KL Rahul Wedding Video : టీమ్ఇండియా స్టార్ వికెట్ కీపర్ కేఎల్ రాహుల్, బాలీవుడ్ నటి అతియా శెట్టి వివాహ బంధంలోకి అడుగుపెట్టిన సంగతి తెలిసిందే. గత కొంత కాలంగా ప్రేమలో ఉన్న ఈ జంట గతేడాది పెద్దల సమక్షంలో ఒకటయ్యారు. అతి కొద్దిమంది మధ్యలో గ్రాండ్గా జరిగిన ఈ వేడుకలు అప్పట్లో టాక్ ఆఫ్ ద టౌన్గా నిలిచింది. అయితే తాజాగా ఈ వెడ్డింగ్కు సంబంధించిన వీడియోను ఈ జంట నెట్టింట షేర్ చేసింది. తమ ఫస్ట్ వెడ్డింగ్ యానివర్సరీ సందర్భంగా ఆ మధరుమైన క్షణాలను తమ అభిమానులకు చూపించింది. సినిమాటిక్ లెవెల్లో ఎంతో క్యూట్గా ఉన్న ఆ వీడియో ప్రస్తుతం నెటిజన్లను తెగ ఆకర్షిస్తోంది.
KL Rahul Athiya Shetty Marriage : 2019లోనే ఈ జంట ప్రేమలో ఉన్నట్లు పలు వార్తలు హల్చల్ చేశాయి. అయితే ఈ ఇద్దరూ ఆ రూమర్స్ను కొట్టిపారేశారు. ఆ తర్వాత కొంత కాలానికి తమ రిలేషన్షిప్ గురించి ఓపెనప్ అయ్యారు. ఆ తర్వాత భారత్‌లో పాటు విదేశాల్లో ఈ జంట తిరిగారు. రాహుల్‌తో కలిసి పలు టోర్నీలోకు అతియా వెళ్లింది. ఐపీఎల్కు కూడా వచ్చి అతడికి సపోర్ట్ చేసింది. ఇలా పలు ఈవెంట్లలోనూ ఈ జంట కలియతిరిగారు. అలా కొంత కాలం ప్రేమలో ఉన్న ఈ జంట 2023లో పెద్దలు, సన్నిహితుల సమక్షంలో వివాహం చేసుకున్నారు.
KL Rahul Career : ఇక రాహుల్ కెరీర్ విషయానికి వస్తే గాయం కారణంగా క్రికెట్కు దూరమైన రాహుల్, ఆ తర్వాత శస్త్రచికిత్స తీసుకుని తిరిగి ఫామ్లోకి వచ్చాడు. శిక్షణ తీసుకుని తిరిగి జట్టులోకి ఎంట్రీ ఇచ్చిన ఈ స్టార్ వికెట్ కీపర్ ఆసియా కప్తో పాటు 2023 వన్డే వరల్డ్ కప్లో పరుగుల వరద పారించి సత్తా చాటాడు. తాజాగా జరిగిన సౌతాఫ్రికా టూర్లోనూ సెంచరీ కొట్టి ట్రోలర్స్కు తన బ్యాట్తో సమాధానం చెప్పాడు. కీలక ఇన్నింగ్స్ ఆడుతూ జట్టుకు అండగా నిలుస్తున్నాడు.
