2022, 2023) ప్లేఆఫ్స్కు కూడా చేర్చాడు. ఈ సీజన్లోనూ ఫస్ట్హాఫ్లో అదరగొట్టిన లఖ్నవూ సెకండ్ హాఫ్లో తడబడింది. ఇక మిగిలిన రెండు మ్యాచ్ల్లో నెగ్గితేనే లఖ్నవూకు టాప్- 4లో స్థానం దక్కే ఛాన్స్ ఉంది. లేదంటే టోర్నీ నుంచి వైదొలుగుతుంది. దీంతో వచ్చే సీజన్నాటికి మెగావేలంలో రాహుల్ను రిటైన్ చేసుకునే అవకాశాలు తక్కువే అన్నట్లు వార్తలు వస్తున్నాయి.
అసలేం జరిగిందంటే? బుధవారం సన్రైజర్స్తో జరిగిన మ్యాచ్లో లఖ్నవూ ఘోర పరాజయాన్ని మూటగట్టుకుంది. దీంతో ప్లేఆఫ్స్ అవకాశాలను లఖ్నవూ మరింత సంక్లిష్టం చేసుకుంది. ఈ నేపథ్యంలో మ్యాచ్ అనంతరం లఖ్నవూ ఓనర్ సంజీవ్, కెప్టెన్ రాహుల్తో అసంతృప్తితో మాట్లాడినట్లు కనిపించారు. గోయెంకా కోపంగా రాహుల్తో ఏదో అన్నట్టుగా వీడియోలో కనిపిస్తోంది. రాహుల్ ఏదో చెప్పేందుకు ప్రయత్నించినా గోయెంకా వినడానికి ఇష్టపడలేదు. ఇంతలోనే అక్కడకు కోచ్ జస్టిన్ లాంగర్ రాగా, రాహుల్ అక్కడి నుంచి నిరాశగా వెళ్లిపోయాడు. ఈ వీడియో సోషల్ మీడియాలో వైరలైంది. మరి అక్కడ జరిగిన సంభాషణ గురించి తెలియాలంటే లఖ్నవూ యాజమాన్యం స్పందించాల్సిందే.
కేఎల్ రాహుల్‌పై విరుచుకుపడ్డ లఖ్నవూ యజమాని! - వైరల్ వీడియో చూశారా? - IPL 2024 LSG
'నాకు 'టెస్టు ప్లేయర్' ట్యాగ్ ఇచ్చారు- అప్పట్నుంచే అందరూ నన్ను నమ్మారు' - IPL 2024
